رواية حب عمري الفصل الثاني عشر 12 - بقلم لولا

أحمد بعصبية: انتي بتقولي إيه يا مايا؟ مايا: إيه يا أحمد؟ إيه بقول حاجة غريبة؟ طبيعي يعني. ولم تكمل، مسكها أحمد من شعرها وأكمل بعصبية: ليه هو احنا جايين نخلف؟ ياروح أمك. مايا بوجع: آآآه سيب شعري يا أحمد. أعمل إيه أنا حملت. أحمد بعصبية: ومعملتيش حسابك ليه؟ انتي اتجننتي؟ إحنا مش جايين نخلف، إحنا هدفنا واحد والانتقام من كريم وأخد نيرة.

مايا بعصبية: أوعي إيدك كده. أنت أصلًا ولا تفرقلي يا أحمد، بس أنا مش هموت ابني ولا هنزله. عشان متحلمش، أنا كده كده مش عايزاك ومش هقول إنه ابنك. أحمد بخبث: أحسن برضه. بس أنا فكرت دلوقتي في فكرة نستفيد بيها بالبلوة اللي في بطنك دي، مع الصور اللي صورتيها قبل كده لكريم. مايا: إيه هي؟ أحمد بخبث: هقولك وتنفذيها علطول. *** في المساء. في القصر. نفين: يابتي خليكي انتي وأنا هطبخ. نيرة بحب: لا ياماما، منا كويسة أهو. هطبخ أنا.

نفين: ليه؟ عشان اللي في بطنك يابتي متتعبيش روحك. نيرة بحب: ياست الكل أنا كويسة أوي. خلاص بقي روحي ارتاحي. أنتِ مع جدي، خلصتله الجلسة وقاعد في الصالون. في الصالون. كريم: مساء الخير يا جماعة. سمية: مساء الفل يا كيمو. الجد: مساء النور يا ولدي. كريم: هي فين نيرة مش قاعدة معاكم ليه؟ نفين: صممت تعمل هي الغدا ودخلت تحضره جوا. فهد بضحك: ربنا يستر منروحش المستشفى. كريم ضربه بالمخده بضحك: بس ياض احترم نفسك.

نيرة بضحك: لا كله إلا خطيبيييي. كريم بضحك: طز فيكي انتي وخطيبك. رايح يدخل لنيرة. في المطبخ. نيرة واقفة على الكرسي بتجيب حاجة من فوق المطبخ. ومجرد ما جابتها. وهتنزل، الكرسي اتحرك ووقعت. لكن قبل ما تقع، كان كريم جري عليها وخدها في حضنه. كريم بعصبية: يعني ينفع كده؟ نيرة بخوف: نزلت من حضنه. مالك يا كريم؟ في إيه يا حبيبي؟ كنت هقع ولحقتني خلاص. كريم بصوت أعلى: لا مش خلاص يا هانم. إيه الإهمال اللي انتي فيه ده؟

نفترض ملحقتيش دلوقتي، كان حصل للي في بطنك إيه؟ هااا؟ ردي. نيرة بدموع: خلاص أنا آسفة. أكيد مش هقصد أرمي نفسي يعني. وكانت دايخة. كريم بقلق: نيرة مالك؟ مالك يابت؟ فيكي إيه؟ واغمي عليها في حضنه. كريم شالها وطلع بيها وأكمل بصوت عالي: زين اتصل بمني بسرعة. سمية بخوف: مالها يابني؟ كريم بخوف: معرفش. وقعت وأنا بكلمها. مريم: متخافيش. إن شاء الله خير. وارد تتعب من الحمل. بعد شوية جات الدكتورة وكشفت عليها.

مني: هو اللي حصل ده نتيجة نقص كالسيوم وفيتامين، وإن هي مش بتاكل كويس أو أكل مش كافي للي في بطنها. والأملاح على الرحم رهيبة. وأكملت وهي بتبص لكريم: وأنت عارف إن هي أصلاً حالتها. كريم بمقاطعة: عارف. عارف. شكراً يا منى. مني: ده شغلي. عن إذنكم. والسلامة على نيرة. سمية بخوف: هي مالها حالتها يابني؟ كريم بتوتر: ها؟ لا هي كويسة. بس الحمل زي ماقولتلكم صعب شوية. ربنا يديمها. مريم: يارب. يارب يا نيرة تقومي بألف خير. كلهم: يارب.

كريم شالها وطلع بيها أوضتهم وخدها في حضنه. وبعد شوية نيرة ابتدت تفوق ولقيت نفسها في حضن كريم. نيرة بتعب: كريم؟ كريم بجمود: اممم. نيرة وهي بتحط إيدها على راسها وبتفتح عينها بصعوبة: هو حصلي إيه؟ أنا فاكرة إننا كنا بنتكلم، بعدين وقعت. كريم بعصبية: قام من جنبها. أه. كنا بنتكلم. تفتكري بقي كنا بنتكلم في إيه؟ ولا نسيتي؟ نيرة: إيه يا كريم؟

كريم بعصبية: كبر. إنك مهملة أوي ولا تصلحي أم نهاااائي. ومعندكيش تحمل مسؤولية علشان ابنك. كنت بحايل عليكي كل يوم تاكلي شوية، تسمعي الكلام، وشوية لأ. زمان كان ممكن اسكت، لكن عند ابني، ستوب. نيرة بدموع: هو أنا عملت إيه لكل ده؟ كريم وهو بيحاول ميتعاطفش مع دموعها أكمل بصوت عالي: انتي كلتي إيه انهارده؟ نيرة بعياط: والله من الصبح ما أكلتش حاجة.

كريم بعصبية: ماهي دي المشكلة. زمان مكنتيش بتاكلي وكنت بزعقلك وأحايل فيكي وأقولك صحتك يا نيرة. دلوقتي انتي ملزمة بعيل. وطالما مش قد العيال، مكنتيش حملتي. علشان ده نسيب. وإهمالك حضرتك بتعاني من إرهاق شديد، بالإضافة لنقص كالسيوم وفيتامين. وفوق كل ده أملاح شديدة جداً على الرحم. وده غلط أوي. نيرة بعياط: أنت شايف إني أم مهملة يا كريم؟ ومش هخاف على ابني؟ وبعدين أنا قولت هحضر الغدا وأستناك. مش هاكل من غيرك.

كريم: نيررررة. غيري الموضوع. فيه حقن تثبيت هتتاخد وأدوية. وفي التزام. موال كل يوم ده. لو حصل هنكد عليكي. ولو ده محصلش، هتشوفي مني وش مش هيعجبك. هتشوفي كريم تاني خالص. نيرة بدموع: حاضر يا كريم. كريم سابها ونزل. *** في القصر تحت. الجد: ها يا ولدي أخبار مراتك إيه؟ كريم بحزن: مش كويسة. ربنا يتصرف. ودخل المطبخ وعمل شوربة خضار وطلع لنيرة. لقاها نايمة. راح ناحيتها

بحب وملس على شعرها: انتي عارفة بحبك قد إيه. بس لازم أقسى عليكي عشان تخلي بالك من نفسك. حملك صعب أوي بسبب صحتك. فلاش باك. كريم: ها يا منى عرفتي؟ منى بحزن: أنا آسفة يا كريم. بس التحاليل والكشف بيقولوا إن نيرة حالتها خطيرة أوي. وإن هي أقل جهد ممكن تجهض. ولو ده حصل، فيه احتمالين. كريم بوجع ودموع: الأول إنها مش هتخلف تاني. منى بحزن: والتاني. كريم بصدمة: إيه؟ منى بحزن: إنها ممكن بعد الشر يحصلها حاجة.

كريم بصدمة: مني. انتي بتتكلمي جد؟ منى بحزن: أه للأسف. فخلي بالك منها يا كريم. أقل جهد يخرب الدنيا مدى الحياة. كريم بعياط: حاضر يا منى. هحطها في عيني. بااااك. نيرة وهي بتصحى. نيرة بحزن: كريم. حقك عليا. كريم وهو رجع تاني لوش الغضب: قومي كلي وخذي دواكي ومن غير مناهدة. نيرة بدموع: حاضر يس. عشان خاطري متزعلش مني. كريم: طيب. يلا. وبدأ ياكلها. نيرة: شبعت. كريم بحدة: الطبق لسه مخلصش. نيرة بتعب: بس.

كريم بص لها فسكتت وكملت أكل. كريم: يلا علشان الحقنة. نيرة بدموع وخوف: حاضر. ونامت على بطنها. كريم أدهالها وعدلها ومسح دموعها وأكمل: أنا مش بخوفك يا نيرة عشان تعيطي. ولا بديكي سم. ده علشان. نيرة بدموع ووجع: عارفة. بس مش بحبها. كريم: معلش. محدش بيحب الدوا. وبعدين قفل النور وأدالها ضهره ونام. نيرة فضلت تعيط. كريم لف ليها: مالك؟ في إيه؟ نيرة بدموع: أنت لسه زعلان؟ كريم بحب: لا. خلاص. بس التزمي. نيرة بدموع: حاضر.

واكملت: طب عايزة أنام. كريم: متنامي. هو أنا ماسكك. نيرة بدموع: أنت رخيم وفاهم قصدي. كريم بضحك: خلاص. خلاص. وفتح دراعه. تعالي. وجرت نيرة على حضنه وحطت دماغها على صدره. كريم بحب باس راسها وأكمل: نامي يا نور عيني. وحقك عليا إني اتعصبت عليكي. بس بجد خوفت أخسر حد منكم بسبب إهمالك لنفسك. ممكن يحصلك حاجة انتي أو اللي في بطنك. فالـ فكرة وجعتني. نيرة بارتياح وهي في حضنه أكملت بحب: هشيل ابني وابو ابني جوه عينيك.

كريم بحب: ربنا يديمك ليا يا أحلى حاجة في حياتي. *** تاني يوم الصبح. نيرة وهي بتقوم: إيه ده؟ هو كريم راح فين؟ وأكملت: كريم؟ كريم من جوا: إيه يا حبيبتي؟ نيرة: أنت بتاخد شاور؟ كريم: أه. هاتيلي الفوطة من عند. نيرة: حاضر. وجابتها وبتدهاله. شدها لجوا. نيرة باحراج: لأن كريم كان لافف فوطة بس على نفسه. وأكملت: كريم. أوعى. طلعني. كريم بحب وهيام فيها: لا. هاخد بوسة الأول.

نيرة بكسوف: كريم بجد عيب. كده. وضربته بخفة في صدره. أوعى. عايزة أطلع. كريم بحب وهو بيقرب من وشها وشعره متبلل: نيرة. نيرة: كريم. أوعى. هتبلني ميه. كريم بحب: البوسة. الباب خبط. نيرة بكسوف: الباب خبط يا كريم. كريم: سيبك منه. أنهي باب؟ نيرة: بتاع البيت. نيرة غمضت عينها وقربت منه. وكريم باسها. وبعد شوية حضنته. كريم بضحك: طب والباب؟ وبعدين منا كنت مبلول من شوية.

نيرة بضحك: أه. صح. نسيته خالص. اتنشفي كويس ها. عشان الحمام غير برا. الدنيا برد. نزلت نيرة وفتحت الباب. لقيت مايا. نيرة بصدمة واستغراب: خير يا آنسة مايا. جايه هنا ليه؟ مايا بدلع: قصدك المدام مايا. للأسف مدام. وعلى إيد جوزك المحترم. مش انتي بس اللي حامل. يعني إحنا شايلين إخوات. نيرة بعصبية: ضربتها بالقلم. بتقولي إيه؟ زبالة انتي! مايا: مش مصدقاني صح؟ اتفضلي الصور أهي تثبت إن حصل بينا حاجة.

نيرة مسكت الصور واتصدمت من اللي شافته.