رواية حب إجباري الفصل الخامس 5 - بقلم منة وليد

وهي بتفتح عينها لتجد نفسها حاضنة فهد. "يا نهار أبيض! فهد وهو بيبص ليها بابتسامة: "صباح الخير." لينا بصدمة وصريخ: "انت دخلت هنا إزاي؟ فهد ببرود: "من الباب يعني هدخل منين؟ لينا: "وبابا؟ فهد: "أبوكي اللي بعتني أصحيكي أصلاً، بس إيه يا بنتي النوم ده؟ لينا: "كنت سهرانه، وبعدين ابعد كده." فهد: "والله انتي اللي حضناني يا هانم." لينا وهي بتبعد: "خلاص يا عم قوم." فهد: "قائم، قومي بقى هنتاخر يا حلوة." لينا: "ماشي، اتفضل اطلع."

فهد: "طالع، حصيني تحت." بعد ما لينا جهزت ونزلوا. محمد: "أخيرا، صباح الخير يا عمري." لينا بابتسامة: "صباح الفل يا حبيبي." فهد: "صباح الخير." لينا: "صباح النور." فهد: "اقعدي افطري عشان نخرج." لينا بملل: "أنا مش بفطر." فهد بهدوء: "نعم يعني إيه؟ محمد: "طيب يا فهد، أنا عندي شغل ضروري، هروح أنا. البيت بيتك، خد بالك من نفسك ومن مراتك." فهد: "تمام يا فندم." لينا بصدمة: "بابا انت هتسيبني معاه؟ فهد: "على فكرة مش باكل بشر."

محمد بضحك: "دا جوزك يا هبلة، افطري وروحي مع فهد." لينا: "بابي انت عارف مش بعرف أفطر الصبح." محمد باعتراض: "بس يا حبيبتي." فهد: "متقلقش يا فندم، روح انت، وأنا هتصرف." محمد: "طيب، سلام أنا." محمد خرج، فضل لينا وفهد. لينا: "انت مالك ومال فطاري؟ فهد: "الله، مش مراتي." لينا بغضب: "وأنا مش بفطر، يالا نمشي." فهد: "مش بمزاجك، يالا." لينا بعند: "مش هفطر، أنا حرة." فهد بعند: "مفيش خروج من غير أكل." لينا: "يبقى مش هنخرج." فهد

ببرود وهو بيقعد بارتياح: "براحتك يا قلبي." لينا: "إيه البرود ده؟ بص أنا كده كده مش بحب أفطر، أنا حرة." فهد بعصبية: "صوتك ميعلاش يا هانم عشان متشوفيش وشي التاني، هتقومي دلوقتي تفطري ومسمعش منك غير كلمة واحدة: حاضر، فاهمة ولا لاء؟ لينا بخوف من صوته العالي: "طيب." فهد وهو بيقف قدامها: "سمعيني بتقولي إيه." لينا: "حاضر، هفطر." فهد: "شاطرة يا ليلو، بلاش تعاندي في حاجة لمصلحتك يا لينا، تمام؟ لينا: "حاضر."

لينا فطرت وخرجت مع فهد ووصلوا المول. فهد: "ها، معجبكيش حاجة؟ لينا: "الأتيليه ده شكله فيه حاجات حلوة." فهد: "اتفضلي ادخلي، وأنا هرد على المكالمة دي." لينا: "طيب." وهي بتاخد فستان قصير من غير ما فهد ياخد باله بالعند فيه. فهد خلص المكالمة ودخل. الموظفة: "اتفضل، ادخل، هي خلصت." فهد: "تمام." ودخل. لينا بصدمة: "انت دخلت ليه؟ فهد بصدمة: "إيه ده اللي انتي لابساه ده؟ لينا: "الفستان، إيه رأيك؟ فهد: "والله العظيم ده الفستان!

لينا بكسوف من قصر الفستان: "أيوه، حلو." فهد وهو بيقف قدامها: "حلو أوي، بس انتي مكسوفة ليه؟ مش انتي اخترتي الفستان ده؟ لينا بحرج منه: "ها.. أيوه." فهد وهو بيبص عليها: "بس انتي مكسوفة ليه مني؟ دا حتى أنا جوزك، مكسوفة تقفي قدامي كده؟ طيب اومال في الفرح هتقفي قدام كل المعازيم كده؟ لينا بتوتر: "هو.. هو.." فهد بتفهم: "أقولك أنا، انتي اخترتي الفستان ده تعاندي فيا صح يا لينا؟ لينا بكسوف: "صراحة، آه." فهد بضحكة:

"ما أنا عارف." لينا: "بس لأني مش بحب حد يتحكم فيا يا فهد." فهد بهدوء: "بصي يا لينا، العند مش هيفيد حاجة، انتي مرتاحة في الفستان ده ومعظم جسمك باين، هتكوني مبسوطة والكل بيتفرج على لحمك. لينا، انتي غالية قوي ومستحيل اخليكي تلبسي ده، بس أنا واثق فيكي إنك مستحيل تلبسي ده، بس بتعاندي فيا." لينا بصدمة: "انت بتتضحك بجد؟ وعرفت إزاي؟ فهد بضحك: "طبعاً، عيب يا لينا تسأليني سؤال زي ده." لينا: "ها." فهد بخبث:

"بس الفستان ده قمر عليكي، لو عايزاه، خديه، بس تلبسيه ليا أنا بس." لينا بكسوف: "خلاص يا فهد، مش عايزة الفستان ده، تعالي نختار فستان تاني." فهد: "يا ليلو، فكري، الفستان حلو." لينا: "لا، تعالي نختار سوا." فهد بابتسامة: "عيوني ليكي، يالا." ودخلوا يختاروا فستان تاني. لينا بفرحة: "ها، إيه رأيك في ده يا فهد؟ فهد بابتسامة: "جميل أوي، روحي جربيه وتعالي." لينا: "حاضر." بعد ما خلصت لينا. العاملة: "اتفضل، العروسة خلصت، اتفضل."

فهد بفرحة: "ما شاء الله، اللهم ما بارك، إيه القمر ده؟ لينا بفرحة: "حلو يا فهد." فهد: "ما شاء الله، قمر." لينا: "الفستان تقيل أوي." فهد: "اتخني يا أختي شوية عشان تقدري تشيلي الفستان ده." لينا بضحك: "ماشي، هحاول." فهد: "ماشي يا قمر، خلاص، ها، عايزة تعدلي حاجة؟ لينا: "لا، هو حلو كده، يالا عشان أختارلك البدلة بتاعتك." فهد: "إيه ده إيه ده؟ لينا هانم هتختار ليا البدلة؟ لينا بضحك:

"أيوه طبعاً، انت اخترت معايا، أنا كمان هختار معاك." فهد بضحك: "حاضر يا ليلو." بعد ما لينا اختارت الفستان بتاعها وراحت عربية فهد. فهد: "يا ساتر يارب، دا تقيل أوي، هتشيلي إزاي يا بنتي كل ده؟ لينا: "آه يا ضهري يا حبيبي." فهد: "آه والله تقيل." لينا: "ما انت هتشيله معايا." فهد: "آه، يعني هتدبسينى فيه؟ لينا: "مش جوزي قُرة عيني، يالا عشان نختار بدلتك." فهد بضحك: "ماشي، يالا بينا." رجعوا المول تاني تختار مع فهد. لينا:

"ها، إيه رأيك في دي يا فهد؟ فهد بإعجاب: "جميلة." لينا: "يالا روح قيس ووريني." فهد بضحك: "لا مش هوريكي." لينا: "لا دا غش، انت شفت فستاني." فهد بضحك: "خلاص خلاص، رايح أجرب وأيجي." لينا: "تمام، اتفضل يا معلم." فهد: "معلم سواق توكتوك معايا؟ لينا: "يالا." خرج فهد بعد ما جهز.