رواية حب إجباري الفصل التاسع عشر 19 - بقلم منة وليد

فجأة تُصدر الأجهزة الطبية أصواتًا عالية وتبدأ نبضات مروان في الظهور مجددًا على الشاشة. مروان وهو يأخذ نفسه ثم يفتح عينه ببطء: "اى اللى حصلك؟ كاميليا بدموع: "مروان انت رجعت تانى." مروان بتعب: "سمعتك بتكلمينى قولت لازم ارجع." كاميليا بدموع: "كنت خايفه اوى." مروان: "كنتى بتقولى اى بقا؟ كاميليا: "ها مفيش. حمد الله على السلامه هروح اطمنهم." مروان بتعب: "هتيجى تانى؟ كاميليا: "ايوه اكيد." الكل دخل يطمن على مروان.

منال بدموع: "حمد الله على السلامه يا حبيبي كده تخوفنى." مروان بتعب: "انا كويس اه." عبد الله: "حمد الله على سلامتك يا بطل." مروان: "الله يسلمك يا فندم." سليم: "حمد الله على سلامتك يا صاحبي." مروان: "انا يسلمك يا اخويا." سليم: "ليه عملت كده؟ مروان: "لان انت لو كنت فى نفس الموقف كنت عملت كده من غير تردد." سليم: "اكيد طبعًا." مروان: "شوفت بقة." يايا: "حمد الله على السلامه يا مروان." مروان: "الله يسلمك." منال:

"حاسس اى دلوقتى؟ مروان: "شوية تعبان." يايا: "من الجرح وكمان المخدر." نرجع عند لينا وفهد تاني يوم. لينا بخضه: "اى يا فهد." فهد بجدية: "قومى يالاه." لينا باستغراب: "الساعه 6 رايحين فين؟ فهد: "عندنا تدريب." لينا باستغراب: "عندنا عندك انت يا حبيبي اقفل الباب وراك." فهد: "5 د والاقيكى جاهزة." لينا: "حسبي الله." قاعة تدريب بسيطة مليئة بالأدوات الرياضية. فهد يرتدي زي تدريب ولينا ترتدي ملابس مريحة لكنها تبدو غير واثقة.

فهد واقف في نص القاعة بيراقب لينا وهي مترددة في الوقوف في وضعية قتالية. فهد بابتسامة خفيفة: "لازم تبقي أقوى من كده." لينا بتحدي: "أنا مش ضعيفة. أنا بس مش متعودة على الحاجات دي." فهد: "أيوة علشان كده إحنا هنا." يقف خلفها ويعدل وضعية يديها: "إيديكي لازم تكون مرفوعة كده. ركزي." لينا بتوتر: "إنت مش بتساعدني إنت بتحسسني إني ضعيفة." فهد: "أنتِى اللي بتفكري كده. أنا هنا علشان أساعدك تثبتي لنفسك إنك قوية." فهد يبتعد خطوتين

للخلف ويتخذ وضعية قتالية: "هجومي." لينا بتردد: "إيه؟ هجومي عليك؟ فهد: "لو ما عرفتيش تضربي خصمك هنا إزاي هتقدري تعملي كده لما تكون حياتك فعلاً في خطر؟ لينا تتقدم وتحاول توجيه لكمة غير متقنة. فهد تفاداها بسهولة ويضحك. فهد: "دي كانت أضعف لكمة شفتها في حياتي." لينا بغضب: "ما تستهترش بيا." تحاول توجيه ضربة أخرى أقوى هذه المرة. فهد مسك يدها بسهولة ولفها بطريقة تظهر خبرته. فهد بصوت عالٍ:

"الغضب ملوش مكان في القتال. لازم تركزي تراقبي خصمك وتهاجمي في اللحظة المناسبة." لينا وهي تنظر له بغضب ثم تأخذ خطوة للخلف وتحاول مرة أخرى. هذه المرة تصيب هدفها وتجعله يخطو خطوة للخلف. فهد بابتسامة: "كويس كده. أنا ممكن أكون فخور بيكِ." لينا بتفاخر: "وأهو بدأت أتعلم." تستمر الجلسة بينهم. مع لحظات من الضحك والجدية حتى تبدأ لينا في استعادة ثقتها بنفسها. في النهاية يجلسان على الأرض لالتقاط الأنفاس. لينا:

"إنت مش مجرد مدرب سيئ. إنت أسوأ من كده." فهد بضحك: "وأنتِى أصعب طالبة دربتها. لكن عندك الإمكانيات." ينتهي المشهد بابتسامة بينهما مع توتر خفي يحمل مشاعر تبدأ.