رواية حب اجباري الفصل الرابع عشر 14 - بقلم دنيا ثروت

المريض قلبه وقف. جرت على الأوضة، كان كل الممرضين حواليه. جريت على السرير ومسكت إيديه: قوم ياعاصي قوم عشان خاطري، قووووم. الممرضة بتحذير: بعد إذنك يا مدام اطلعي برا. شمس: لا مستحيل أسيبه لوحده، مستحيل. طلعوها بالقوة وهي بتصرخ. بعد ساعتين وهي واقفة برا على أعصابها. الدكتور بيخرج بتعب: الحمد لله عاصي تجاوز مرحلة الخطر. شمس وهي بتبكي: عاصي عنده إيه؟ ارجوك فهمني إيه اللي بيحصل. الدكتور بتوتر: مفيش، عاصي بخير، عن إذنك.

شمس حست بنغزة لفكرة إن عاصي ممكن يسيبها ويمشي. راحت قعدت جنب منيرة، كانت بتعيط: معلشي ياماما، إن شاء الله عاصي هيبقي بخير، متقلقيش. يونس من وراها: مش عيب واحدة مخطوبة تبقي في المستشفى مستنية راجل غريب يتشف. بتلف بضهرها بصدمة: يونس. إنت إيه اللي جابك هنا؟ يونس بلا مبالاة بيقرب عليها: مردتيش برضو على السؤال. اتفضلي تعالي معايا نروح. شمس بتصميم: أنا مش هسيب عاصي ولا ماما منيرة.

يونس: إذا كان مراته مش هنا، إنتي هنا بصفتك إيه؟ شمس: بصفة العيش والملح اللي كان بينا، وأنا مستحيل أسيب ماما منيرة لوحدها. منيرة: يابنتي امشي روحي مع يونس، ده مهما يكن جوزك المستقبلي. يونس: أنا همشي، بس خلي بالك الخطوبة بكرة ياهانم. بتقوم وهي بتلبس قميص النوم: القصر وهو مفهوش حد خيال كداب. يقوم من السرير وهو عاري الصدر، بيجذبها ليه: خيالي وبس. ده أنا أجيبلك شقة مخصوص عشان تدلعيني كدا.

غدير بمياصة: هيهيي. وإنت على أساس هتعملها. بيلفها ليه: بس كدا، ده من بكرة أجمد شقة هتكون بتاعتك. غدير بتلف إيدها حوالين عنقه: صح يا حمودي. محمد: ياخرابي ياخرابي. إيه رأيك يابت ترقصيلي. غدير بشهقة: يوه، واللي في بطني. محمد بضحكة: الله. ياختي خليه يعمل رياضة قبل ما يمشي. راح شغل الأغنية، عدت ثواني كانت بدأت في الرقص. فتحية في المطبخ تحت: هو. البيه مشغل أغاني في أوضته وابنه في المستشفى. طب ده حتى إبنك يابعيد.

كانت مقررة تطلعله بس افتكرت تحرشه بيها: لا خليني تحت أحسن، مش ضامناه. في الصباح. منيرة برجاء: عشان خاطري ياشمس روحي. شمس: لا ياماما مش هسيبك لوحدك. منيرة: طيب بصي روحي جيبي كام لبس لعاصي وأنا مستنياكي. شمس: بس كدا، من عيني. غدير كانت بتفوق وهي في صدره العاري، جايه تلبس القميص. يمسكها من إيدها: ماتخليكي شوية. غدير: آه ياخويا عايز مراتك تقفش. محمد: بقولك إيه، متنزليش اللي في بطنك. غدير: يعني إيه؟

محمد: يعني اللي في بطنك ابن عاصي. بعد ساعة بتوصل شمس للبيت. بتدخل أوضته وتجيب هدومه. غدير بتدخل عليها: ياختي بقيتي جريئة أوي. شمس بلا مبالاة: وأنتي برضو مشوفتش في جرأتك، نايمة في فرش غير جوزك. لمت الهدوم جايه تخرج، غدير بفرحة: لولا ابن عاصي اللي في بطني كنت هزقتك. بتقع منها الهدوم بصدمة.