رواية حب العمر الفصل الرابع عشر 14 - بقلم دودو

رجعت جومانا وجاسر على البيت. ناهد أول ما شافت جومانا جريت عليها. ناهد: إيه اللي حصل معاكي يا بنتي؟ إنتي بخير؟ جومانا استغربت طريقتها ومش قادرة ترد. ناهد: ردي عليا يا بنتي، إنتي بخير؟ جاسر: بخير، خليها تقعد وهنحكيلكم كل حاجة. ناهد: تعالي يا بنتي اقعدي. حبيبة هاتي كوباية ميه لجومانا. جت حبيبة ومعاها الميه. حبيبة: إنتي بخير يا جومانا؟

ناهد: طمنيني عليكي يا بنتي. أنا عارفة إني ظلمتك كتير وقسيت عليكي، بس صدقيني أنا عرفت غلطي. أبوكي وراني غلطي فين وأنا هحاول أصلح من نفسي. أنا عارفة إني ظلمتك أوي والأيام اللي فاتت مش هترجع. بدل ما أكون زى أمك كنت بظلم. سامحيني يا جومانا، حقك عليا. أنا كنت بكره حبيبة فيكي بس هي طول عمرها بتحبك. أنا اللي غلطانة، سامحيني. جومانا: مسامحاكي، يكفيني إنك عرفتي غلطك. ناهد: بجد يا بنتي مسامحاني؟

جومانا هزت راسها، وناهد حضنتها على طول. ناهد: احكيلي إيه اللي حصل معاكم. جاسر: حكالهم كل اللي حصل... بس ده كل اللي حصل. ناهد: الحمد لله إن جاسر وصل في آخر لحظة. ربنا يخليكم لبعض. جومانا وجاسر: يارب. ناهد: هروح أجهز السفرة ونأكل مع بعض. جاسر: طب، أستأذن أنا. ناهد: مش هتمشي غير لما تاكل. أنا اللي جهزت الأكل، مش هتاكل من إيدي؟ جاسر: لا، مقدرش. لازم آكل. ناهد: هههههههه، ثواني بس والأكل يبقى جاهز. تعشوا في جو أسري جميل.

عد شهرين وجومانا وجنة امتحنوا امتحانات الفاينل. علاقة جومانا بناهد بقت قوية واتقربوا من بعض. وجنة وأسر اتخطبوا. و حفلة الفرح مع جومانا وجاسر بعد الامتحانات. والنهاردة معاد النتيجة. جومانا: جنة، أنا خايفة أوي. جنة: من امتى الكلام ده؟ دانتي بتطلعي الأولى دايماً. جومانا: خمسة. جنة: هههههه، أنا مش بحسد، أنا بقر بس. جومانا: يعني إنتي مش خايفة؟ جنة: ههههههه، أنا مرعوبة.

جومانا: طب افتحي الموقع وشوفي يلا، مش هنقعد خايفين كده. جنة: إشطا، بس إنتي الأول. جومانا: إنتي الأول. جنة: مينفعش، لازم إنتي الأول. خلصي يلا. جومانا: طب اكتبي، وقولي يلا. جنة: حظك يا جومانا. جومانا: في إيه؟ جنة: إنتي طالعة الأولى، ناجحة بمعدل 99%. جومانا: يا شيخة، وقعتي قلبي. جنة: ههههههه، سلامتك، ألف مبروك يا حب. جومانا: الله يبارك فيكي. شوفي إنتي بقى. جنة: ثواني بشوف. آه. جومانا: جبتي كام؟

جنة: كل حاجة نصيب، الحمد لله. مش زعلانة. جومانا: مالك بس؟ جنة: جبت 98%، التانية. جومانا: رخمة أوي. جنة: ههههههه، معلش يا بطة. جومانا: مبروك يا عمري. جنة: تعالي نقولهم بقى، نفرحهم. جومانا: يلا. كل واحدة قالت لعيلتها وكانوا مبسوطين أوي بيهم. وكمان جاسر وأسر. واتفقوا يعملوا حفلة بنجاحهم. جاسر: مبروك يا قلبي، ليا عندك مفاجأة. جومانا: إيه هي؟ قولي. جاسر: مش هتبقى مفاجأة كده، في الحفلة تشوفيها. جومانا: بجد يا جاسر؟ قولي.

جاسر: باي، جهزي نفسك للحفلة. جومانا: جنة. جنة: إيه؟ في إيه؟ جومانا: متعرفيش إيه المفاجأة اللي عاملينها؟ جنة: لا، حتى أسر قالي عملك مفاجأة. جومانا: يا ترى إيه هي؟ جنة: خلاص، تعالي نجهز وهنعرفها بالليل. أنا متحمسة أوي. جومانا: وأنا أكتر. يلا.

بعد وقت جهزت جومانا وجنة. كانوا لابسين فساتين زي بعض، نفس اللون فضي. وكانوا حاطين مكياج خفيف. كانوا جمال خالص. ابتدت الحفلة والمعازيم ابتدوا يجوا. واجوا جاسر وأسر مع بعض. جريوا عليهم جومانا وجنة. جومانا: جاسر حبيبي، قولي المفاجأة إيه بسرعة. جاسر: هههههه، طفلة، اصبري شوية. جومانا: لا، أنا عايزة أعرف دلوقتي. جنة: أسوري حبيبي، إيه هي المفاجأة؟ أسر: هههه، لمضة شوية وهتعرفي. جنة: كده؟ طب مخاصماك.

أسر: خلاص، بلاش مفاجأة بقى. جنة: مسكت في دراعه. لا، أنا بهزر. إيه المفاجأة؟ جومانا: يلا بقى يا جاسر، عايزة أشوف المفاجأة. جاسر: وصلت أهي، بصي على الباب كده. جومانا بصت بصدمة هيا وجنة. جاسر: إيه رأيكم بقى؟ جنة: بس ده بيعمل إيه هنا؟ أسر ضربها على شعرها بخفة. هيعمل إيه؟ هيجوزنا يا هبلة. جومانا: ده بجد؟ جاسر: أيوة بجد. كلنا كنا نعرف، إحنا اتفقنا مع أهلكم إننا نكتب الكتاب النهاردة، بس إنتوا متعرفوش بحاجة. وهما وافقوا.

جومانا: بجد مفاجأة جميلة خالص. أنا بحبك أوي. جاسر ضمها ليه وقال: وأنا بحبك أكتر. ربنا يخليك ليا. أسر: عجبتك يا روحي؟ جنة: أوي أوي. أسر: بحبك يا مجنونتي. جنة: بحبك يا أسورتي. قعد المأذون جنبه جاسر وأبو جومانا أديهم في إيد بعض وفوقهم المنديل. وابتدا المأذون يكتب الكتاب. انتهى على جملته الشهيرة: "بارك الله لكما وبارك عليكما وجمع بينكما في خير". الناس كلها صقفت وابتدوا يباركولهم.

وبعدين ابتدوا يكتبوا كتاب أسر وجنة. وانتهى المأذون على جملته الشهيرة: "بارك الله لكما وبارك عليكما وجمع بينكما في خير". الناس ابتدت تسقف ويباركولهم. انتهت الحفلة في جو مليان بالسعادة والبهجة.