ادهم فوق انت لازم تصحي ي ادهم
مازن: اهدي ي تالين
تالين: لا ادهم مش هيسبنا ادهم هيفوق
بعد عني
مازن: اسكتي بقي
زقها وقعت على الأرض
تالين: أنا آسف أنا مقصدش
تالين: ادهم حرك إيده أنا شفته
كلهم بصوا عليه كان ابتدا يفتح عينيه ويغمضها تاني
حاتم: هايدي اندهي الدكتور فوراً
هايدي: حاضر ي بابا
طلعت ندهت الدكتور وجي طلب منهم كلهم يخرجوا بره الأوضة عشان يكشف على ادهم
بعد شويه طلع من الأوضة
الدكتور: حمدالله على سلامته المقدم ادهم عدى مرحلة الخطر وهننقلوا أوضة عادية دلوقتي
ميادة: ينفع نشوفه صح
الدكتور: أكيد طبعاً بس لما ينقلوه الأوضة
حاتم: شكراً لحضرتك ي دكتور
الدكتور: لا شكراً على واجب معافى إن شاء الله
كلهم بعد شوية كانوا متجمعين في أوضة ادهم وبيطمنوا عليه
ميادة: ألف حمد وشكر ليك يارب
مازن: حمدالله على سلامتك
ادهم: الله يسلمك
تالين: ألف سلامة عليك ي أبيه
هايدي: كده ي ادهم خضتني عليك بقالي يومين أهو ما أكلتش
مازن: كل همك على بطنك
هايدي: امال هيبقا عليك انت
مازن: وليه لا
هايدي: احم طب تعال معايا نجيب أكل
مازن: يالا
مازن: الأ قوليلي ي بت
هايدي: بت أما بتك أي بت دي
مازن: 😒 هييجي ف يوم أقص لسانك ده
هايدي: نينيني ولا تقدر
مازن: ي بت اتلمي أنا ماسك نفسي بالعافية
هايدي: وحياة ماما لو قربتلي هصوت وألم عليك المستشفى
مازن: مجنونة وتعمليها
هايدي: بتقول حاجة
مازن: لا ي زفتة
هايدي: احترم نفسك ي أستاذ أنت وافتكر إنك بتكلم بنت 😒
مازن: هيا فين دي
هايدي: نهارك أسود أنت قصدك إيه
مازن: ولا حاجة
بكح
هايدي: طب كح كويس لاحسن روحك تطلع ويالا هات الأكل خلينا نرجع
مازن طلب الأكل واستنى لحد ما يجهز عشان يرجعوا عندهم
عند ادهم في الأوضة
تالين: بابا ماما أنا عايزة أقولكم حاجة
حاتم: قولي ي بنتي
تالين: عارفة إن الوقت مش مناسب بس مش هقدر أكمل أكتر من كده
ميادة: في إيه ي حبيبتي
تالين: أنا مش هقدر أكمل مع مازن
في اللحظة دي الباب اتفتح ودخل مازن وهايدي
مازن: وأنا مع رأي تالين ي عمي
حاتم: إيه
مازن: أيوة ي عمي زي ما سمعت وجي الوقت إن تالين تعرف الحقيقة
تالين: إيه حقيقة
ادهم: لا ي مازن بلاش
تالين: انتوا مخبين عليا إيه
مازن: أنا مش بحبك ي تالين زي ما قولت أنتِ صديقتي وهتفضلي صديقتي أنا عملت كده بأوامر من الزعيم
وحكالهم اللي حصل
حاتم: يعني أهلك ماتوا وكل ده ومتقولش
مازن: كان لازم أنتقم لأهلي
تالين: وأنا آسفة إني وافقت مع إني بعتبرك صديق وأخ
مازن: ولا يهمك
هايدي: 🥹 يعني مش هعمل فستان
ميادة: وبعدين معاكي مش هتبطلي
هايدي: في إيه ي ست الكل بحاول ألطف الجو طالما الدنيا إيزي كده
ادهم: وفي حقيقة تاني لازم تعرفيها ي تالين
تالين: إيه هيا
ميادة: بلاش ي ادهم أرجوك
ادهم: كفاية مخبيين عليها طول السنين دي لازم تعرف
ميادة: هتنهار
تالين: ليه ي ماما بتقولي كده عمري ما أنهار ومعايا أهل بيحبوني كده انتوا قوتي
ادهم: انتي