رواية حب الاسر الفصل الحادي عشر 11 - بقلم موكا

الشمس طلعت ومعاها أحداث جيدة. أسر صحا قبل سما وفضل باصص على ملامحها الهادية البريئة. لمس رموشها الطويلة وفضل يمشي إيده على ملامح وجهها كأنو مش هيشوفها تاني. سما بدأت تفرّق. أسر: صباح الخير. سما: صباح. سما: أنا هقوم آخد شور وألبس عشان الجامعة بعد إذنك. سما دخلت الحمام وبعد شوية سمعوا صوت خبط جامد على الباب. أسر: في إيه حاضر، هي الدنيا طارت؟ فتح أسر الباب. كمال: أهلاً، انت بقا اللي بنت عمي هربت معاك؟

وضربوا بـ بوكس في وشه. *فلاش باك* أسماء: عايزة تجيبيلي رقم عم سما اللي في الصعيد، وخد دي صورة سما، تظبطلي الصور دي بطريقة كدا أي برفكتو، وأظن انت فاهم. الشخص: حاضر، بس تشوفييني انتي بقا بحاجة. أسماء: حاضر، بس تجيبيلي الرقم دا وتظبطلي الصور اللي قلتلك عليها، وهديك كل اللي انت عايزه. الشخص: إذا كان كدا، ماشي.

أسماء خدت الرقم واتصلت بـ عم سما، وقالت له إن سما مش لاقيتها من امبارح، وإنها فاعلة خير وشفتها داخلة بيت أسر ومطلعتش من امبارح، ومعرفتش تجيب رقم حد من أهلها غيره (عمها) *باك* أسر مناخيره نزفت. أسر اتعصب ومسكه من هُدومه وضربوا، وفضلوا يضربوا في بعض. وعلشان كمال كان معاه اتنين كمان من البلد وعموا، اتغلبوا على أسر ووقع، مقدرش يقوم. عم سما: اطلع هات البت دي. كمال: حاضر يبوي. كمال طلع دور على سما.

وسما لما سمعت صوته والضرب اللي حصل تحت خافت، واستخبت في أوضة تغيير الملابس. بس كمال عرف يوصلها وجابها وماسكها من شعرها. كمال: العاصية أهي يا بوي. سما: أنا معملتش حاجة، دا جوزي أسر، حرام عليكم. كمال: انتي هتكذبي، فاعل خير اتصل بينا وقال إنك بايته عنده من امبارح ومش جوزك. عم سما: بكرة كتب كتابك على كمال عشان نستر عليكي. سما: لا، حرام عليكم. عم سما: خدوه على البيت اللي في ******

سما فضلت تعيط وتقاوم فيهم بس مقدرتش، وخدوها غصب على بيت ليهم في إسكندرية، ومرضوش يقولوا لأهله. نروح لـ أسر. أسر فضل مرمي في الأرض لحد ما حد من صحابه كان جاي ليه، شافوا كدا ساعده وقومه. أسر بعصبية وغضب جحيمي: لازم أروح ألحقها، خدوه، خدوه. صاحبه: مين دول اللي خدوه وخدوا مين؟ أسر: مراتي يـ متخلف، عمها خدها، أنا عارف المكان، سمعتهم. صاحبه: مراتي مين!؟ أسر: هحكيلك بعدين، لازم ألحقهم دلوقتي. في بيت على البحر في إسكندرية.

عم سما: متتصلش بـ أبوها ولا أي حد، كلم المأذون يجي يكتب الكتاب عشان ناخد كل حاجة منهم، انت عارف إن أبوها كاتب كل حاجة باسمها، وبعدين نبقى نقتلنا العاصية دي. سما: انتو أكيد حيوانات مش بني آدمين. كمال ضربها بـ القلب: اسكتي يا عاصية. المأذون جه. المأذون: مين وكيل العروسة؟ يتبع