رواية حب الاسر الفصل الرابع عشر 14 - بقلم موكا

سما فاقت لقت اسر جنبها اتخضت جامد. سما بصريخ: والله م هعمل حاجة تاني، أنا آسفة، متودنيش عند الضلمة تاني، أرجوك. آسر: اهدي، اهدي، في إيه؟ آسر فضل حضنها لحد ما هزت ونامت تاني. آسر لما حس إنها خلاص نامت. آسر: دكتور، دكتور. دكتور: هي بيحصلها كده ليه؟ ده حاجة عادية، آثار الصدمة. آسر: طب إيه سببها؟ حاجة... دكتور: سبب حاجة حصلتلها من زمان. آسر: تمام. دكتور شكراً ليك، خلي بالك منها بس. بعد ما سما خفت ورجعت البيت.

آسر: سما، عايز أقولك على حاجة. سما: اتفضل. آسر: أنا آسف ليكي. سما بتهكم: آسف؟ ده بجد؟ آسر: افهميني. سما: مش عايزة أفهم حاجة، اطلع برا خالص، اطلع برا. آسر طلع برا الأوضة. آسر لنفسه: والله لسما لآخد حقي. قعدت يوم واتنين، وسما وآسر رجعوا الجامعة. سما: أسماء! مي: إزيك ياهانم، ياللي مبتسأليش. سما: أنا الحمد لله ياستي، إنتي متعرفيش حصلي إيه، بس أنا اتمرمطت. أسماء: إزيك؟ سما: الحمد لله، مالك يا أسماء بتتكلمي كده ليه؟

أسماء: مفيش، بعد إذنك. سما ومي استغربوا من طريقة أسماء. خلصوا المحاضرات، وأسماء راحت لآسر المكتب. أسماء: دكتور آسر، عايزة حضرتك في حاجة. آسر: اتفضلي، هي سما حصلها حاجة؟ أسماء بغضب: لا، سما مفيهاش حاجة، أنا اللي عايزاك. آسر: نعم، اتكلمي عدل. أسماء: بص يا دكتور، إيه رأيك في الصور دي؟ فلاش باك. أسماء لنفسها: إزاي الخطّة دي منفعش؟ أسماء: الو، هننفذ الخطّة ٢. المجهول: أوامرك.

نروح للمستشفى لما سما كانت تعبانة وآسر نزل علشان يخلص ورق المستشفى. أحمد دخل عند سما وهي نايمة، ونام جنبها واتصور صور كتير. باااااك. آسر: الصور دي مش حقيقية، إنتي إزاي صاحبة سما؟ إنتي واحدة حقيرة. أسماء: اهدي كده على نفسك يا أسو، أنا عندي ليك عرض جميل جداً. آسر: اطلعي برا.

أسماء: ماهو لو مسمعتنيش، بحركة واحدة الصور دي كلها هتبقى على جميع جدران الكلية، ومش بس كده، كمان في كل التليفونات، زائد الصور اللي كانت مبعوتالك قبل كده، ومفيش حد هيقول إنها متفبركة. آسر حاول يهدي نفسه: إيه العرض؟ أسماء: تتجوزني؟ الصور تِتنشر؟ لي رايك؟ آسر: لا طبعاً، مش موافق. أسماء: يبقى صور حبيبة القلب كلها تتنشر. آسر: استني، موافق. أسماء: كده أحبك. آسر: الصور تتمسح؟ أسماء: تؤ، دي ضماني.

وصلت رسالة على تليفون أسماء. راحت رمت نفسها في حضن آسر مرة واحدة. بعدها بثواني، سما فتحت الباب، ولقيت أسماء بتحضن آسر. سما: طلعت تجري بتعيط. آسر طلع يجري وراها.