رواية حب الاسر الفصل التاسع 9 - بقلم موكا

أسر: خايف أحبك تكسريني زيها، بس قلبي بيقول إنك مختلفة. يارب فعلاً تبقي كده. سما: حست بإيد بتتحرك على وشها، وضحت وهي مخضوضة. أسر: إيه، صباح الخير. كل دا نوم؟ الكلية هتفوتك. ولو جيت متأخر مش هخليكي تحضري المحاضرة. سما: دكتور رخـم. جهزوا، والاتنين. سما راحت تركت تاكسي. أسر: استني، رايحة فين؟ سما: إيه يعم، هركب تاكسي. أسر: لا تعالي، أنا هوصلك. سما: لا، عشان محدش في الكلية يتكلم. أسر: هنزلك بعيد، وحدش هياخد باله. متقلقيش.

سما راحت تركب ورا. أسر: مش سواق الهانم أنا. تعالي اقعدي جنبي. سما: هو أنت تطول أصلاً؟ وراحت قعدت جنبه. وطول الطريق أسر بيبصلها بخزر عشان متخدش بالها. أول ما وصلوا، نزلها بعيد. بس كانت أسماء جاية وشافتهم. سما راحت الكافتيريا. سما: إزيك يا مي؟ أومال فين أسماء؟ مي: أهي جاية وراكي أهي. أسماء: إزيكوا يا بنات. سما: الله يسلمك. أسماء: الله. صحيح يا سما، مجتيش امبارح ليه؟ سما: عادي، كنت تعبانة شوية.

أسماء: وصحيح يا سما، شوفتك نازلة من عربية من بعيد. سما بتوتر: أنا؟ آه، دا واحد قريبي من البلد لسه جايلنا، بيوصلني. مي: في إيه يا أسماء؟ هو تحقيق ولا إيه؟ يلا عشان المحاضرة. أسماء في نفسها: ماشي يا سما، استحالة أخلي حد ياخد أسر مني. وكمان بتكذبي وتقولي قريبك؟ ماشي، هوريكي. في المحاضرة، سما كان فيه ولد جه قعد جنبها. أسر اتعصب. أسر: مس سما، ممكن حضرتك تقومي وتقعدي في أول بنش عشان تركزي شوية؟ سما: مين أنا؟

أنا قاعدة في التاني وشايفة كويس ومركزة. أسر بغضب: مش سما، مبحبش أعيد كلامي مرتين. سما قامت وقعدت قدام. أسر شرح المحاضرة وخلص. بعد ما كله طلع. أسر: مس سما. سما: نعم. أسر: روحي اقعدي في المكتب، عايزك. سما: لي؟ مش هينفع. الطلاب هيتكلموا. أسر: أنا الدكتور وبقولك. اتنين هناك هيتكلموا في إيه؟ سما راحت المكتب لأسر. أسر: شيلي النقاب، خليني أشوفك. سما: مش هينفع، حد هيدخل. أسر: هيدخل فين؟ دا مكتبي. سما: معلش، مش هينفع.

أسر بتأفف: ماشي، الي يريحك. أسر: سما، بعد كده متقعديش جنب ولاد ولا أشوفك بتتكلمي مع حد. سما: بس أنا مش بتكلم مع حد، وهو اللي جه قعد جنبي. وهم الناس اللي بيحبوا يقعدوا معايا من غير حتى ما يشوفوني. أسر بغيرة وغضب: اسمعي الكلام وبس. سما بخوف من نبرته: حاضر. سما جت تقوم، اتكعبلت وكانت هتقع. بس أسر لحقها، وتعتبر حاضنها بمسكته ليها. وسرحوا في عيون بعض. (وطبعاً اللحظة الرومانسية لازم حد يخربها.)

بتدخل أسماء من غير ما تخبط، وبتشوف سما وأسر ماسكها وباصين لبعض. سما بتتحرج وبتخرج جري. وأسماء بتخرج من غير ما تتكلم. ويدخلوا المحاضرة، بيلاقوا كله بيتهامس. أسر: في إيه؟ بتتوشوشوا كدا ليه؟ أسماء: أقولك أنا يا دكتور. أسماء: أصل اكتشفنا إن اللي عاملة نفسها محترمة بتتماص. على علاقة بدكتور، وكمان شفتوه وهو حاضنها في مكتب، وكمان موصلها بعربيته الصبح. ويا عالم حصل إيه تاني.

أسما مقدرتش تستحمل إن صحبتها كمان هي اللي بتقول عليها كدا، وطلعت من المحاضرة. أسر بغضب وعصبية.