رواية حب الاسر الفصل الثاني 2 - بقلم موكا

سما: الحمد لله يا قمر، انت بس يعني. مريم: ربنا يستر. هببتي إيه؟ سما: مفيش، دكتور اتريق على لبسي، زعقت معاه وطرُدتني من المحاضرة بس. مريم: طب ليه تردي عليه أصلاً؟ يعني ده كلام؟ سما: خلاص بقى يا ست الكل. بس مقولتليش، أنا شامة ريحة محشي من بدري، أومال هو فين؟ مريم: هههههههه، مفيش فايدة في المطبخ يا أختي. استني هغرفلك. سما: تغرفي مين؟ أنا ريحة أشوف الحلة دي عايزة إيه، بس خليكي انتي. عند أسر.

أسر رجع البيت، هو عايش هو ومامته بس، باباه متوفي. أسر: السلام عليكم. ازيك يا ست الكل. يارا: ازيك يا ابني، عامل إيه؟ أسر: الحمد لله. يارا: يماما، أنا رايح أنام أحسن، جاي من الجامعة مش قادر. يارا: طب استنى يا ابني عشان عايزك في موضوع. أسر: موضوع إيه بس يا ماما، لما أصحى بس. يارا: معلش، بس انت لازم تسمعني. أسر: اتفضلي يا ست الكل.

يارا: بص يا سر، انت عارف إني كبرت ونفسي أفرح بيك، فـ يعني، في بنت أعرف أبوها ومامتها كويس، وأنا كلمتهم، وهنروح نخطبهالك. أسر: انتي بتقولي إيه يا ماما؟ لا طبعاً، انتي عارفة إني بكره البنات من ساعة آخر حاجة حصلت، ومش هتخطب ولا هتجوز. يارا: لا يا سر، انت هتيجي معايا نخطبها، وكمان البنت محترمة ومنتقبة. أسر: نــــــــــاعم؟ منتقبة؟ أنا أسر الدمنهوري على آخر الزمن هخطب واحدة منتقبة؟ يارا: ليه مالهم بقى؟

أسر: ماشيين على طول يبتاع أسود، محسسني إننا لسه في عصور ما قبل التاريخ، وأصلاً كلهم مبيبقوش كويسين، بيتداروا في النقاب. يارا: احترم نفسك، وإحنا هنروح لهم النهاردة بليل، غير كده، ولا انت ابني ولا أعرفك. أسر: اللي تشوفيه. ممكن أطلع أنام، ولا في حاجة تانية؟ يارا: لا اتفضل، وبليل تجهز. أسر لنفسه: بقى أنا عايزين يخلوني أخطب واحدة منتقبة؟ والله ما بقاش أسر الدمنهوري إلا وخليت حياتها جحيم.