رواية حب الطفولة الفصل الرابع عشر 14 - بقلم مديحه وائل

يوسف بصدمة: جدي! الجد أول ما شافه اتعصب. الجد بغضب: انت بتعمل إيه هنا؟ يوسف ببرود: أنا لو تلاحظ عند خالتي. الجد بغضب: امشي اطلع بره. يوسف: أنا عايز أعرف انت ليه بتعاملني كده؟ كل ده عشان أمي زمان مسمعتش كلامك وراحت اتجوزت اللي بتحبه؟ الجد بغضب: أيوه عشان عصتني ووطت رأسي في الأرض. يوسف بغضب: ما انت اللي عايز الكل يمشي على مزاجك.

الجد بغضب: أيوه وكلامي هو اللي هيتنفذ ومحدش هيعترض. واسمع بقى بما إنك هنا وموجود، أنا جاي آخد رهف وأمها عشان بعد بكرة هيكون كتب كتاب رهف. رهف بصدمة: جدو انت بتقول إيه؟ الجد: زي ما سمعتي، ويله ادخلوا اجهزوا عشان نمشي. يوسف: وأنا مش هاسمح بده يحصل. الجد بغضب: هاتعمل إيه يعني؟ يوسف توجه ناحية رهف وقال: رهف صدقيني مش هاسمح بده يحصل، انتي بتوثقي فيا صح؟ رهف بدموع: يوسف أنا بوثق فيك أكتر من نفسي.

يوسف: طب أنا دلوقتي هامشي وجهزي نفسك لأنك هتتجوزيني، تمام؟ الجد بغضب: انت بتقول إيه؟ أنا مش هاسمح بده يحصل وهاخدها دلوقتي وهاتتجوز عمر. يوسف ببرود: خدها أهي عندك، بس أنا بقولك وقدام الكل رهف هتكون ليا ومش لحد غيري. وخرج وسابهم. الجد بغضب: انتوا لسه واقفين؟ روحوا لموا حاجتكم عشان نمشي. وراحوا جهزوا. وبعد ساعة كانوا في طريقهم للبلد. وبعد مرور ساعتين وصلوا البلد وكانوا قدام القصر.

سامية مرات خال رهف: نورتوا، ألف مبروك يا رهف. الجد: جهزتي العشا يا سامية؟ سامية: آه العشا جاهز. الجد: يله عشان نتعشى. رهف: أنا مش جعانة. وطلعت وسابتهم. عند رهف في الغرفة كانت بتتكلم فيديو مع روان ويوسف. روان: يوسف انت متأكد من اللي انت هتعمله ده؟ في خطر على حياتك انت ورهف. يوسف: متخافيش مش هيحصل حاجة. أنا هاجي أهرب رهف وأول ما نرجع القاهرة هانتجوز وعم محمد هيكون معانا.

رهف: وأنا موافقة يا يوسف، أنا عمري ما هتجوز الحيوان عمر ده. يوسف: وأنا عمري ما هسمح لحد بكده. روان: كده مفضلش غير يوم عشان تعرف تدبر كل حاجة، لأن جدكم أكيد هيحط حراسة عشان عارف إنك هتعمل حاجة زي كده. يوسف: متخافيش، أنا دبرت كل حاجة. ناقص ننفذ الخطة. يله بقى نقفل، وانتي يا رهف جهزي كل حاجة تمام. رهف: تمام، أنا هقفل. وقفلوا مع بعض. تحت في القصر. الجد: شددوا الحراسة ومش عايز عينيكم تغفل لحظة، لأن أكيد يوسف هيجي.

سعد مرات خال رهف: وانت ليه متأكد أوي كده يا بابا إنو هيجي؟ الجد: عشان هو اتحداني لما كنت هناك في القاهرة، وأكيد هو هيجي عشان يهرب رهف وأنا مش هاسمحه بكده. سعد: تمام يا بابا، إحنا هنشدد الحراسة كويس. الجد: يله كل واحد يشوف شغله. في غرفة رهف. رهف: هو مش راضي يبطل رن ليه؟ مش هارد، خليك ترن من هنا لصبح برضه مش هارد. وصلت رسالة لرهف. عمر: ردي عليا يا رهف وإلا هاتصل بجدك. رهف: أوووف، استنى عليا بس. عمر رن وهي ردت.

رهف: عايز إيه؟ عمر: اتصلت عشان وحشتيني، بقالي كتير مشوفتكيش. بس خلاص هانت، هاتكوني مراتي وهتبقي قدام عيني طول الوقت. رهف مسكت نفسها بالعافية. رهف ببرود: أنا هقفل عشان عايز أنام. عمر: تمام، تصبحي على خير. رهف مردتش وقفلته في وشه. -جه يوم موعد كتب الكتاب وكل اللي في القصر عمالين يجهزوا عشان كتب الكتاب. الجد: كل حاجة كده جاهزة يا سعد؟ سعد: آه كل حاجة جاهزة، ومفيش أي تطور بخصوص موضوع يوسف، كل حاجة ماشية مظبوط.

الجد: صدقني في أي لحظة هيجي. سعد: على العموم إحنا عينينا في كل مكان. في المساء. في غرفة رهف. رهف: يوسف انت عرفت تعدي من الحراس إزاي؟ يوسف بضحك: لأن ببساطة جدك مفكر إن الحراس دول بتوعه، لكن في الحقيقة الحراس دول بتوعي. رهف بصدمة: احلف! لا انت بجد طلعت داهية. يوسف بغرور: اومال انتي فاكرة إيه؟ رهف: طب يله بسرعة، أنا جهزت حاجتي. يوسف: طب يله هاننزل من الشباك زي ما جيت. وجم ينزلوا الباب بتاع غرفة رهف اتفتح.

رهف ويوسف اتصدموا.