رواية حب بعد عذاب الفصل الثالث عشر 13 - بقلم بسمة محمد

تاني يوم ف شقه ابراهيم صحيو مفزوعين علي صوت الباب وهو بيخبط. فاطمه بفزع: يا ساتر يارب.. مين اللي بيخبط كده علي الصبح. ابراهيم: ربنا يستر. هروح اشوف مين. وهو خارج من الاوضه لقي مروان رايح يفتح. ابراهيم: استني انت ي مروان انا هفتح. مروان: حاضر ي بابا. ابراهيم فتح الباب لقي رجاله كتير قدامه بصلهم باستغراب: مين حضراتكم.! الشخص: انا ابو هنا صحبت بنتكم. وجاي عشان اخدها. مروان: هنا مين.!

وبعدين احنا معندناش حد جوه اتفضل امشي بقا. مدحت بغضب: بقولك انا متأكد انها جوه.. ياريت تجيبوها بدل م اتصرف تصرف مش هيعجبكم. ف الوقت ده فارس وزياد كانو طالعين. فارس: في حاجه يعمي. مين دول. مدحت: يوووه بقا هو كل شويه حد يقولي مين مين. انجزو انا عايز بنتي ي اما مش هيحصل طيب. زياد: اتكلم بأدب يراجل انت. مدحت: والله انا اتكلم زي منا عايز وبقولك بنتي جوه وانا عايزها. مروان: وانا قولتلك مفيش حد جوه واتفضل امشي بقا.

ف اوضه مريم كانو سامعين صوتهم العالي. هنا: يالهوووي اعمل اي انا دلوقتي ده ممكن يموتني فيها. مريم: متخفيش. اهدي بس كده وهنلاقي حل بسرعه. وفجأه جتلها فكره ونفذتها بسرعه قبل م حد يدخل. مدحت: تمم لو هي مش جوه بجد يبقا ادخل اتأكد بنفسي. ابراهيم: اعتقد انو قالك مفيش حد جوه.. واحنا مش هنكدب عليك اكيد يعني. مدحت بغضب: وانا بقولك انا متأكد.. وهدخل يعني هدخل. فارس بعصبيه: م خلاص يعم انت م قا..

ابراهيم قاطعه بهدوء: سيبو ي فارس دس بردو بنته ومن حقه يطمن عليها اتفضل ادخل.. لوحدك. مدحت: تمم استنو هنا ي رجاله. ف الوقت ده مريم خرجت من الاوضه: في اي ي بابا اي الصوت العالي ده. ابراهيم: مفيش حاجه يحبيبتي دت ابو صحبتك وبيقول انها هنا. مريم: ايوه بس انا معرفش عنها حاجه. مدحت: هنشوف دلوقتي اوعي كده من قدامي. فارس: انا ساكتلك من الصبح كلمه تانيه غلط مش هتطلع من هنا سليم.

مدحت: وانا اوعدك لو لقيتها هنا. يومكم مش هيعدي بالساهل كده. فارس: هنشوف الحوار ده بعدين. مدحت بعد م دور ف كل البيت وخرج بص لمريم: ملقتهاش بس لو عرفت انها كانت هنا او جتلك وانتي مقولتيش هع... فارس: اياك تنطق حرف كمان..لو خايف علي نفسك وعلي اللي معاك تغور ف داهيه دلوقتي. مدحت بنظرات ناريه: همشي..بس اكيد هنتقابل تاني. فارس: حصلنا الارف والله.. مع السلامه بقا. مروان وهو بيقفل الباب: اي اللي حصل بقا وازاي البت مش جوه.

مريم: هقولك. (فلاش باك) مريم: لقيتها.. تعالي بسرعه. وراحت فتحت البلكونه وخدت هنا معاها. هنا بخوف: اوعي تقولي هنزل من هنا مش هعرف ابدا. مريم: لازم تنزلي ي هنا وبعدين المسافه مش بعيد بصي تعالي بس نجيب كام ملايه بسرعه ونربطهم. مريم وهي بتتأكد انهم ثابتين: يلا بسرعه ي هنا. هنا: مش هع.. مريم بسرعه: مفيش وقت. انجوي انزعلي قبل م حد يدخل. هنا: طيب طيب. بعد م هنا نزلت مريم لمت الملايات بسرعه وخبتهم وخرجت برا تشوف في اي.

(نهايه الفلاش) مريم: بس كده ده كل اللي حصل. فارس: الحمدلله ربنا ستر بس هي هتروح فين. مريم بخوف: مش عارف بقا اكيد هتلاقي حل. او هتكلمني تاني.. المهم انها عرفت تهرب. زياد: فعلا المهم انها هربت منو.. واكيد هتكلمها تاني. مريم: يااارب تبقا كويسه. هنا كانت بتجري بكل قوتها وهي بتعيط وبتحاول تبعد علي اد م تقدر ولقت باب عماره مفتوح فدخلت فيها بسرعه واستخبت.

هنا: يارب ساعدني يارب انا مليش غيرك دلوقتي.. وبتحاول تكتم صوت عياطها عشان محدش يسمعها. "انتي مين." هنا بخضه: ااا... انت اللي مين. وبعدين انت مالك بيا اصلا. "والله انتي ف بيتي ومن حقي اعرف بتعملي اي هنا." هنا وهي خارجه: ملكش دعوه.. وابعد من وشي. "مفيش خروج من هنا قبل م اعرف انتي مين وبتعملي اي هنا." هنا لسه هترد بس لمحت عربيه ابوها ف استخبت تاني بسرعه. الشخص بيبص علي العربيه باستغراب ورجع بصلها تاني.

بعد م العربيه مشيت. "اطلعي خلاص مشيو." هنا بتوتر: هما مين دول. "اللي كنتي بتستخبي منهم." هنا: انا مكنتش بستخبي من حد. "اي ده والله.. وامي اللي دخلت تجري من شويه." هنا: وانت مالك اصلا.. وبعدين ابعد كده انا عاوزه امشي. "مش هتمشي من هنا قولتلك. دخول الحمام مش زي خروجه ي شاطره." هنا: وانا بقولك هخرج.. ابعد بدل م اصوت والم عليك الناس. "صوتي كده.. تقريبا العربيه لسه قربيه اعتقد هيسمعوكي... يلا صوتي ساكته لي."

هنا: وانت مالك انت ي بارد.. ابعد من وشي. "انا مش بارد انا زين.. الا صحيح مقولتليش اسمك اي." هنا: قولتلك ملكش دعوه.. لو سمحت سيبني امشي. زين: شكلك واقعه ف مشكله كبيره وطالما جيتي هنا يبقا مش هتطلعي غير لما اعرف. هنا: بقولك حاسب كده.. انا مش عارفه اي البلاوي دي.

زين: لمي لسانك واهدي بس كده.. انتي لو طلعتي دلوقتي هتلاقي الناس دي بتدور عليكي اطلعي الدور التالت الشقه اللي علي اليمين هتخبطي وامي هتفتحلك وانا هكلمها واعرفها انك طالعه. هنا: يا سلااام وانا اضمنك لي ان شاءلله وبعدين انا مش بطلع مكان معرفهوش. زين: بت انتي اسمعي الكلام..وامشي اطلعي فوق. هنا: مش طالعه. زين بعناد: كده ماااشي.. انا هوريكي.