رواية حب بعد عذاب الفصل العاشر 10 - بقلم نورهان

ملك: انت عايز أي مني؟ أنا واحدة متجوزة. لسه هقفل الباب بس هو كان أسرع مني وفتح الباب بسرعة ودخل. أنا برجع لورا وخايفة وبصوت كله خوف: انت عايز أي مني؟ مازن: جاي أطمن على ابني. ملك بصدمة: ابنك!

مازن: حبيتك لدرجة الجنون، بس انتي كنتي شايفة إني قليل علشان أهلي ناس على قدها، وانتي أبوكي رجل أعمال محدش قده. كنا نفس الجامعة وكنتي قدام عيني كل يوم، وكل يوم بحبك أكتر. جيت اتقدمت بدل المرة ألف مرة، وكل مرة ترفضي انتي وبابا. وأنا أسمع كلام زفت من أصحابي، لحد ما جه اليوم اللي أخدت أغلى حاجة عندك. أنا كنت بسمع وأنا مصدومة ومنهارة من العياط، ولحد ما وقعت واغمى عليا. مازن بخوف: ملك! ملك! وأنا مكنتش حاسة بأي حاجة.

مازن طلع بسرعة من الشقة وهو نازل. نرمين: أي دا! مش دا مازن! أي جابه هنا! وطلعت بسرعة تشوف ملك. وصلت نرمين لباب الشقة وكان مفتوح، وملك واقعة على الأرض. نرمين فوقتها بسرعة. ملك حضنتها جامد من خوفها. نرمين: في أي؟ أي اللي حصل لك؟ ملك بخوف: أنا بس تعبانة، فوقعت. نرمين بشك: ومازن كان نازل من هنا ليه؟ وباب الشقة مفتوح ليه؟ ملك: مازن مين؟ أنا اللي فتحت باب الشقة علشان لو حصلي حاجة حد ينقذني بس. نرمين: وقاسي فين؟

ملك: نزل الشركة عند تمارا. تمارا: مازن دا كان بيحب ملك، ودلوقتي علاقته بزينة أكيد علشان يدمر ملك بعد ما اتجوزت قاسي. أسر: كلامك صح، بس لازم يكون معانا دليل. تمارا: واحدة صحبتي بعتت واحد يراقب زينة، وأول ما تكون مع مازن هيصور كل حاجة. عند قاسي وملك. قاسي بيرن على ملك يطمن عليها. نرمين ردت لأن ملك كانت تعبانة أوي. نرمين: سايب مراتك وهي تعبانة ونزلت ليه؟ قاسي بخوف: في أي؟ أنا جاي البيت حالاً.

ملك بتعب: أنا كويسة يا ماما بجد. نرمين: مش باين خالص، أنا كنت حاسة إن فيكي حاجة. عند تمارا. تمارا وصلها فيديو وكانت بتشوفه بصدمة. قاسي وصل البيت. قاسي بلهفة: في أي يا ملك! أي حصل؟ مكنتش هقدر أتكلم قدام أمي، فكدبت وقولت إني تمام. وبعد شوية ماما مشت بعد ما اطمنت عليا. قاسي: في أي؟ حد قرب لك؟ فضلت أبكي وأنا قلبي وجعني أوي ومش قادرة أتكلم، وقعدت على الأرض وأنا بعيط بصوت عالي أوي وبصرخ.

قاسي شدني لحضنه: اهدي، لو مش قادرة تتكلمي أنا مش عايز أسمع دلوقتي، بس اهدي. قاسي كان بيتكلم وهو موجوع أوي وهو شايفني بدمر. وفجأة وصل مسدج لقاسي. "محتوى المسدج" اللعبة خلاص خلصت يا قاسي، أنا اللي اتدمرت دلوقتي مش انتوا. قاسي مكانش فاهم حاجة، ولا أنا بس...