رواية حب بعد الندم الفصل الثاني 2 - بقلم جنات بدر

أمل بخوف وارتباك: هو هو اللي حصل يا خوي. صاحبتي بثينة طلبت مني فلوس سلف وأنا قولت لأ مش معايا. وبعدين ببص في الشنطة لقيت فيها فلوس. فأنا زعلت وبقول: سامحني يارب، كان غصب عني. حضنها غاندي بحب: عشان كده خايفة وبتعيطي؟ أنتي طيبة قوي يا أمولا. خلاص بكرة أعطيها الفلوس اللي هي عايزها ومتزعليش نفسك يا قلبي. أنا بخاف عليكي من طيبة قلبك دي يا روحي، بس عارفة أنا بفتخر فيكي وعايزك دايماً رافعة راسي يا حبيبتي.

عيطت أمل بندم: ربنا يخليك ليا يا خوي. أنا بحبك قوي والله، أنت أحن واحد عليا. ضحك غاندي: مادام بتحبيني، خدي بقي الود مالك. ده عشان مطفشني. وأمه بتطبخ في المطبخ وقولت إنها تساعدها. رفضت وقالت: أكيد جاية تعبانة عشان كده. أمل: إيه يا حبيب عمتو، أنت في حلاوة بشكل ده؟ ياخرشي على العسل. عارف أقولك سر؟ أنا وعمو ياسر هنجيب أطفال حلوة كده زيك قريب جداً وهنكون أنا وهو في بيت واحد. يااه يا ود يا مالك، ده يوم المنى.

على سفرة العشاء _فارس (أخو أمل) : إيه يا أمل اتاخرتي ليه في الرجعة؟ مش بالعادة تتأخري. حصلت معاكي حاجة كده ولا كده؟ أمل بتوتر: لأ يا خوي، مانا قولت لماما السبب إن المستر اتأخر شوية وكمان المواصلات كانت زحمة، بس مش أكتر. فارس: ما قولنا كفاية كده مدرسة واتعلمي وكلام فاضي، وفي الآخر هتروحي لبيت زوجك. هيفيدك بإيه التعليم والتأخير؟ اتعلمي حاجة في البيت تنفعك. يونس (أبو أمل)

: أبوها لسه عايش وهو اللي يقول تقف تعليم ولا لا. وبعدين عايز تنصح؟ انصح نفسك. وبعدين خلاص أسبوعين والامتحانات هتبدأ، على الأقل هتخد دبلوم تجارة. عارفين هي هتقعد في البيت بس مجتهدة، مش زيك سايب كل حاجة ومش سائل، حتى المصنع مش بتروحوه والحمل كله على أخوك. غاندي بزعل: ليه يا أبوي كده؟ خليته قام من غير ما يكمل أكله. وبعدين هو أنا اشتكيت من الشغل؟ سيبه براحته، بلاش تزعل يا أبوي، هو مش قصده حاجة. يونس: إزاي أسيبه براحته؟

وهو مش صغير لازم يتحمل المسؤولية ولازم ينزل يشتغل معاك، مش كفاية حمل الشغل كله عليك. غاندي: لسه يا أبوي، في عز شبابه. خليه يعيش بطريقته اللي تريحه ومصيره هيشتغل. أمال هيفضل عمره كده. بس أنت ماتضغطش عليه. أمل: أنا هاخدلك أكل عشان يكمل أكله. في غرفة فارس: إيه جابك؟ عايزة إيه؟ بعد ما حرضتي أبوكي؟ عاملة فيها الحنونه وجايبة أكل وجاية؟ اطلعي، مش عايز أكل ولا إيه حاجة منك. أمل بحزن: ليه يا خوي بتقول كده؟

ده أنت أخوي وحبيبي وسندي. أنا أحرض أبويا عليك ليه؟ هو أنا اتكلمت يا خوي؟ فارس بغضب: بقولك اطلعي بره يالا من هنا، مش عايز منك حاجة. يالا مش سامعة؟ غاندي بغضب: