رواية حب بلا حدود الفصل الثاني 2 - بقلم بسملة أحمد

دينا بشك ودموع بتقول فى نفسها: اعمل ايه؟ أهرب زى ما ماما بتقولي وأسمع كلامها، ولا هيطلع فخ؟ بتقول فجأة فى نفسها: أنا خسراناه، أجرب وخلاص، بدل ما أطلع من سجن وأروح سجن تاني. بتفوق فجأة على تخبيط أمها على الباب وبتقول: فوزيه: يلا بسرعة يا دينا، مفيش وقت، رجب لسه مكلمني وبيقول إنهم في الطريق. دينا بتوتر: حاضر.. حاضر. فتحت الباب. أخيراً دينا خرجت من البيت. وبعد ما بعدت شوية عن البيت وقفت وهي بتفكر هتروح فين.

دينا بدموع وحيرة، هي بتكلم نفسها: أروح فين؟ لا لا يارب ساعدني. وفجأة تقول: إيه.. إيه هي اللي هتساعدني؟ جماعة دلوقتي هفهمكم حاجة بسيطة جداً، إن حارة إيه وحارة دينا حارتهم بتبعد عن بعض ساعة، وشركة السياحة اللي اشتغلت فيها إيه تبعد عن بيت إيه نص ساعة، وكذلك دينا. نكمل… وبعد ساعة، وصلت دينا لبيت إيه وترن الجرس. إيه: دينا، في إيه؟ وإيه اللي جابك دلوقتي؟ دينا بعياط: دخليني بس وأنا هقولك كل حاجة. إيه بستغرب: طب ادخلي.

ودخلوا هما الاتنين. بدأت دينا تحكي لإيه. وبعد ما خلصت، إيه بغضب: علشان كده مجتيش المقابلة؟ أنا هروح أقدم في بلاغ. دينا بخوف: لا لا، أنا لما صدقت إني أهرب. إيه: يعني إيه عايزاني أسكت بعد ما سمعت كل ده منك؟ دينا: أها. إيه بزعيق: ليه بقا إن شاء الله؟ دينا بعياط حالة هستيرية: لا.. لا.. لا… علشان إنتي متعرفيش رجب ده ظالم ومعندوش قلب. إزاي تتخيلي يا إيه إنو كان بيضربني وبيجبرني إني أنزل أشتغل وعادي إن الناس تقعد تعاكسني؟

رجب ده مش راجل! وإنتي لو عملتي اللي إنتي بتقولي ده هيعرف ساعتها أنا فين. لو سمحتي يا إيه، خلاص. إيه بتروح تحضنها وهي بتعيط على اللي حصل في دينا، والاتنين يقعدوا يعيطوا. ونروح بقا عند فوزيه ورجب. رجب بغضب: يعني إيه هربت؟ أقول إيه لفهمي دلوقت؟ فوزيه بتوتر: حصل بقا يا رجب. رجب: أهو اللي… رجب بجنون: لا، أكيد إنتي اللي هربتيها! ويمسكها من شعرها وينزل فيها ضرب لغاية لما تنزف من بوقها وأنفها. وفجأة يخبط على الباب… فهمي.

فهمي بزعيق: افتح يا رجب، افتح! رجب بجنون وهو بيقول لفوزيه: ادخلي بسرعة وأوعي تفتحي، إنتي فاهمة؟ وطبعاً هو بيعمل كده علشان خايف على نفسه، علشان ممكن حد يزعل على فوزيه في أي ساعده. رجب يفتح لفهمي. فهمي يدخل ويقول لرجب: فهمي: إيه يا رجب، رجعت في كلامك ولا إيه؟ رجب بتوتر: الصراحة كده… فهمي: إيه؟ رجب: الصراحة كده إن العروسة هربت. فهمي بغضب: يعني إيه هربت؟ إنت شكلك بتكدب عليا، وإنت عارف إني مش بحب إن حد يستكردني.

رجب بخوف وتوتر: لعاش ولا كان اللي يضحك أو يكذب عليك، والله هي اللي هربت. فهمي: بص يا رجب، الجوازة دي اتلغت، وإن مجبتليش الفلوس بتاعت المخدرات، أنا هعيشك في جحيم، فاهم ولا لأ؟ رجب بخوف: حاضر… حاضر. فهمي: ظبطوا لغاية لما تعدموا العافية. رجب بقلق: يعني إيه؟