رواية حب في عمليات خاصه الفصل الثامن 8 - بقلم ملك ايمن

فجأة سابت المكنة. كلهم وقفوا. يونس: فيروز انتي مش هتبطلي بقا؟ افرضي حصلك حاجة. فيروز: بس أي بلاعة، أهو الحمد لله محصلش حاجة. اسر: المكنة كانت ممكن تاخدك وقتها كانت هتكسرك. فيروز: إيه يا جماعة، كبرت الحكاية؟ الفرامل فلتت وبس يعني. جاسر: انتي ليه محسساني إن التليفون هنج منك؟ يا أخي تبا لتواضعك. فيروز: هههههه. ابتسم ويامحلا ابتسامتها. فيروز: اسلام. اسلام: مش هركب وراكي، فكرة. أنا لسه صغير. اسر: تعالي اركبي ورايا.

فيروز: وتسيبني أسوق؟ اسر: لاااا، أنا اللي هسوق. فيروز: أشطا. ركبت وراه وكملوا مشي، لكن اسر غير السكة. فيروز: انت رايح فين؟ اسر: هتعرفي دلوقتي. في البيت، أميرة وانعام بيتكلموا مع بعض ومريم طلعت أوضتها. وندي قاعدة مع الأولاد في البراندة بيلعبوا. جمال قام دخل عشان يشوف عدي.

جمال: دخلت شوفتها زيها زيهم، طفلة. شكلها كان حلو أوي وهي بتلعب معاهم. والمشكلة عدي اتحرم من حنان الأم ودلوقتي فرحان في حضن ست غريبة. وده خوفني لدرجة مخيفة. أخرجه من تفكيره صوت ابنه. عدي: بابا تعالا العب معانا. طنط دي حلوة أوي، لما أكبر هتجوزها. جمال: عدي، عيب كده. ندي: هههههه، عاوز تتجوزني؟ طب وولادي أوديهم فين؟ عدي: هلعبهم معايا. جمال: ياراجل، وروني بتعملوا إيه. ادم: تعالا أوريك. بص.

ندي: يابخت ابنك بيك. أب حنين. ادم متجاوب معاك، فقد الإحساس ده هو. وسيم كده ليه؟ احم، إيه اللي بقوله ده؟ استغفر الله العظيم. عند اسر وفيروز، وقف المكنة في مكان فاضي نسبياً. فيروز: إيه اللي جابنا هنا؟ اسر: انزلي. نزلت. فيروز: ها؟ وبعدين؟ اسر: أظن بعد الضرب اللي أخدته من حقي، أتكلم معاكي شوية. فيروز: بخصوص؟ اسر: ليه بتداري زعلك؟