رواية حب خارج نطاق قسوته الفصل الرابع عشر 14 - بقلم بسملة بدوي

نهاااار أبو الِ خليفوك أسود يا زياد بتعمل إيه؟ زياد رمى البخاخة اللي في إيده وبعد عن كيرال بسرعة. "يونس بغضب جحيمي: بتعمل إيه يا ضنا ال*****" زياد بارتباك: "كنت معدي بالصدفة وسمعت صوت صريخ مكتوم، جيت أشوف في إيه لقيت في حد بيحاول يخطفها، لولا إني جيت وأنقذتها." يونس قرب منه بابتسامة خبيثة: "يا حبيبي يا أبو قلب حنين، وسبحان الله جيت في الوقت المناسب. بطل يا حبيبي بطل، ولازم أكافئك." زياد بتوجس

من نبرته غير المطمئنة: "أنا مش مستني مكافأة منك، أنا عملت كده عشان ده الصح." يونس بسخرية وهو بيشمر أكمام قميصه: "اممم، قلت لي الصح ومش مستني مني كمان. اممم." وفجأة اتحول ولكمة في فكه وركلة في بطنه بغضب جحيمي: "فاكرني عيل يا ضنا ال***** عشان أصدق الفلم الكحيان بتاعك يا ضنا ال*****" زياد بعصبية وهو بيرد له اللكمة: "ما تصدق ولا عن أهلَك ما صدقت." يونس عيونه اسودت أكتر ومسك الكرسي ولسه هيضربه بيه.

كيرال صرخت: "لااااااا يا يونس سيبه بالله عليك سيبه أرجوك." زياد بصوت منخفض سمعه يونس: "لسه بحبك ومتأكد إنك لسه بتحبيني." كيرال بعياط: "لو سمحت اخرج يا زياد." زياد من غير كلام فضل يبص لها فترة وبعدين مشى. يونس بعصبية: "طرطور، وافق قدامك." كيرال حركت رأسها بـ"لا" بعياط: "لا متقولش كده، أنت سيد الرجالة كلهم يا يونس."

يونس بتحذير: "أنا جبت آخري منك يا كيرال، كل شوية أعرف حاجة جديدة وأبقى متفاجئ بيها زيي زي الغريب، وبقعد بمزاجي وأجي أسألك مش عايزة تتكلمي." "ماهو مش بمزاجك." قاطعته بعياط: "يونس افهمني، اللي حصلي مش قليل، وربنا ما قادرة أتكلم، حتى مش عايزة أفتكر، أرجوك." يونس بنبرة قاسية: "يعني مش هتتكلمي؟ كيرال بعياط: "يونس افهمني، ده مش بمزاجي."

يونس بعصبية وشخط: "يعني مش هتتكلمي، ماشي يا كيرال، أنتِ حرة، واتفاقنا بتاع أول يوم هيتنفذ، وانسي كل اللي قولته." كيرال بصدمة: "يعني يعني إيه؟ هت هتسيبني؟ بصلها كتير وقال ببرود: "هنفضل مع بعض الـ 6 شهور وبعدهم كل واحد لحاله. هروح أدفع المصاريف، جهزي نفسك." كيرال بضعف: "مش هعرف أجهز نفسي." قاطعها بقسوة: "مش مشكلتي، هبعتلك أي ممرضة." ومدلهاش فرصة ومشى تحت عياطها وندمها.

كيرال ودموعها مغرقة وشها: "غبية غبية، كان مفروض أحكيله، يا رب." عند يونس مشى وهو متعصب وعلى آخره، بس ضميره مألمه أوي عليها. "مكنش ينفع تزعلها وتقسّي عليها بالكلام كده، مهما كان لسه صغيرة مش عارفة الصح من الغلط، مفروض تاخدها بالراحة وتهاودها، بس أنت غبي غبي، خليتها تعيط وتزعل منك." فاق من شروده على صوت الشاب: "احم، 4000 يا فندم." يونس دفع وقال ببرود: "ابعتوا على الأوضة ممرضة بسرعة." "حاضر يا فندم."

يونس راح قعد يستناها برا، بس فجأة قام بسرعة ودخلها. كيرال في نفسها: "ده بعت الممرضة بجد، معتش بيحبني خلاص. أنا آسفة خلاص." الممرضة: "هاتي إيدك يا بنتي، وما تضغطييش على رجلك أوي." كيرال قوست شفتها بحزن زي الأطفال وعيطت جامد. "مالك يا بنتي؟ اهدي طيب، يا حول الله يارب، مالك؟ حاجة بتوجعك؟ كيرال بعفوية: "معتش بيحبني يا طنط." "هو مين ده يا بنتي؟ طب اهدي طيب، بلاش عياط. مين ده يا حبيبتي اللي يخليكي تعيطي كده؟ ينشك في قلبه."

كيرال بسرعة: "لا بعد الشر." يونس دخل وسمع الحوار اللي بينهم، ابتسم على جملتها، بس ثواني وأخفى ابتسامته ببراعة وهتف بجمود: "أنا." الممرضة ببلاهة: "ها؟ يونس ببرود للممرضة: "اتفضلي أنتِ." كيرال غمضت عينيها بخوف، بس فتحتهم تاني أول ما سمعت الباب اتأفل والنور اتجبب عنها بسبب طوله الفارع. "اا نوسي، إزيك؟ يونس وهو بيكتم ضحكته على منظرها اللطيف المضحك: "هاتي إيدك." كيرال بحزن طفولي: "لا وأبعد، أنا مخاصماك."

رفع حاجبه باستنكار: "لا واللهِ؟ كيرال بدلال فطري: "آه واللهِ." يونس بغضب مزيف: "حاكم أنا مش فاضي لشغل الأطفال ده، اخلصي واسمعي الكلمة من أول مرة." بصت له بعتاب ونزلت عينيها في الأرض ومسكت إيده من غير كلام. يونس ببرود: "اقلعي، ولا أقولك، هساعدك أنا." كيرال شهقت بخجل وبعفوية ضربته على إيده اللي بتزرر قميصه. يونس رفع حاجبه باستنكار: "أنتِ قد اللي عملتيه ده؟ كيرال بشجاعة مزيفة: "أيوا، وابعد وبطل قلة أدب بق."

قرب منها بخطوة بخبث: "قصدك إني قليل الأدب؟ تحبي أثبتلك؟ دفعته برقة: "لا شكراً، وابعد." يونس بمكر: "هساعدك، اقلعي بق، ولا ناوية تلبسي قميص المستشفى تحت الهدوم؟ ابتسمت بطفولة: "فكرة حلوة." يونس بضحكة رجولية: "مجنونة." عدى أسبوع والحياة مستقرة بينهم نوعاً. كيرال بحزن: "يااا يونس، حرام عليك بق، بقالك أسبوع بتتجاهلني وبتكلمني غير فين وفين." يونس ببرود عكس اللي جواه: "لازم تتعودي." كيرال

والدموع بتلمع في عينيها: "أنت بتتكلم بجد بقي؟ يونس بجمود: "اومال بهزر." كيرال بتوعد: "بق كده تمام أوي." "نوووسي حبيبي." يونس بص لها بعدم استيعاب: "ها؟ كيرال بدلع وهي بتمشي سبابتها على وجهه بنعومة: "يونس بلا وعي: قلبي يونس." كيرال وهي بتبص له ببراءة: "كوّيت لك القميص الأسود والبنطلون الأسود." يونس بلع ريقه بتوتر من قربها: "احم، تمام شكراً، ابعدي بق عشان ورايا شغل كتير ومش عايز أتأخر."

ومشى وسابها وهو بيتنفس بسرعة ومتحكم في نفسه بالعافية من حركاتها اللي أحيت رغبته بها من جديد. كيرال بخبث: "ربع ساعة وتعالى عشان عملالك محشي بأيديا وعشان العزومة." يونس ببرود: "مش عارف لسه، بس شكلي كده هاجي متأخر." كيرال بدلع: "تؤ يا يونس، أنا متأكدة إنك هتيجي قبل كمان الربع ساعة." يونس بسخرية: "واثقة أوي؟ قربت منه بمكر أنثوي وبصت في عيونه جامد: "جداً." وطبعت قبلة سريعة جانب شفتيه وجرت على جوه. يونس

حط إيده مكان قبلتها بصدمة: "أنا بحلم صح؟ هي دي كيرال؟ هي دي ملاك الرحمة؟ ههههه، شكلها هتحلو أوي." ربع ساعة وكان الباب بيخبط جامد. كيرال واقفة ورا الباب وبتضحك بحماس: "يس يس، رجع." وفتحت الباب بسرعة: "مش قوللتلك يا يونس هترجع؟ يونس بعصبية: "مش وقته." وقلع قميصه بهمجية: "اهرُشلي في ضهري جامد يا كيرال... جامد." كيرال بضحك: "ههههه، شكلها جابت مفعول بسرعة أوي." يونس برق بشر ولف لها: "هي إيه دي اللي جابت مفعول بسرعة؟

كيرال بتوتر: "اا، مفيش." يونس بص لها بشك ورجع يحك ضهره بألم: "لا لا مش قادر." كيرال كشرت بندم وفي نفسها: "يلوي، ماكنش قصدي كده... يعيني ضهره ملتهب قوي، أووف غبية ومتسرعة، يا عيني يا نوسي يا حبيبي." يونس أخد شاور وخرج بتعب، ووقف يسرح شعره، بس الفرشة وقعت من إيده. نزل يجيبها بس لفت انتباهه كيس صغير شفاف بودرة. بصوت جوهري: "ڪيرااااااااال." كيرال بخضة: "يلوييي، عرف يخبي، يخبي، يخبتييي."

يونس جري عليها بلهفة وخوف: "ليه كده يا كيرال؟ حرام عليكي." كيرال بخوف: "أنا أنا آسفة واللهِ العظيم ما كنت أعرف إن هيحصل كل ده، أنا أنا." يونس بعصبية وحزن وهو بيمسك وجهها بين كف يديه: "حرااام عليكي يا كيرال، ليه تعملي في نفسك وفيا كده؟ ولو مش همك نفسك، طب وأنا؟ أنتِ لازم تتعالجي يا كيرال." كيرال ببلاهة: "أتعالج ليه؟ وبعدين أنت مسامحني خلاص." يونس

بحنية وهو بيشدها لحضنه: "عُمري ما أزعل منك يا قلب يونس. بس قوليلي بقالك قد إيه بتشمي؟ كيرال كشرت بطفولة: "أشم، أشم إيه؟ أها أنا طول عمري بشم، كلنا بنشم يا يونس، إيه السؤال ده؟ يونس بحزن عميق: "بتشمي بودرة من امتى؟ خرجت من حضنه بصدمة: "بـ بودرة إيه؟ أنت بتقول إيه؟ يونس رفع البودرة: "دي إيه؟ مش بودرة برضه؟ ردت بسرعة وعفوية: "آها، بس دي مش بودرة بتتشام، دي بودرة عفاريت بتخلي الواحد يهرش."

وفجأة سكتت بصدمة: "يلوي، إيه اللي قولته ده؟ يونس ربط الأحداث ببعض وفجأة فهم كل حاجة: "يعني أنتِ حطيتيلي بودرة عفاريت عشان أهرش بالشكل ده؟ كيرال بخوف: "لا لا، مش مش أنا اللي عملت كده." يونس بخبث: "اممم، هنشوف دلوقتي." وفرغ الكيسة كلها على هدومها وشد تيشرتها وحط منها برضه جوه جسمها. بعدت بسرعة: "عااااااااا لااااااا يااااايونس عاااااا اهرُشلي بسرعة، الحقناااااي."