رواية حب مخفي الفصل الثالث عشر 13 - بقلم فاتن جمال

زين -فيروز، اياكي اسمعك بتقولي اسيبك. فيروز -شداد ايديها وقال بعصبية: قصدك إيه؟ زين -ولا حاجة. فيروز -لا، فيه. زين -فيروز، قولت مفيش حاجة. اتفضلي على شغلك. فيروز -ماشي يا زين. زين -اسمي زين باشا. فيروز -قصدك اسمك أستاذ مغرور. زين -فيروز، تاني. فيروز -وضيف عليها حرامي. زين لم يتكلم. فيروز جرت من قدامه. زين -مش هقدر أخبي عليها إنها حبيبتي. يارب صبرني. فيروز -عيل لئيم وشايف نفسه. إيه الغرور دا؟ مروة -إنتي بتكلمي نفسك؟

فيروز -الأستاذ الحرامي، قصدي زين، بيزعق لي. مروة -مستحيل. أستاذ زين ده هادي خالص. فيروز -اسكتي، إنتي مش عارفة. ده مغرور وحرامي سرق مني فوني. مروة -بجد؟ فيروز -آه والله. بس الحمد لله رجعته. مروة -أنا بقول الأحسن نطلب أكل عشان شكلك جعانة. فيروز كادت أن تتكلم، ثم وقفت ساكتة. مروة -فيروز، إنتي سكتي ليه؟ فيروز -مين دي؟ مروة -دي حبيبة زين باشا. فيروز فضلت تبص على زين وهو ماسك جيجي من وسطها. زين قرب منهم وهم

قاعدين على المكتب وقال: -آنسة فيروز، لو سمحتي هات اتنين عصير فريش. جيجي -بس من غير سكر. زين كان عايز يضحك على فيروز إلا كانت واقفة وماسكة القلم وكسرته. زين -آنسة فيروز، سمعتي؟ آنسة فيروز. جيجي -هي مالها يا بيبي؟ فيروز -نعم؟ مين اللي بيبي؟ زين -في إيه يا آنسة فيروز؟ فيروز -ها، ولا حاجة يا فندم. خمس ساعات، قصدي خمس دقايق والعصير يجي. زين ابتسمت من غير ما تاخد بالها ودخل المكتب هو وجيجي. مروة

-فيروز، القلم اتكسر في إيدك. فيروز -بتقوله يا بيبي؟ مروة -وإنتي مالك؟ فيروز -ها، فعلاً. وأنا مالي بيهم. أنا هروح أجيب العصير. فيروز طلبت العصير وقبل ما تدخله، طلعت من شنطتها كيس وحطت منه في كوباية جيجي. وشالت الصينية ودخلتها. زين -شكرًا يا آنسة فيروز. جيجي كانت قاعدة جنب زين وحاطة راسها على كتفه. فيروز -مسكت الكوباية وحطتها لجيجي. زين -أنا هاخد دي يا روحي، وإنتي يا آنسة فيروز قدمي الكوباية التانية لجيجي. فيروز

-طلعت روحك. زين -بتقولي حاجة؟ فيروز -لا، ولا حاجة يا فندم. بس الكوباية اللي معاك من غير سكر، لكن دي فيها معلقتين كبار سكر. جيجي -لا يا زين، أنا هاخد دي، وإنتي يا آنسة هاتي لزين واحدة من غير سكر عشان الرجيم. زين -بس أنا مش عامل رجيم. جيجي -حبيبي، عشان جسمك يفضل متناسق. زين -ماشي يا روحي. يا آنسة فيروز، خدي دي واطلبي غيرها. فيروز بضحكة النصر -حاضر يا فندم. فيروز خرجت وقالت بصوت عالي: -شطورة يا فيروز. مروة -في إيه؟

فيروز -ها، ولا حاجة. بس أنا جعانة. يلا نطلب أكل. مروة طلبت الأكل وهم بياكلوا، زين خرج مرة واحدة وقال: -مروة، اطلبي الدكتور بسرعة. فيروز كانت قاعدة ماسكة سندوتش الشاورما وبتاكل عادي. مروة -حاضر يا فندم. زين بص عليها وهو مستغرب من برودها. فيروز -في إيه؟ بتبص عليا ليه؟ زين -مش عارف ليه، عندي إحساس إنك السبب فيما جيجي فيه. فيروز -وأنا عملت إيه يعني؟ أنا قاعدة ساكتة أهو. زين -ماشي يا فيروز. فيروز رجعت للأكل تاني. مروة

-الدكتور طالع يا فندم. مروة -فيروز، قومي نشوف مالها. فيروز قامت وهي ماسكة السندوتش ودخلت مع مروة. زين كان قاعد جنب جيجي إلا وشها كله بقى حساسيه ومغمى عليها من الصدمة. الدكتور دخل وبدأ يكشف عليها. زين -مالها يا دكتور؟ الدكتور -متقلقش يا زين باشا، هي مغمى عليها من الصدمة. زين -هي كانت كويسة، وفجأة قالت إنها عايزة تدخل الحمام، بعدها طلعت لقيت وشها بقى كله حساسيه. الدكتور

-هي تقريبًا شربت أو كلت حاجة فيها ملح الصوديوم مع حاجة مسكرة، فعملت حساسية على الوش. زين -بس هي كانت لسه جاية من المطار، ومكنتش كلت حاجة غير... وسكت وافتكر فيروز والعصير. ورجع بص على فيروز إلا بطلت أكل أول ما شافت زين بيبص عليها. زين -شكرًا يا دكتور. الدكتور -أنا تحت أمرك يا فندم. وهي ساعة وهتكون بخير. زين -تمام. مروة -بعد إذنك يا زين باشا. زين -ماشي. فيروز -بعد إذنك يا زين باشا. زين -استني عندك. فيروز

-راحت عليا، الله يرحمني. زين -حطيتي إيه في العصير؟ فيروز -ما الدكتور قالك، ورجعت قالت: أنا ولا أي حاجة. زين -فيروز، بطلي كذب. فيروز -وأنا هكذب ليه؟ زين قرب منها وقال: -يعني مكنتيش غيرانة منها علشان كده حطيتي الملح في العصير؟ فيروز -هي فعلاً حبيبتك؟ زين -ردي عليا، عملتي كده ليه؟ فيروز -مش عارفة والله، أنا بجد أول مرة أعمل كده، وكمان مش زعلانة إني عملت كده. زين قرب منها أكتر وقال بهمس: -عشان بتحبيني. فيروز -ها؟

مين قالك؟ زين -قلبك. فيروز -لا، مستحيل أكون حبك. زين -متأكدة؟ فيروز هزت راسها بلا، وبعدين باي. زين -تمام. قدامك أسبوع واحد وهتيجي تقوليلي إنك بتحبيني. فيروز بعدت عنه وقالت بتحدي: -مستحيل أكون بحبك. زين -أسبوع يا شاطرة وهنشوف. فيروز -تمام. وأه، خد بالك من حبيبتك. زين ضحك عليها وقال: -أسبوع يا رؤيا وهتكوني ليا. في فيلا الدين. عادل -ماما، ماما، إنتي فين؟ سميرة -نعم يا عادل؟ عادل -كنتي فين؟ سميرة

-كنت عند مرات عمك بطمن عليها. عادل -هي عاملة إيه؟ سميرة -زي ماهيا، مش عايزة تتكلم وماسكة صورة عمك بس. عادل -زين مش راضي يرجع الفيلا غير لما يوصل للقاتل. سميرة -الله يكون في عونه على اللي هو فيه. عادل بقلق -ربنا يستر. سميرة -مالك اتغيرت ليه؟ عادل -مفيش. فين سعيد؟ سميرة -راح لبابا المطار. عادل بقلق أكبر -هو بابا جاي النهارده؟ سميرة -سعيد قال إنه نازل عشان يشوف الميراث. عادل -بابا مش ناوي على خير مع زين. سميرة

-عادل يا حبيبي، زين ابن عمك، وده باباك، لازم تحاول تصلح بينهم. عادل -مش عارف يا أمي. تعبت.