رواية حب ملكني الفصل الثالث 3 - بقلم منة

اقلعي، رهف بصدمة. اقلع إيه يا حيوان أنت؟ ولسه هتضربه، أسر مسك إيدها. اقلعي الفستان اللي أنتِ لبساه ده، والحركة دي متتعملش تاني، وصوتك ميعلاش تاني، فاهمة؟ رهف بخوف حاولت تداريه. وسّع كده. دخلت رهف الحمام، خدت دوش، بعدها خرجت واكتشفت إن مفيش هدوم ليها هنا. رهف: أسر، أسر. أسر: نعم. رهف وهي قافلة الباب. ينفع ألبس من عندك لحد ما أجيب لبسي؟ أسر: أفكر. رهف. يا منحرف بشكل. أسر: بتقول حاجة؟ رهف: لا بقول أنا هلبس من عندك.

لبست تيشيرت وبنطلون، وكانوا واسعين وكبار عليها، وخرجت. وكان هو قاعد في الصالة وشافه قاعد يضحك على منظره. رهف: بتضحك على إيه أنت؟ أسر: وسّعي يا بت من هنا، ونزلي صابعك ده. رهف: وإن موسعتش يعني؟ أسر وقرب منها. رهف بدأت تبعد. أسر قام شايلها وحطها اللمة التانية وهي مصدومة وفاتحة بوقها. أسر: اقفلي بوقك الدبان دخل، واسمعي الكلام بعد كده. رهف: ولو مسمعتش يعني؟ أسر ابتسم ابتسامة خفيفة، ولف وشو وطبع بوسة خفيفة على شفايفها.

رهف بصدمة: إيه ده؟ أسر وطبع قبلة كمان على شفايفها. ده عقابك لو مسمعتيش كلامي بعد كده. رهف وشه كله احمر وبدأت تستوعب، وزقته ودخلت أوضته وقفلت الباب. أسر ابتسم ودخل أوضته. عند زاهر. أمنية: أنت شايف إن ده صح يا بابا؟ زاهر: ده الحل الوحيد يا بنتي اللي يخلي العيلة زي زمان، وأنا متأكد إن رهف هي اللي هتصلح علاقة أسر وإبراهيم. في بيت محمد. محمد: البيت بقى هادي ومفيش فيه صوت، بجد وحشتني من دلوقتي.

مرفت: دي سنة الحياة، عقبال فرحك يا شمس. شمس: لا أنا قاعدة على قلبك شوية يا مرفت، ولا أنتِ زهقتي مني؟ مرفت: ده أنتِ بنتي التانية يا نني عيني. محمد بحب. يلا بقى عشان الوقت اتأخر، يلا يا شمس ادخلي نامي. عند مازن. العريس فاتح ليه، الله يخربيتك. أسر: مش جايللي نوم يا عم. مازن: اقفل الله يخربيتك هتفضحنا. أسر: ماشي يا عم. مازن هو كمان قفل ونام وهو بيفكر في المجنونة اللي قابله. في صباح يوم جديد.

أسر: أنتِ متعودة تصحي متأخر كده؟ رهف: لو عندك مانع طلقني. أسر: شكلك عايزة تتعاقبي، وأنا بحب أعاقبك أوي الصراحة. ولسه هيقرب، رهف جريت من قدامه. رهف: على فكرة أنت سافل ومش محترم. ولسه بتكمل مشي، وقعت بسبب إن البنطلون كبير عليها. أسر بضحك. طب قومي ياختي. رهف بدموع: رجلي وجعاني. أسر بجدية. شالها وحطها على الكنبة وحط ليها مرهم. ده كله تحت تركيز رهف في ملامح أسر. أنا وصيت على هدوم ليكي للبيت، وزمانه جاية. ترن ترن.

أهو وصلت. أسر: تمام، شكر. أسر: خدي يا رهف. رهف دخلت تلبس حاجة تانية. رهف بصدمة: إيه ده؟ إيه الهدوم اللي جايبها دي؟ هو مفكر إيه؟ رهف بزعيق: إيه اللي أنت جايبه دي يا أستاذ؟ أسر: جايب إيه؟ لبس. رهف: ده لبس ده؟ أسر: أنا قولت للراجل هات لبس حريمي. رهف بزفير. دخلت رهف ولبست برمودا لحد الركبة وتيشيرت ربع كم، وده كان أكتر حاجة محترمة في الهدوم. وعملت شعره كحة وخرجت. أسر بصدمة: إيه الحلوة دي يابنتي؟ رهف: اتلم ياض أنت.

أسر: اتلم إيه؟ رهف، أنتِ متأكدة إنك دكتورة؟ رهف: شُور. أنا عايزة آكل. إيه البيت اللي مفيهوش أكل ده؟ أسر: مين المفروض يعمل أكل يابت أنتِ، ولا أنتِ مش بتعرفي؟ رهف: أنا مش بعرف، أتفرج على أحسن شيف دلوقتي. ودخلت المطبخ. رهف بتوتر: أنا دبست نفسي ليه؟ ما كنت أقوله مش بعرف، لازم أعمل فيها الشيف حسن. الله يرحم أيامك يا مرفت. طب هعمل إيه أنا دلوقتي؟ أحاول وخلاص. وصوت خبط في المطبخ جامد. أسر: إيه ده؟ أنتِ عملتي إيه؟

رهف: كنت بعمل بيض وكنت هعمل عصير، بس مش عارفة إيه اللي حصل. أسر بابتسامة بسيطة. خلاص خلاص، أنا هساعدك. وبدأ ينضف المطبخ. وبدأ يعمل أكل. رهف: الله، طعم الأكل حلو أوي. أنت اتعلمت إزاي؟ أسر: ما أنا اللي كنت بعمل أكل لنفسي وأنا برا. بس متتعوديش على كده. رهف: ليه بس كده يا عمنا؟ ده أنا لسه بشكر فيك. أسر بضحك على طريقته. أسر: تيجي نبقى صحاب وننسى كل حاجة؟ رهف: موافقة، بس بشرط تعملي أكل كل يوم.

أسر بابتسامة: ماشي يا ستي، مقدور عليها. رهف: بس لازم نفتح قلوبنا لبعض يا أسر، يعني قولي كل حاجة عنك. أسر: عايزة تعرفي إيه؟ رهف: ليه مش بتحب أبوك؟ ليه بتعمله كده؟ وليه سافرت أصلاً؟ أسر اتعصب. رهف، خلي فيه حدود، مش عشان قولتلك صحاب يبقى خلاص. ودخل الأوضة. رهف: أنا عكيت ولا إيه؟ طب وبعدين بقى أعمل إيه؟ هعمل قهوة وأصلحه. أسر: اتفضلي. رهف دخلت ومعاها القهوة. مش بعرف أعمل إلا هي، بس شوية قهوة، إيه مش هتشرب بعدهم؟

أسر ابتسم على طريقتها. رهف، أنا آسف، بس فيه حاجات كتير صعبة تتقال. رهف: ولا يهمك، أنا غلطانة. أسر: والغلطان لازم يتعاقب. ولسه هيبوسها، جرس الباب. مين الرخم ده بس يارب. مراد: افتح يا عريس. أسر: أهلاً. انفصلوا يا جماعة دقيقة واحدة، رهف خليكي جوه. اتفضل يا جدي، اتفضل يا عمي. مراد: وأنا لا يعني؟ أسر: لا إزاي؟ ادخل، ده أنا هوريك. مراد بخبث: إحنا جينا في وقت غلط ولا إيه؟ أسر بغيظ: لا، ابدأ يا حبيبي. فين مازن؟

مراد: هييجي بليل. أسر: ماشي، دقيقة يا جماعة وجاي. ودخل عند رهف. رهف: في إيه؟ قولتلي مخرجش ليه؟ أسر: ليه ناوية تخرجي كده ولا حاجة؟ أنا جبتلك ده، البسيه. أسر خرج. أسر: هو إبراهيم باشا مفكرش يجي يشوف ابنه حتى؟ بتريقة، الله يكون في عونه مشغول. أمنية بتداري الزعل: أنا مش مكفياه ولا إيه؟ أنا وجدك؟ أسر: أنتو دنيا عندي يا حبيبتي. رهف: ماما وحشتيني، وأنت يا بابا. وسلمت على الكل. فين شمس؟ مرفت: شمس هتيجي بليل.

رهف: ماشي يا ماما. وقعدوا يضحكوا شوية. زاهر: طب يلا بينا بقى ولا إيه؟ رهف: ما أنتو قاعدين شوية، لسه بدري. محمد: كده حلو يا حبيبتي. ومشوا. أسر: إيه؟ كنا بنقول إيه بقى؟ رهف: إيه؟ أنا مش فاكرة. أسر: كنا بنقول على العقاب. ولسه الباب بيرن. رهف: وسّع كده. وفتحت الباب. شمس: حبيبتي. وحضنوا بعض ودخلوا وقعدوا مع بعض شوية. أسر: طب أنا هقعد اشتغل شوية في الأوضة وأسيبكم مع بعض. رهف: تمام.

شمس: ها، قوليلي بقى عاملة إيه وبيعاملك إزاي؟ رهف: أسر بيعملني كويس جداً، بس فيه حاجات كتيرة في قلبه مش راضي يحكيهالي. وقعدوا يهزروا مع بعض شوية والباب خبط تاني. أسر خرج: أنا هفتح. مازن: إيه يا عريس؟ هفضل واقف شوية كمان أحسن. أسر: ادخل ياض. مازن: وسّع كده يا عم أنت. ودخل. مازن: استغفر الله العظيم. شمس: أعوذ بالله من الخبث والخبائث. أسر ورهف: في إيه؟ مازن: مفيش حاجة، أنا قولت أجي أسلم، بس همشي على طول.

أسر: إيه يابني متقعد شوية. مازن: لا بقا، أنا همشي. متقلقش، لسه هاجي أزوركم كتير. وضحك. أسر: ماشي يا عم. مازن: يلا مع السلامة، ومتنسيش يا رهف ابقي رشي بيرسول عشان فيه دبان كتير أوي. وبص لشمس. رهف بعدم فهم: حاضر. ينفع توصل شمس معاك؟ هي كانت ماشية. شمس: لا، خلاص أنا همشي لوحدي. أسر: لا يا شمس، الوقت اتأخر، خليه يوصلك أحسن. شمس بيأس: تمام. ومشوا. رهف دخلت أوضته ونامت، وأسر كذلك. مازن: اتفضلي يا سنيوريتا.

شمس بصت بقرف: يارب الصبر من عندك. وفضلوا ساكتين شوية. شمس: شكراً على التوصيلة. مازن: عفواً، بس فين الفلوس؟ شمس: فلوس إيه؟ مازن: أنا مش وصلت يعني؟ المفروض فيه أجرة. شمس: لا ونبي. مازن: طبعاً، بس صعبتي عليا، شكلك مش معاكي فلوس، فا خليها مرة تاني بقى. شمس بصت له بابتسامة: لا، كتر خيرك. وطلعت. في صباح يوم جديد. أمنية: بابا، إيه رأيك نقول لأسر يجي يقعد معانا هنا؟ زاهر: قولتله وقال لا. أمنية: نقوله تاني ونقنعه.

وعند أسر، صحي بدري وخد دوش ولبس. وكان خلاص نازل، شافه خارجة من الأوضة. أسر بابتسامة على شكله: صباح الخير. رهف: صباح النور. أنت رايح فين؟ أسر: رايح الشركة. رهف: طيب. وبيفتح علشان يخرج خلاص. سيربريس. رهف بصدمة من اللي شايفه.