رواية حب من اول رسمة الفصل الأول 1 - بقلم مني احمد

ماما بصي أنا رسمت. أيام روح بتعب. الله جميلة ي روح. روح بصي رسمت بابا معانا بس هو مش موجود. أم روح: هيجي قريب ي روحي. أنا وبابا عايزينك تكوني ناجحة جدا ومبسوطة في حياتك. باك. صحيت روح على صوت زعيق من جدها وهو بيزعق وبيقول: هي نايمة لحد دلوقتي لييييييي. ما هي تربية ست. لو كان في خير في أمها كان هيبقي خير فيها. بس إحنا هنربيها من أول وجديد. روح بحزن وضيق وخوف في نفس الوقت لأنها بتخاف جدا من الصوت العالي. خرجت وهي

في قمة غضبها وهي بتقول: متجيش سيرة أمي على لسانك. أمي ربتني أحسن تربية. عانت وشافت الذل. هي ارتاحت فعلاً لما ماتت. قبل ما تكمل لقت القلم اللي على وشها من قوته. وشها ورم. ماردتش أي رد فعل وبصتله بكره شديد. ودخلت أوضتها فضلت تعيط وهي. هحط إيدها على بوقها مش عايزة حد يسمعها. دخل أخوها الصغير عندها. دا أخوها من أبوها. وكانت هي منهاره. سيف: تستاهلي لأنك مش بتسمعي الكلام. روح بغضب وصراخ: اطلع برا.

مرات أبوها دخلت ومسكتها من شعرها بقوة ولفته حوالين إيدها وهي بتقول: بتزعقي في ابني لي. لو صوتك علي تاني على الواد هقتلك. أمك غارت ريحتنا منها وسابتك إنتي بس. هتروحي فين. روح بتألم: سيب شعري. خرجت مرات أبوها من الأوضة وهي بتقول: قومي عشان تروقي البيت وتطلعي عشان تغسلي الهدوم. روح انهارت لأنها تعبت من العيلة دي. كلهم قساة عليها. وأبوها دايما مسافر بيشتغل.

روح قامت اتوضت وصلت. وكانت بتدعي ربنا إنها تطلع من البيت ده وتطلع من القرية اللي فيها. لأنها تعبت من الناس ومن ذكرياتها السودة اللي فيها. روح: يارب أنا لو قعدت هنا هتدمر. حلمي وحياتي. كفاية إنهم مخلونيش أقدم على كلية وأحقق حلمي. كنت جايبة مجموع يدخلني الكلية اللي بحلم بيها. يارب ساعدني يارب. يارب طلعني منها على خير. قامت روح خلصت شغل البيت. ومنجتش من كلامهم وتعليقاتهم عليها. من حريم أعمامها وعيالهم. ده غير مرات أبوه.

دخلت أوضتها بتعب وشغلت أغنية بتقول: أنتي الأمان. أنتي الحنان. من تحت قدميكي لنا الجنان. عندما تضحكين تضحك الحياة. دموعها نزلت على الاسكتش وهي بترسم صورة لأمها. ابن عمها ب مقاطعة: انتي يابت قومي اعمليلي كوباية شاي بدال اللعب ده. قومي اعملي لك حاجة. روح: والله أنا مش شغالة عندك. خلي أي حد غيري يعمل لك. ابن عمها: بقي كدا ي حلوة. طب اهو. ومسك الاسكتش وقطع الصورة اللي بترسمها. روح ب انهيار وغضب: اطلع برا ي حيوان.

ابن عمها: مين اللي حيوان ي بنت. والله ل أوريكي. مسيرك تقعي في إيديا ومش هرحمك ي روح. فضلت روح تعيط على الرسمة اللي كانت بترسمها لأمها. مسكت تليفونها والدموع مالية عينيها. وبتقلب في الفيس. لقت بوست عبارة عن مسابقة رسم عاملها فنان كبير جدا ومشهور. وليه معارض في كافة أنحاء العالم. ده غير لوحاته العالمية.

شروط المسابقة إنها هتكون من وحي الخيال. وأقوى رسمة فيهم من ناحية الإحساس والدقة هو اللي هيفوز بالجائزة. واللي عبارة عن شهادة تقدير وعرض اللوحة في معرض الفنان ده. زائد علبة ألوان من ماركة عالمية. روح فضلت تقلب في بيدج الشخص المشهور ده. وهي منبهرة بإبداعه وقوة عمله ومعارضه المشهورة. وصوره في أنحاء البلاد مع ناس مشهورة. وسرحت بخيالها. إنها في يوم من الأيام تكون محترفة زيه كدا. وليها مكان في المجال.

روح بتنهيدة: خزلتك ي أمي. دمروني وحرموني من حاجات كتير. ومش عارفة أعمل إيه. حتى عشان أدخل المسابقة دي عايزة أدوات. وأنا مش معايا حتى فلوس. مش معايا. وهدومي دابت. هنجح إزاي بس.