رواية حب من اول رسمة الفصل الخامس والثلاثون 35 - بقلم مني احمد

روح أنا سيباك وداخله أذاكر. صقر: لا خليكي جنبي. روح: لا مش أنا نكد. صقر: آه وهتقعدي جنبي برضه. روح: والامتياز؟ صقر: أنا واثق فيكي. تعالي بس في حضني هديكي شوية حنان. تعالي تعالي. روح: تعرف لما بحضنك بحس بإيه؟ بحس بحنان الأب اللي عمري ما شفته في حياتي، بحس إني في أمان ومحدش يقدر يأذيني. بحبك أوي يا صقر.

صقر: وأنتي روحي يا روح. ربنا يديني فوق عمري عمرين وأحققلك كل اللي بتتمنيه. لو بتعرفي أنا مخططلك مستقبلك إزاي مش هتزعلي ثانية. أنتي بنتي قبل ما تكوني مراتي وحبيبتي يا روح. لو أقدر أجيبلك القمر هجبهولك لحد عندك. روح حضنته زيادة وعيونها دمعت، وجيهت تقوم وبتقول: الرز بلبن. صقر شدها لحضنه: خليكي في حضني متقوميش، اشبعي حنان. روح ابتسمت بخجل.

تاني يوم، راحت روح الكلية وقابلت بسمة هناك. وبعد ما خلصت، خالد كان مستنينا برا الجامعة. وفتحت شباك العربية وهو بيشاورلها إنها تركب. خالد: أي اللي لبساه ده؟ بسمة: ماله؟ خالد: ضيق. بسمة: والله أنا مش شيفاه ضيق. خالد بعصبية مسك أيدها وهو بيقول: وأنا شايف إنه ضيق وميتخرجش بيه. بسمة بوجع: آآآه سبني. خالد: بسمة اتعدلي معايا، أنا جوزك دلوقتي. بسمة فجأة فضلت تعيط. وهو من جواه بيقول: كدا هتخليها تكرهك. خالد

وقف العربية وهو بيقول: انزلي. نزلت بسمة ومسكها خالد من أيدها وهو بيقول: نتمشى شوية ع الكورنيش. بسمة: أنا عايزة أمشي. خالد: وأنا بقولك هنتمشى، وبلاش عند.

خالد وهما ماشيين: تعرفي يا بسمة صدقيني أنا مش بعمل كدا عشان مثلا بمشي كلامي عليكي زي ما انتي فاكرة. أنا كل ما في الأمر إني راجل عندي نخوة وشرف وشايف الشباب بيبص للبنت إزاي. وبعدين خايف عليكي من جهنم. مفيش أجمل من اللبس الواسع الفضفاض. ولما تتجوزي أو حتى في بيتكم البسي اللي انتي عايزاه، حطي في وشك اللي عايزاه برضه محدش هيكره كدا. أما تيجي تخرجي وانتي راشة برفان ولبسك مجسم، عايزاني أطبّط عليكي؟

بسمة أنا بفهمك دلوقتي. أما لو اتكررت تاني مش هتلومي إلا حالك. بسمة: خلصت كلامك؟ يلا عايز أروح. خالد: استني. كان في طفل بيبيع غزل بنات. فخالد راح لعنده وجاب منه اتنين. خالد: خد دي. بسمة ابتسمت لأنها بتحب الحاجات دي جداً. بسمة: شكراً. خالد: أنتي بتحفظي قرآن ولا إيه؟ بسمة بإحراج: لا، وأنا صغيرة حفظت جزء وبعدين وقفت.

خالد: القرآن هو اللي هيشفعلك يوم القيامة. لازم تبدئي حفظ قرآن من بكرة وأنا هجيلك كل اتنين وخميس أسمع عليكي. بسمة: تفتكري هقدر أحفظ؟ خالد: أكيد، بس أهم حاجة تكوني مستعدة من جواكي ومتقبلة. عايز أتوزجك في الجنة. بسمة بضحك: بعد ما تعيش معايا هتغير رأيك. خالد بابتسامة: لا لا، أنا إحساسي ميخيبش. قد إيه أنتي طيبة جداً لدرجة الهبل كمان، بس واضح كدا إن حد خزلك فمش قادرة تبقي بسمة الأولانية. بسمة استغربت واتنهدت بحزن.

خالد: صدقيني هعوضك عن كل الأيام اللي مريتي بيها. أي كان أي، أنا مليش دعوة بالماضي بتاعك، أنا ليا الحاضر والظاهر منك. بسمة بابتسامة واتنهدت براحة. وهما ماشيين، خالد شاف بائعة مناديل والدموع مالية عينيها. خالد لبسمة: خليكي هنا وأنا جاي. وصل خالد عند الست دي، وكان جنبها ابنها. وهي بتقوله: حقك عليا يا ابني، أعمل إيه طيب؟ استحمل الجوع شوية. خالد: السلام عليكم يا أمي. الست: وعليكم السلام. خالد: بتبيعي إيه؟

الست: مناديل وشوية حاجات أسترزق منهم. خالد: وعلي كده بتكسبي ومكفية احتياجاتك؟ الست: آه الحمد لله بناكل ونشرب، مستورة أحسن من غيرنا. خالد الدموع اتراكمت في عينيه وافتكر الآية الكريمة: "ويحسبهم الجاهل أغنياء من التعفف تعرفهم بسيماهم لا يسألون الناس إلحافا". صدق الله العظيم. خالد: أنا عايز كل ده يا أمي، بكام؟ الست: خلي يبني عنك خالص. خالد بابتسامة وهو بيداعب ابنها: اسمك إيه؟ الولد: محمد. خالد: عاشت الأسماء. في سنة كام؟

الولد: مدخلتش مدارس. الست: اتفضل يبني. طلع خالد الفلوس واداها. الست: بس كدا كتير. خالد بمقاطعة: أنا كنت محتاج الحاجات دي جداً وربنا بعتك ليا. الست ودموعها اتراكمت في عينيها: ربنا يبارك فيك يبني، و يبعد عنك كل ظالم مؤذي ويهديك لما يرضيك ولا يشمت حد فيك. خالد: اللهم آمين، الدعوتين دول بالدنيا كلها. ممكن آخد رقمك يا أمي؟ الست: لي؟ خالد: عشان لما أحتاج حاجة أكلمك.

طلعت الست لونها الزراير وادته الفون. سجل الرقم خالد واستأذن ومشي. الست لابنها: يلا يا ماما نروح. هعملك اللي نفسك فيه. قوم يا ضنايا. محمد: نفسي آكل لحمة، بقالنا زمان مأكلناش فراخ. الست: هناكل كل اللي عايزة. بسمة كانت مراقبة كل حاجة ودموعها نزلت. ولما خالد قرب عليها، مسحت دموعها. خالد: يلا بينا. حط الشنط في العربية ووصلها البيت. خالد: هدخل معاكي عشان أقولهم وأعمليلي شاي. دخل خالد مع بسمة ورحبوا بيه.

خالد: معلش لو بتأخر، أنا أخدتها من الجامعة وكنت محتاج تساعدني في حاجة. أبو بسمة: أنا واثق فيك يا ابني، بس مينفعش هي تتأخر كل يوم كدا عشان الناس. خالد: فاهمك يا عمي. أبو بسمة: اتفضل يا ابني اشرب حاجة. عملت بسمة الشاي. خالد: أنا هاجي أحفظ بسمة قرآن اتنين وخميس. أبو بسمة بفرح: ربنا يبارك فيك يا ابني. خالد: أستأذن أنا بقي عشان الوقت.

خرج خالد. وبسمة كانت مبسوطة جداً. دخلت وهي مستعدة إنها تبدأ من جديد، وقد إيه إن ربنا رزقها بالشخص الصح، الإنسان الحنين اللي بيحس بغيره. ونامت وهي حاسة برضا وارتياح وإنها هتبدأ من جديد برغبة منها.

عدى أربع سنين. وروح مستمرة في الذهاب للكلية والامتحانات قربت. ووسام وندا اتجوزوا وعلاقتهم قوية جداً. وبسمة وخالد علاقتهم بقت أقوى وحفظت القرآن الكريم. واتغيرت للأحسن، بقت تلبس واسع وتغطي شعرها ومبتحطش ميكب. واتجوزت خالد وابنهم حضر حفلة التخرج.

بدأت الامتحانات. وروح كانت خلال السنين اللي فاتت بتطلع الأولى على الجامعة. وصقر كان مشغول في شغله وفتح شركة تانية وكبرها. وفي نفس الوقت مهتم بيها وبيحضر الأكل ليها وبيوديها ويجيبها. آخر امتحان وروح كانت مطبقة كل الليل وصقر قاعد جنبها كل شوية يعملها قهوة وبيساعدها. والصبح روح نامت وهي بتذاكر. صقر بقبلة رقيقة: حبيبي اصحي يبابا الامتحان. روح بتعب: قايمة قايمة. صقر: آخر امتحان النهاردة وخلاص.

راحت الامتحان وصقر مراحش الشغل. صقر في الفون: تمام، أنا كمان شوية هجيب كل حاجة تتبروز. وبالنسبة للمكان تاني، تمام. قفل صقر وهو في قمة سعادته. وخرج اشتري فستان غالي جداً مفيش منه غير نسخة واحدة ومعمول مخصوص لروح، أبيض وواسع وكلّه ألماس، وكعب زي كعب سندريلا. جابهم البيت وكان قاعد بيتفرج عليهم. عند بسمة وخالد. بسمة: خالد في مفاجأة. خالد بابتسامة حب: إيه هي؟ بسمة: أنا هتنقّب. خالد بفرح: بجددد؟

أجمل خبر سمعته في حياتي. ربنا يثبتك ديما. أنا كمان عندي مفاجأة، قدمت على الحج وهنروح كلنا. بسمة بدموع: بجد يا خالد؟ خالد: مش وعدتك؟ فاكرة من كام سنة إنك لو ختمتي القرآن في مفاجأة كبيرة. حضنته بسمة بحب وهي بتقول: ربنا يخليكم ليا يا حبيبي، وميحرمنيش منكم. عند وسام وندا. وسام: انتي بقيتي برطة طول الوقت بتاكلي وقاعدة. ندا: أنت اللي رفضت إني أشتغل. وسام: طبعاً مفيش شغل، عايز وقتك كله ليا أنا وبس. ندا: أناني.

وسام بضحك: قلبي. تعرف لما أقابل أمي هشكرها لأني عرفت أجمل حد في الدنيا. صقر بيتصل. وسام: الو. صقر: أخبارك إيه يا صاحبي؟ وسام: أخبارك إيه؟ صقر: اممم، حاضر، مش هتأخر. حاضر، أنا وندا تمام. بص صقر في الساعة وقال: يدوب أجهز. خرج بدلته السودا وبرفانه الفرنسي. روح خرجت وهي بتصرخ مع صحابها إنها خلاص خلصت. وبعدين بصت بحزن إنه صقر مجاش خدها. روح: أروح أنا يمكن تعبان ونايم. أنا تعبت أعصابه الأيام اللي فاتت.

وصلت روح البيت ودخلت. وسرحت في جمال صقر وشياكته. روح: احممم، على فين؟ صقر بضحك: هتجوز عليكي. روح: نعم نعم. صقر وهو بيضحك: تعالي عايزك تروحي معايا فرح واحد صاحبي وناس مهمة. جبتلك اللبس، ادخلي شوفي. دخلت روح بفضول وشهقت وبتقول: إيه ده؟ صقر: عجبك؟ روح: أكيد غالي جداً، بتهزر. صقر: مفيش حاجة تغلى عليكي، لو عايزة القمر أجبهولك. روح بابتسامة: صقر، هتبصيلي كده كتير؟ أجهزي.

لبسوا. ولبست روح طرحة أبيض كانها ملاك نازل على الأرض. شافها صقر سرح في جمالها. بص في الساعة والفون رن. وسام: أنت فين؟ صقر: جاين دلوقتي. خرج صقر وروح من البيت ووصلوا المكان. صقر وهو في العربية: غمّي عينين روح. روح بضحك: هوقع. صقر: متخافيش. صقر: افتحي. فتحت روح عينيها. روح بصت لصقر ومبرقة: مش مصدقة عينيها. صقر: شوفتي إنك كنتي ظلماني؟ ده المعرض بتاعك يا ستي، وعالبحر كمان.

دخلت روح وفجأة كل الفنانين المشاهير بدأوا يسقفوا. وكلوا كان منبهر من المعرض اللي كان عبارة عن لوحات. روح بدموع بصت لصقر. والكل بدأ بهدوء يخرج. صقر حضنها وهو بيقول: معرض روح، أول معرض ليكي ومش آخر واحد. أنا واثق فيكي وواثق إنك هتعديني كمان. ودموعك دي مشوفهاش تاني. روح: بحبك يا صقر، بحبك أوي. صقر: بلاش دموع بقي. فجأة روح انتبهت: الناس راحت فين؟ صقر بضحك: مش مهم. غمضي عينك دلوقتي.

فتح صقر المكتبة اللي في المعرض وكان بيطل ع الشط على طول. ومسك إيديها وكان في مكتبة كبيرة في ركن في المعرض فتحها وكان الشط على طول قدامهم. شالها صقر مرة واحدة وبدأ يجري. روح: أنت واخدني فين؟ نزلها صقر: افتحي عينك. وكانت باخرة كبيرة كلها أنوار وأغاني حليم. والمعازيم كلهم، ووسام وندا، وبسمة وخالد، وكل الحبايب. صقر: النهاردة اليوم المناسب لفرحنا اللي حرمتك منه.

ونزل على ركبته وفتح علبة شيك جداً وكان فيها خاتم. كلّه ألماس. وبيقول بضحك: تتجوزيني يا روح؟ روح بدموع وضحك بتهز رأسها بالموافقة. لبسها الخاتم وقبّلها على جبينها قبلة رقيقة وهو بيقول: ذكرى عمرك ما هتنسيها. وكان بيغني وهو ماسك إيديها وبيغني بيحب بيقول: "خليك فاكرني يا اللي بجمالك وبعيونك دول أسرني خليك فاكرني وإن حس قلبك يوم بقلبي ابقى زورني دا إنت في عينيا، كل اللي ليا فرحة شبابي، والدنيا ديا

أول ما شفتك لمست قلبي بنظرة واحدة نسيت جراحه لقيتك إنت أجمل حكاية حب نسيت اللي راحه ما تغيبش عني وخلي قلبك لو ناديتك يجيني ثانية دا إحنا اللي بينا الحب كله عمر مر معاك ثواني دا إنت في عينيا، كل اللي ليا فرحة شبابي، والدنيا ديا خليك فاكرني" بدأ الكل يسقف. ندا لوسام: حلوين أوي. وسام: جداً، ربنا يسعدهم.

كل المعازيم كانوا بيتكلموا عن فخامة الفرح وكل حاجة. وروح عيونها دمعت. وبدأ الكل يرقص. أسلو. وروح كانت طايرة من السعادة. رجعت الباخرة والناس كلها مشيت. ونزلوا روح وصقر على الشط وهما ماسكين إيد بعض. روح: تعرف نفسي في إيه؟ صقر: إيه؟ روح: أقلع الكعب ونجري. بدأت روح تقلع الكعب ومسكتوه في الإيد التانية وجروا على الشط. وقفت روح وهي بتضحك وبتنهج. رجعوا البيت وروح في قمة السعادة. وفجأة بدون مقدمات حضنت صقر

وباسته في خده وهي بتقول: ربنا يخليك ليا يا أجمل عوض، بحبك. قاطعها صقر بقبلة طويلة. وكانت أجمل ليلة في حياة روح كلها. تاني يوم صحيت روح وبصت جنبها ملقتش صقر. قامت أخدت دوش وخرجت لقت الفطار جاهز. روح بابتسامة: أنت مش رايح الشغل؟ صقر: تؤ تؤ، لأن النهاردة الجمعة. روح: آآه صح نسيت. صقر بضحك: امبارح نساكي ولا إيه؟ روح: نننننني. عدى الأيام واتخرجت روح وصقر كان معاها وحضر معاها حفلة التخرج. وكان تاني أجمل يوم. روح وهي مبسوطة

وماسكة الشهادة وبتقول: ياااه عدى كل السنين دي، اتجوزت اللي حبيته، اتعلمت واتفوقت، وفي إيدي الشهادة دلوقتي وأنا معايا أكتر شخص بحبه. صقر: سرحانة في إيه؟ يلا سيلفي التخرج. وفي اليوم ده كان صقر مدعو للحفل بعيد عن روح. وكان شخصية رئيسية في الحفلة. عند ندا ووسام. وسام: بقالك يومين مش بتاكلي. حكايتك إيه؟ ندا: معرفش، مش طايقة ريحة الأكل. وسام: يلا نكشف نطمن. ندا: لا، أنا هبقى كويسة. وسام: بطلي جدال ويلا. راحوا.

الدكتورة: مبروك، المدام حامل. وسام بفرح: ألف مبروك. وحضنها. بس ندا كان اتكب عليها جردل ميه ساقعة. مشوا البيت. وسام: مالك في إيه؟ ندا: متفاجئة. وسام: مش عايزك تتحركي، تعملي حاجة. هنسمي إيه لو جالنا سواء بنت ولا ولد؟ ندا: لو ولد نسميه محمد على اسم والدي الله يرحمه. لو بنت رحيل. وسام: رحيل؟ ندا: آه، وحش؟ وسام: إيه رأيك في جويرية؟ ندا: جميل برضه.

عدت الأيام ونتيجة روح ظهرت. وطلعت الأول ع الدفعة كالعادة. وكان صقر مبسوط بيها جداً. وبدأ تشتغل على نفسها. عدى تمن شهور. روح جالها التعيين معيدة في كلية فنون. وكانت مبسوطة جداً وبدأت تحضر في الماجستير والدكتوراه. وسام كان عند أهله بعد ما اتصافوا. وندا كان باين عليها التعب. وفجأة بدأت تتوجع. ندا: الحقنيييي. قام وسام بخوف. شالها وركبها بالعربية وعلى أقرب مستشفى. وكان واقف قلقان وبيروح ويرجع في الطرقة.

الممرضة: دكتورة، ضربات قلبها مش منتظمة. خرجت الممرضة وهي سائلة الطفل وعيونها مليانة دموع. وسام أول ما شافها ومعاها البيبي، ماسألش غير على ندا. وسام: طمنيني، أخبار ندا عاملة إيه؟ الممرضة: ربنا رزقك ببنوته قمر. وادتهاله بين إيديه. وسام: بقول ندا كويسة يعني؟ الممرضة: البقاء لله. وسام بجنون: يعني إيه مشيت. الممرضة: ...

وسام بدأ يعيط زي الطفل اللي فقد أمه، وهو حاضن بنته. وكانت بتعيط ومش عايزة تسكت. وسام طلع تليفونه ورن ع صقر وهو منهار. وسام: تعالي بسرعة يا صقر. ندا ماتت. صقر: أنت بتقول إيه؟ قام صقر: روح في إيه؟ صقر: يلا معايا بسرعة. خرجوا من البيت وخلال دقائق كانوا في المستشفى. ووسام قاعد وحاطط إيديه على دماغه والبنت بتعيط. أخدت روح من البنت وبتحاول تسكت فيها. ووسام كان منهار.

صقر حضنه وبدأ يهدي فيه. ودخل لمدير المستشفى واتخانق معاه وإنه هيعمل محضر للدكتورة. الدكتورة دخلت وهي بتقول: المريضة كان عندها مضاعفات وارتفاع في ضغط. خرج صقر وبدأ يجهز في الإجراءات. وروح كانت بتعيط وماسكة الطفلة وبتمشي بيها في الطرقة. ووسام كان قاعد وحاطط إيده على دماغه. خرج صقر لوسام وقعد جنبه وبدأ يهدي فيه. صقر: لازم تكون قوي عشان البيبي. وإحنا جنبك. وسام والدموع

متجمعة في عيونه وبيقول: سابتني أنا وهي. مليش غيرها في الدنيا. صقر: متقولش كده، ربنا موجود وكبير. وسام: أنا عايز أشوفها. صقر: مش هينفع. وسام بزعيق: يعني إيه مش هينفع؟ مراتي وعايز أشوفها. وبعد محاولات منه دخل شافها. وأول ما شافها قعد ع الكرسي وبدأ يعيط وهو ماسك إيديها وبيبوكي: سبتيني لي؟ مين اللي وعدني إن هنفضل مع بعض طول العمر؟ هعيش إزاي من بعدك؟ سبتيلي حتة منك وروحتي. فضل جنبها كتير وبعدين خرج وعيونه زي كاسات الدم.

روح وعيونها مليانة دموع: صقر، متعيطيش عشان وسام. عايزين نقويه. روح: يلا نروح نجبلها الحاجة، الجو ساقعة مش هتستحمل، وجعانة. خرجت روح وصقر. وبعد دقائق كانوا في المستشفى. وسام كان قاعد لحد الصبح. تدفنت ندا وخلص العزاء. صقر: تعال اقعد معايا يومين، متقعدش لوحدك. وبعد إصرار من صقر أخده معاه. وسام: البنت هتسميها إيه عشان أثبتها. وسام افتكر أول ما عرف إنها حامل وندا قالتله رحيل. وسام وهو بيحاول يخفي دموعه: رحيل. صقر: رحيل؟

وسام: أيوه. وحش؟ صقر: إيه رأيك في جويرية؟ وسام: جميل برضه. عدت أيام وروح كانت مهتمة بالبنت. وسام لصقر: أنا همشي. وخلي معاكي رحيل. مش هوثق في حد غيرك وهبقى أجي أشوفها. ودعهم صقر. وأول ما دخل البيت متعود ينادي عليها. بس دموعه سبقته. شايف صورتها في كل مكان، ريحتها، ضحكتها، كل حاجة. قرر وسام يسافر شهرين ويجرب. والفترة دي روح كانت بتهتم برحيل. وأخدت إجازة من شغلها. رجع وسام. وكانت رحيل اتشدت شوية.

عدى شافها وقرر ياخدها معاه. روح بدموع لأنها اتعودت عليها وحبتها: وسام، لازم آخدها عشان تتعود عليا. بعد كده مش هقدر تاخدها وهتحسي إنها راجل غريب. جهزت روح كل حاجتها وهي زعلانة. وقالت له يتعامل معاها إزاي وكل حاجة. وأخد حاجتها ومشيت. وجبلها دادة تهتم بيها وتكون جنبه. بعد خمس سنين. روح بقت من أشهر الفنانين. وبقت دكتورة في كلية فنون. وفاتحة ورشة. وربنا رزقها بنوح. صقر: تعال هنا يا ابن اللذينة، هات الفرش، بوظتلي اللوحة.

روح بضحك: وأبوك وأمك مين؟ مش فنانين؟ الواد هيبقي لمين يعني؟ صقر: يقوم يبوظلي اللوحة بعد ما خلصتها ورسمت إحنا التلاتة. روح: مش كبيرة، بصمته هعلقها في المرسم هنا. صقر ضحك: بصي مستخبي فين، تعال. نوح ببراءة: رحيل هييجوا النهارده؟ صقر: آه، النهاردة الجمعة هييجوا. روح: أه، الولد طالع لأبوه. صقر بضحك: بيضمن مستقبلها. خدت روح اللوحة وبدأت تعلق. صقر: استني هساعدك. وبفمه: إيه الحلاوة دي؟ روح: همم، اتلم. صقر بضحك: ماااااشي.

روح: نهااار أبيض. صقر بضحك: بقيت شبه الكلب المنقط، ههههه. روح شالته تغسل إيديه ووشه من الألوان. وبدأ يغني صقر لحليم وبيقول: وبرغم الريح وبرغم الجو الماطر والأعصار الحب سيبقى يا ولدي أحلى الأقدار. ووصل وسام ورحيل. نوح جرى على رحيل وحضنها. وسام: ولا لأ، ابعد بعيد عن البنت، هقتلك. روح بضحك: اتفضل، الأكل جاهز على السفرة. قعدوا كلهم. ونوح بيشيل من الأكل وبياكل رحيل في بوقها. صقر بص لروح ولكزها.

وسام: أنا هقتلك ابنك النهارده، الواد بجح زي أبوه، بيبوسها قدامي. صقر: م بلاش نتكلم بقي، ها. وبدأوا كلهم يضحكوا. النهاية.