رواية حب نص امريكي ونص مصري — الفصل 5 — بقلم دنيا احمد
مسلم بغضب: وأنا مش موافق!
الجد: الكل يطلع بره، أنا عايز أقعد أنا ومسلم لوحدينا.
هنا: جدو، أنا مش موافقة!
الجد: بعد ما أخلص مع مسلم عايزك أنتِ كمان، ويلا الكل يطلع بره.
والكل طبعًا طلع بره المكتب.
الجد: قبل ما تقول أي حاجة عايز أقولك إن أنا خايف على هنا، لإن آخر فترة بقى لينا أعداء كتير جدًا.
مسلم بيحاول يتمالك أعصابه: بس أنت عارف إني بحب واحدة تانية، وإشمعنى اخترتني أنا؟ ما هو عندك زياد وشهاب وأيان.
الجد بغموض: أولًا شهاب مينفعش، وأنت أظن عارف ليه، وأيان خاطب بنت عمها، وزياد ده تافه وأنت عارف و...
مسلم بمقاطعة: وطبعًا مفيش غيرك أنت اللي هتخلي بالك منها صح يا جدي؟ مش ده اللي عاوز تقوله؟
الجد: أنا عايز أفهم حاجة، أنت معترض ليه؟ دي خطوبة بس عشان تخلي بالك من هنا، ولما مرحلة الخطر نخلص منها هنفسخ الخطوبة.
مسلم: أتصدق سهلة فعلًا يا جدي، ده مش كلام يدخل الدماغ، وتاني حاجة أنت ممكن تمشي مع هنا بودي جارد عادي جدًا.
الجد: ده على أساس مستنيك تقولي؟ على طول بتهرب منهم، أومال أنا خليتكم تتخطبوا ليه؟ عشان حضرتك تبقى متحكم فيها على أساس خطيبها.
مسلم: تمام يا جدي، أنا موافق بس الخطوبة هتبقى بالظبط شهرين وهنفسخها قبل ما أسافر أمريكا تاني، وأنت اللي هتفهمهم وجهة النظر من الخطوبة دي.
الجد: ماشي، بس دلوقتي هنا مش هتعرف حاجة عن الاتفاق ده، عشان زي ما أنت عارف هنا عنيدة وهتعاند معاك، وخلي بالك بقى هنا مش سهلة خالص.
مسلم بثقة وتحدي: تمام، بس أقولك مش على مسلم، وأنا أصعب منها بكتير.
الجد بفرحة وجمود في نفس الوقت: ماشي، وياريت تنقل حاجاتك هنا عشان تعرف تراقبها كويس، والخطوبة الأسبوع الجاي، وعايزك تحضر الحاجات بكل حب قدام الكل عشان هقول إنك بتحبها، ولما رفضت كنت عايز تعملها مفاجأة لما هنا تخلص الكلية.
مسلم: كمان لا بلاش بحبها دي، وغير كده فيراس وفارس عارفين إني بحب واحدة تانية ومش هيخيل عليهم الحوار ده.
الجد: اسمع الكلام وأنا هتصرف.
مسلم: تمام يا جدي، أنا ماشي وبكره هجيب حاجاتي وآجي.
الجد: ماشي، وأنا هجيبلك معلومات هنا كلها هتكون عندك بكره الصبح.
مسلم بثقة: مش لازم، أنا هعرف أوصلها على طريقتي.
ومشى.
الجد بابتسامة: ماشي يا حفيد البنداري.
مسلم طلع وهنا والكل دخل.
فارس: ممكن أفهم في إيه يا جدي، وإيه اللي بيحصل ده؟
الجد: زي ما قولت هنا ومسلم خطوبتهم الأسبوع الجاي.
هنا: يا جدي، وأنا مش موافقة، وأظن إنك عارف إن أنا رافضة الجواز أصلًا، ومسلم قال إنه مش موافق كمان، يبقى الموضوع ينتهي.
الجد: مين قالك إن مسلم مش موافق؟
هنا بغضب ورفع حاجب: هو مش لسه قايل إنه مش موافق؟
الجد: أيوه قال لإن كان عايز يعرف أنتِ بتحبيه ولا لأ، وبعدين تتجوزوا بعد ما تخلصي كلية.
هنا بفرحة وحاولت تدريها: بس هو زعلان لما مشي و و...
الجد: ولا كلمة زيادة، وإحنا عاملين فترة خطوبة، وحضرتك بقى شوفوا بعض فيها واتعرفوا، لو مستريحتوش افسخوها، ومتهيألي أنا مفيش كلام تاني في الموضوع ده.
هنا: بس أنا مش عاوزة!
الجد: بنت اسمعي الكلام، وزي ما قولت الكلام يتسمع مش عايز دلع، أنا لحد دلوقتي متهيود معاكي، ويلا على أوضتك، وبكره الناس هتجيلك عشان تجهزي للخطوبة.
هنا بخبث: ماشي.
وراحت طالعة أوضتها.
فارس بيبص لجده: طبعًا أنا مدخلش دماغي الكلام ده.
الجد: أيوه حقك معايا بقى زي شغل الظباط بتاعك ده.
فيراس: فارس عنده حق يا جدي، لإن إحنا عارفين إن مسلم بيحب ميلا، يبقى إزاي بيحب هنا وفجأة كده؟
الجد: تمام، عشان تستريحوا الخطوبة دي مؤقتًا.
فارس: بمعنى؟
الجد: بمعنى إن الخطوبة دي لمدة معينة وننهيها، لإن حضراتكم مش عارفين إيه اللي حصل في الشغل ومين المنافسين ومش عارفين إيه اللي بيحصل في الكلية، ماتقولهم يا شهاب.
شهاب: رحيم الدمنهوري مش سايب هنا في حالها، وأختكم ما شاء الله بتهرب من البودي جارد، وجدك شايف أنسب حل إن هنا تتخطب لمسلم، لإن هنا بتحبه من وهي طفلة وهتسمع كلامه.
فارس بغضب: هي الحكاية كده؟ متهيألي إن أنا أقدر أحمي أختي كويس.
الجد: وفين وقتك وأنت ساعات بتروح مهمة مش عارفين هترجع منها إمتى؟ وفيراس نفس النظام على طول في الشغل أو مع خطيبته، فين وقتكم يا فارس؟
فارس فكر فيها لإن فعلًا بيختفي فترة لو عنده مهمة.
الجد: ماتفكرش كتير يا فارس، أنت عارف أنا بحبكم قد إيه وخصوصًا هنا، مش هديها لحد إلا وأنا عارف إن الشخص ده هيحطها جوه عنيه، ومسلم أنتم عارفينه صاحبكم قبل ما يكون ابن خالتكم.
فيراس وفارس: ماشي يا جدي اللي تشوفه، بس لو أختي مستريحتش أنا اللي هقف لمسلم.
الجد: والله يا ابني أنا اللي خايف على مسلم من هنا.
الكل قعد يضحك: معاك حق والله ههههههههههه.
ونقفل اليوم على كده.
تاني يوم
هنا صحيت من النوم قامت تاخد شاور ولبست تيشرت أبيض وبنطلون زيتي وكوتشي أبيض وسايبة شعرها وحطت تنت خفيف وكانت قمر أوي ونزلت تتسحب زي العادة.
وراحت تفتح الباب.
وهوبا راحت لبست في شخص.
هنا: آه مش تحاسب يا بني آدم أنت!
الشخص: على فين العزم إن شاء الله؟ 😏
هنا: 😳 يا نهار أسود!
مسلم: نعم شوفتي عفريت؟ رايحة فين؟
هنا: كده تخضني كده يعني؟ 😁 هكون رايحة فين؟ رايحة الكلية طبعًا.
مسلم: تمام يلا أوصلك.
هنا: نعم! وأنت توصلني ليه؟ حد قالك عليا نوغة صغنن عايزة حد يوصلها؟
مسلم ببرود: متهيألي إنك خطيبتي، واعملي حسابك أنا اللي هوصلك وأنا اللي هجيبك بعد كده، ومفيش طول لا لما أعرف، مفهوم؟
هنا بتحدي: لا إحنا لسه ما اتخطبناش، ومش معنى إننا هنتخطب تبقى تتحكم فيا تمام، وروح العب بعيد يا شاطر.
وسابته مشيت.
مسلم بغضب: بقى كده؟ طيب والله لأوريكي يا هنا.
وراح ماشي وراها بعربيته.
في عربية مسلم.
مسلم بيكلم حد في الفون: عايزك تنزل صورة ليا أنا وهنا وتكتب عليها...
يا ترى مسلم ناوي يعمل إيه في هنا؟
وتوقعاتكم أنتم بقى.