رواية حب طفولني الفصل الرابع 4 - بقلم شهد علي

بدون وعي أنا بحبك ضمها قوي وضحك. فاقت لنفسها وزقته وقالت: كنت فين؟ قرب منها: بجد بتحبيني؟ أخيرا يا جهاد. حاولت تتهرب منه وقالت: كنت فين؟ وبعدين أنت اسمك إيه؟ شدها ليه: بحبك يا جهاد. كانت مبرقة وقلبها بيدق بسرعة. بعد عنها وطلع علبة حمرا من جيبه ونزل على ركبته. أنا يوسف يا جهاد. يوسف اللي عمره ما نسي إنه يتجوزك. ابتسامتها راحت وافتكرت. جهاد: متسافرش يا يوسف. أنا بحبك. إحنا كنا مع بعض من وإحنا صغيرين. بصلها:

وأنا بحبك يا جهاد. بس أنا لازم أشوف مستقبلي. لازم أسافر يا جهاد. افهمي بقى. جهاد: لو مشيت يا يوسف، انسى إنك كنت تعرف واحدة اسمها جهاد. يوسف: لا يا جهاد. متقوليش كده. جهاد: اختار يا يوسف. فضل ساكت. جهاد: تمام يا يوسف. أنا فهمت. عن إذنك. وسابته ومشيت. جهاد بدموع: يوسف. قام وقف وقرب منها. رجعت لورا. جهاد: إياك تقرب. جاي بعد إيه؟ يوسف: واللهي لسه بحبك يا جهاد. صدقيني. دموعها نزلت: سبتني ليه؟ يوسف: واللهي بحبك. آسف.

اترمت في حضنه وبقت تعيط وهو كان حاضنها ورافعها عن الأرض. يوسف: قلبي محبش غيرك. ولا هيحب غيرك. أنتِ. جهاد: لسه بتحبني زي زمان؟ نزلها على الأرض: تحبي نجرب؟ باستغراب: نجرب إيه؟ وقف قدامها: زي زمان. افتكرت لما كان بيشيلها على ضهره. جهاد: عيب. وبعدين إحنا كبرنا. لفلها: شكلك حابة أعمل حاجة متتعملش. بتوتر: هتعمل إيه؟ شالها وقرب من البحر. جهاد: إياك يا يوسف. الجو برد. بليز. يوسف: بشرط. جهاد: أنجز. يوسف: تتجوزيني. بتق*ل: لا.

يوسف: مش بعرض عليكي. أنا بقولك نتجوز. وإلا هر*ميكي. ولسه هيبعدها عنه. مسكت في رقبته. جهاد: خلاص. هتجوزك. من كتر فرحته رفع إيده وساب جهاد تقع في الميه. جهاد: أعااااااااااااا! ماشي يا يوسف. مفيش جواز. قومها بسرعة: مكنتش أقصد. من كتر فرحتي. جهاد: برضه مش هتجوز... وقطع كلامها يوسف وهو بيبو*سها. برقت. وهو بعد عنها: دلوقتي لو موافقتيش نتجوز، هفض*حك وأقول باس*تني. 🙂😂 بصدمة: أنا؟ يوسف: آه. وكنتي عايزة تخط*فيني و... بصدمة:

اسكت. ده أنت عقلك طاير على الآخر. قرب منها. بتحذير: إياك تقرب. فاهم؟ رفع كتفه بلا مبالاة. في بيت جهاد. وصلوا وأمها فتحت الباب واتصدمت من شكلهم. هدومهم مليانة ميه. والدتها: أخيرًا عرفتي إنه يوسف. جهاد: ثانية. وأنتِ عرفتِ إزاي؟ والدتها بتوتر: مش أنتِ اللي قولتيلي إنه قالك يا قطتي؟ ومكنش فيه غير يوسف. كان بيقولك كده. يوسف: خالتي. أنا عايز أت*جوز بنتك. والدة جهاد: وأنا مش ه*لاقي أحسن منك لجهاد.

عدت الأيام ويوسف وجهاد بيقربوا أكتر. واتخطبوا وحددوا ميعاد الفرح. يوم الفرح. جهاد: متعيطيش يا ماما، بدل ما أع*يط. والدتها: كان نفسي أبوكي يبقى عايش ويشوفك وإنتِ عروسة يا جهاد. جهاد: إنتِ معايا يا أحلى أم في الدنيا. ربنا يخليكِ ليا. وباست إيدها ورأسها. يوسف خد جهاد ونزلوا في القاعة. كانت خايفة قوي ومتوترة. يوسف: متخفيش يا جهاد. أنا بحبك. وعمري ما هج*برك على حاجة.

ابتسمت. والوقت عدى ويوسف وجهاد وصلوا قدام شقتهم. وهو فتح الباب. بس قبل ما يدخلوا شال جهاد. وهي كانت مكسوفة. دخل بيها جوه: غيري. وأنا هستناكي بره. تمام؟ وخرج. حاولت تفتح سوستة الفستان. معرفتش. خرجت بره وسمعت صوت يوسف في الأوضة التانية. فتحت الباب. ويوسف كان عاطيها ضهره. يوسف: ابعد ايلين عن جهاد. أنا مش مستعد أخسر جهاد بعد كل ده. وتعرف إنك لما روحت لها البيت كان بسببي.

بص. أنا عارف إنك حبيت جهاد. بس جهاد دي حب طفولتي. ومستحيل كنت أسيبها. وايلين خطيبتك دي. لو فكرت تقرب من جهاد أو تقولها على حاجة، هنسفها من على وش الأرض. يا زين. دموعها نزلت والدنيا اسودت في وشها و... جهاااااااااااد.