رواية حبيبة الأسد الفصل الخامس والعشرون 25 - بقلم غير معروف

اسد: كنت عارف اني هلاقيك هنا. ياسر نزل من العربية ورمى السيجارة على الأرض وقال: عايز إيه يا ابن عمي؟ اسد: روحك... عايز روحك يا ابن عمي. ياسر داس على السيجارة وقال: ولو ما اخذتهاش هتعمل إيه؟ اسد ضربه بوكس في وشه وقال: يا أخذ روحك يا أنت تاخذ روحي. واحد بس منا هو اللي هيعيش وهو أنا. ياسر حط إيده على فمه ولقى دم في إيده. ياسر ساند على الأرض وقام مرة واحدة وفجأة ضرب اسد في بطنه. ياسر: يبقى أنا يا ابن المنشاوي!

اسد اتعصب أوي ومسك ياسر من رقبته وياسر مكنش قادر يتكلم ووشه اتقلب. ياسر: آآآآآه. وفجأة اسد ضربه على دماغه ليفقد الوعي. اسد خد ياسر في العربية ومشي. في قصر المنشاوي. احمد: شهد ارتاحي انتي، أنا طالع مش هتأخر. شهد: ماشي. احمد طلع بالفعل وشهد كانت قاعدة وبصت على النتيجة وانصدمت. شهد: حيدر مسافر النهارده. شهد فتحت التليفون ورنت على حيدر ولكن تليفونه كان غير متاح. شهد قامت بالعافية ونزلت. شهد: عم حمدي! حمدي: نعم يا هانم.

شهد: طلع العربية من الجراج عشان طالعة. حمدي: بس انتي تعبانة وأحمد بيه شدد عليا إنك متطلعيش. شهد: بس أنا قلت عايزة أطلع. حمدي: ماشي يا هانم دقيقة والعربية هتكون برا. شهد: تمام. حمدي طلع برا وفتح تليفونه ورن على احمد ولكن تليفونه غير متاح. حمدي: أرن على اسد بيه ولا أعمل إيه؟ أرن أحسن. حمدي رن على اسد وعطى جرس. اسد بص على التليفون وقال: مش وقتك خالص يا عم حمدي. ومسك التليفون وقفل.

حمدي: مش مهم بقا أنا هوصلها واللي يحصل يحصل. شهد: كل ده عشان تجيب العربية؟ حمدي: حالاً يا هانم. بالفعل حمدي جاب العربية وطلعوا. حبيبه كانت بتصلي وبتدعي ربنا: يا رب متحرمنيش منه، أنا ما صدقت. "إنتي لسه بتحبي يا حبيبه؟ حبيبه قامت وقالت: أنا مش هتكلم بس استني. حبيبه راحت جابت الرسالة وقالت: خدي اقري الرسالة دي وهتعرفي كل حاجة. أم حبيبه خدت الرسالة وفتحتها وقرأتها والدموع نزلت من عينها وقالت: خلود كانت مجنونة بـ اسد أوي.

حبيبه بحزن: عندك حق يا ماما. أم حبيبه حضنتها وقالت: لازم ترجعي لـ اسد بما إن خلود الله يرحمه هي اللي طلبت. حبيبه فرحت أوي وقالت: كنت خايفة أوي إنك ترفضي بس الحمد لله إنك وافقتي. "إنتي عارفة لو خلود مكنتش كتبت الرسالة دي مكنتش هوافق إنك تتجوزي اسد." حبيبه بحزن: وأنا كمان مكنتش هوافق أتجوز اسد يا ماما. "المهم اسد هييجي إمتى عشان يطلب إيدك؟ حبيبه: ادعي انتي بس يا ماما يرجع بخير. "😳😳 ليه الشاب راح فين؟

أوعك تقولي خلع تاني!! حبيبه: لا يا ماما اسد راح عند ياسر عشان ياخد حقنا. "إن شاء الله هيرجع وبخير كمان وهيطلب إيدك." حبيبه حضنت أمها وكانت فرحانة أوي. في المطار. "على المسافرون إلى أمريكا الاتجاه اللي الطائرة حالا." حيدر قام ومسك الشنطة وفجأة. شهد: حيدر. حيدر ساب الشنطة وقال: نعم. "الشنطة لو سمحت لازم نشوفها." حيدر: اممم. تمام. شهد: مستحيل حيدر يسمعني كده، أعمل إيه بس. شهد لقت واحدة ماسكة ميكروفون

جرت عليها عالطول وقالت: ممكن الميكروفون ثانية لو سمحتي. "تمام." شهد خدت الميكروفون وقالت بصوت عالي: حيدرررر. أتمنى تكون سامعني. حيدر خد الشنطة وكان طالع الطائرة وفجأة وقف. شهد: أنا موافقة أتجوزك، ارجع بليززز. حيدر: شهد. شهد: أنا بره في انتظارك، ارجوك ارجع بقا. بعد مرور عشر دقائق حيدر مرجعش. شهد عطت الميكروفون للبنت وخدت بعضها ومشت. حيدر: شهد. شهد: حيدر. حيدر طلع يجري وشهد كذلك وحضنوا بعض.

الكل صفق ليهم وطلعوا تليفوناتهم وبدأوا يصورهم. شهد: أنا موافقة أتجوزك. حيدر: إنتي عارفة ده أحلى خبر أسمعه في حياتي. شهد: إنت عرفت إني عذراء. حيدر: اسد قالي كل حاجة، بس لما إنتي قولتي إنك مش موافقة أتجوزك زعلت أوي وقولت خلاص. شهد: بس أنا موافقة أتجوزك. حيدر حضنها ولف بيها. احمد: السلام عليكم. ساره: احمد. "وعليكم السلام اتفضل يا ابني." ساره كانت فرحانة أوي.

احمد قعد وقال: بما إن ساره مراتي على سنة الله ورسوله قررت آجي آخد مراتي بعد إذنك طبعاً. "موافقة بس على شرط." احمد: شرط إيه؟ ساره في سرها: ربنا يستر. "تعمل الفرح من تاني عشان محضرتش فرحكم الأول." احمد ابتسم وقال: من غير ما تقولي أنا كنت هعمل كده. ساره زغرطت عالطول. احمد ابتسم وقام باسها وحضنها. "الكلام ده مش عايزاه إلا لما تتجوزوا، أه ده العادات والتقاليد بتاعتنا." احمد وساره ابتسموا وأحمد قال: بس دي مراتي.

"لا يا حبيبي ده مش مراتك إلا لما تعمل فرح وتعزم كل الناس." احمد بابتسامة: حاضر يا خالتي. "خالتك مين صحيح مش أمها بس تقولي يا ماما، ما أنا زي أمها بردو." احمد مسك إيدها وباسها وقال: حاضر يا ماما. ساره فرحت أوي والدموع نزلت من عينها من كتر الفرحة. الست خدت ساره واحمد في حضنها وقالت: ربنا يتمم على خير. في الصحراء. ياسر بدأ يفوق وفاق فعلاً ولقي نفسه مربوط. ياسر: أنا فين؟

اسد: في الصحراء، إنت عارف أنا بنيت الأوضة دي عشانك. ياسر: اسد إنت أكيد بتهزر. اسد: أهزر ليه؟ انت عارف أنا قعدت أدور إزاي أموت ياسر. قولت أدخله السجن ومعي الأدلة. قولت لا ممكن يطلع في سنة من السنين. قولت أضربه بالمسدس ويموت. قولت لا أنا كده بريء. قولت أعمل إيه؟ قررت أبني الأوضة دي وانت عارف بنيتها في الصحرا ليه؟

عشان تتعذب وإنت بتموت يا ياسر، مفيش ولا مياه ولا أكل يعني هتموت أبشع موتة. هتموت وإنت بتلهث في الأرض عشان شوية مياه. ياسر بعصبية: اسد أرجوك أنا ابن عمك، أرجوك متعملش كده. اسد بعصبية: اسكت! إشمعنى عملت فيا كده؟ ما أنا ابن عمك بردو. ياسر: أنا آسف. اسد: لو فضلت تعتذر طول عمرك يا ياسر مش هسامحك يا ياسر. اسد خد الجاكيت وقفل الباب بالمفتاح ورمى المفتاح بعيد أوي وركب العربية ومشي. ياسر: آآآآآه.

حبيبه كانت قاعدة بره وحاسة إن اسد هيرجع. وفجأة حبيبه جرت عالطول وقالت: كنت عارفة إنك هترجع. اسد حضن حبيبه وقال: مش قولتلك طول ما نبضك شغال نبضي شغال. حبيبه: عارفة يا حبيبي. اسد: أمال فين خالتي؟ حبيبه: ليه؟ اسد: عشان أتجوزها. بعصبية: في إيه يا حبيبه جاي أطلب إيدك طبعاً. حبيبه: بجد. اسد زق حبيبه لتقع على الأرض وقال: امشي يا بت من قدامي عايز حد كبير أتكلم معاه. حبيبه: خد يااض، طب والله أرفض أتزوجك.

اسد دخل بالفعل وقال: عاملة إيه يا خالتي؟ "الحمد لله يا ابني اتفضل." اسد قعد على الكرسي وقال: أنا جاي عشان أطلب إيد بنتك والمرة دي بوعدك مش هيكون فيه غلط أبداً. حبيبه كانت فرحانة أوي وبصت لأمها وابتسمت. "على بركة الله يا ابني." اسد فرح أوي وبص لحبيبه اللي كانت طايرة من الفرحة. اسد قام وراح عند حبيبه ومسك إيدها ولبسها خاتم. حبيبه: جبتوا إمتى ده؟ اسد: كنت ناوي أدهولك يوم فرحنا بس غيرت راي.

حبيبه حضنت اسد ولقت أمها بتبصلها بصة وحشة بعدت عن اسد عالطول. احمد: مامااا. "احمد أخيراً جيت، فين اسد وشهد؟ احمد: خلاص يا ماما هترجعي القصر. "بفرحة: بجد يا ابني! احمد هز رأسه وقال: آه يا ماما. قامت عالطول وحضنت احمد وقالت: أخيراً. احمد: يلا يا ماما. بالفعل احمد خد أمه ومشوا متجهين إلى القصر. بعد مرور أسبوع. ياسر: بكرهك، بكرهك يا اسد. وفجأة مات. والد ياسر كان في الشوارع زي الشحات والأطفال بتجري وراه وتقول الشحات أهو.

في قاعة كبيرة أوي. كان فيه معازيم كتير أوي. "العرسان اتأخروا أوي." وفجأة دخل حيدر وشهد وبعدها احمد وساره ودخلت حبيبه لوحدها. "😳😳 عملها تاني ولا إيه؟ "بنتي فين اسد؟ معقول يكون عملها تاني؟ حبيبه: مش عارفة يا ماما، مش ناقصة توتر أكتر من كده. بعد مرور عشر دقائق اسد مجاش والكل كان في حالة صدمة وحبيبه كانت خايفة أوي. "عملها تاني تري إيه اللي حصل تاني؟ فرحانة يا حبيبه." حبيبه وقعت على الأرض والدموع نزلت من عينها.

وفجأة صوت ظهر. اسد: أنا آسف يا زوجتي على التأخير بس كنت عايز أعرف بتحبيني قد إيه؟ حبيبه قامت وراحت عند اسد وقالت: عايز تعرف بحبك قد إيه؟ وفجأة حبيبه ضربت اسد قلم. الكل: 😳😳. حبيبه حضنت اسد وقالت: هزارك بايخ أوي، كان ممكن أموت من الخوف. اسد: آسف يا حبي بس لو اتأخرت كل مرة كده وخدت القلم ده مستحيل هتأخر تاني. حبيبه مسحت دموعها وقالت: أنا آسفة. اسد حضنها وقال: ولا يهمك يا حبيبة الأسد.

الكل بدأ يرقص والفرحة أخيراً دخلت على أبطالنا بعد المعاناة. حيدر: أنا بحبك أوي يا شهد.💖 شهد: وأنا بعشقك، مش عارفة إزاي. حيدر باس شهد وقال: كده؟ شهد ضربت حيدر وقالت: الناس يااض. حيدر خدها في حضنه وقال: ماشي يا قلب اليااض. ساره: عارف يا احمد أنا كنت خايفة أوي إنك متعرفنيش. احمد قال بحب: وعرفتِك صح؟ ساره: أنا عايزة أبقى معاك عالطول يا حبيبي.💖 احمد حضن ساره وباسها على رأسها وقال: وهكون معاكي عالطول يا روح قلبي.

ساره: بحبك.💖 احمد: أنا مش بحبك، أنا بموت في التراب اللي بتمشي عليه. ساره ضربت احمد وقالت: يخربيتك، قلبي كان هيقع. احمد حضنها وقال: وأنا مقدرش أعمل كده في روحي وقلبي وعقلي. اسد: بت يا حبيبه. حبيبه: اسكت يا اسد عشان عايزة أفرح. اسد: ليه؟ هو أنا بنكد عليكي؟ حبيبه: لا يا حبيبي بس عارفة هتقول إيه؟ اسد شدها من وسطها وقال: هقول إيه؟ حبيبه: هتقول أنا عايز أربع بنات وأربع صبيان شبهي وشبهك. اسد: لا مكنتش هقول كده.

حبيبه: امال كنت عايز تقول إيه؟ اسد: كنت هقول عايز خمس بنات وخمس صبيان مش أربعة. حبيبه زقت اسد وقالت: تصدق إنك رزل. اسد شدها ليا وقرب منها وباسها من شفايفها بحب قدام الناس. حبيبه زقت اسد: عيب يااض، مش قدام الناس بتكسف. اسد حضنها وقال: بحبك أوي يا حبيبة الأسد إنتي. حبيبه: وأنا بعشق أمك.💖 اسد: أمي وأنا؟ حبيبه: مش قولتلك إنك رزل وليلتك دي مش معدية. اسد: خلاص آسف يا وحش الكون. حبيبه: مش أنا وحش الكون، ده ياسمين عبدالعزيز.

اسد: خلاص يا ستي يا وحش الأسد كده أحسن؟ حبيبه: لا قول يا حبيبه الأسد. اسد: ماشي يا حبيبه الأسد.💖 بعد مرور أربع سنين. حيدر وشهد واحمد وساره واسد وحبيبه كانوا قاعدين مع بعض قدام البحر. حبيبه: ليليان حلوة أوي يا اسد. اسد: ويوسف بردو، ده مش ابنك بردو؟ حبيبه: يا عم في إيه؟ الاتنين بحبهم أوي بس بسمع البت حبيبه أمها وبعدين يوسف شبهك أوي. اسد: ليه أنا مش عاجبك ولا إيه؟ حبيبه حضنت اسد وقالت: إنت نور عيني يااض.

اسد: وإنتي قلبي وروحي يا بت.💖 احمد: زين تعالى هناااا. ساره: في إيه يا احمد، سيب الواد يلعب. احمد: الواد ده بيكراش على البنات يا ساره. ساره: وإيه يعني؟ خليه يعيش حياته. احمد: ماشي يا قلبي بحبك. ساره: بعشقك.💖 نور: ماما ماما. شهد: في إيه؟ نور: بابا خد اللعبة بتاعتي. شهد: حيدر إنت مجنون ولا إيه؟ حيدر حضن شهد وقال: مجنون فيكي. نور بتريقة: يا محن.😂😂 الكل قعد يضحك عليهم. اسد: تعالى هنا يا برنس. "أوامرك."

اسد: ممكن تصورنا كلنا لو سمحت. "آه طبعاً." اتجمعوا كلهم واتصوروا.