رواية حبيبتي الصغيرة الفصل السادس 6 - بقلم الكاتبة الصغيرة

قاسم بصلها بحده. فارس بهدوء: بعد إذنك يا جدو. أنا همشي وهستنى رد حضرتك. قاسم سلّم عليه وفارس مشي. أميرة بصوت عالي: لا يا جدو. شغل؟ وافقت جواز؟ لا يا جدو. قاسم بحده: أميرة، متعليش صوتك على جدك. أميرة بغضب مكتوم: أنا آسفة يا جدي، بس كدا كتير. جواز؟ لا. قاسم ببرود: الظاهر دلعتك زيادة عن اللزوم، بس أنا كلمتي مش هتنزل الأرض. وأنا وافقت خلاص. الفرح الخميس الجاي. لتذهب أميرة إلى غرفتها وتترك جدها لوحده.

قاسم بحزن: على عيني يا أميرة يا بنتي، بس كله لمصلحتك. "في غرفة أميرة" أميرة كانت نائمة على الفراش محتضنة المخدة الخاصة بها وتبكي بشدة. لتأتي منه وتفتح باب الغرفة بدون إذن كالعادة وتدخل وهي مبتسمة، لترا أميرة تحتضن المخدة وتبكي. منه بخضة: أميرة، انتي كويسة؟ أميرة: ..... منه بحنية: ميرو حبيبتي، ردي عليا. أميرة لم ترد عليها وكانت لسه بتعيط. منه قعدت جنبها وشدتها وحضنتها جامد. أميرة بدموع: جدو يا منه.

منه بحنية: ماله جدو يا حبيبتي؟ أميرة بدموع: عايز يجوزني فارس. منه بابتسامة: فيها إيه يا روحي؟ ميرو، حتى هنفرح بيكي وتفكي النحس دا. أميرة بعدت عنها ومسحت دموعها. أميرة بحزن: بس يا منه، أنا ما كنتش عايزة أشتغل معاه. وجدك قالي وافقي. بس دلوقتي دا جواز مش شغل. يعني حياتي. منه بابتسامة: بصي يا حبيبتي، جدو عايز مصلحتك. أنا من رأيي وافقي. لو معجبكيش الوضع هنخليه يطلقك. إيه رأيك؟ أميرة بصتلها بتفكير. منه بحماس: ها؟

قولتي إيه؟ أميرة بهدوء: خلاص موافقة. "عند فارس" فارس بهدوء: خلاص ماشي يا جدو. خلاص هبقى أعدي عليها نجيب حاجة الفرح. تمام؟ ماشي. مع السلامة. جاسر باستغراب: انتو اتفقتوا على الفرح؟ فارس بهدوء: أيوا. هيبقا الخميس الجاي إن شاء الله. جاسر حضن صحبه بفرحة: مبروك يا صاحبي. فارس بهدوء: الله يبارك فيك. عقبالك. جاسر بهزار: لا يا عم، يمنى يا بلاش. مش عايز غيرها. فارس بسخرية: يحنين. "عند أميرة"

منه بفرحة: أيوا وهنلبس فساتين زي بعض. الله! وفاء بحماس: أيوا يلا تعالي ننزل نشوف فساتين دلوقتي. منه عقدت حاجبيها بتفكير: لا لسه بدري. مش لما العروسة تنزل تجيب حاجتها الأول. أميرة كانت قاعدة تبص عليهم وشايفة الفرحة في عيونهم، لتنظر لهم بابتسامة حزينة، ثم تنهض من مكانها وتذهب إلى غرفة جدها. وفاء باستغراب: هي مشيت ليه؟ منه باستياء من أميرة: تعبانة من الشغل. وفاء بانشغال: طيب. المهم دلوقتي، مقولتيش هنجيب لون إيه؟

"في غرفة قاسم" أميرة خبطت على الباب ودخلت لما سمعت صوته بيأذن لها بالدخول. قاسم بابتسامة: إيه يا حبيبتي؟ مش قاعدة مع أخواتك ليه؟ أميرة بتعب: تعبت في الشغل النهارده وهروح أوضتي عشان أنام. قاسم بحب: طب يا حبيبتي، أجيب لك دكتور؟ أميرة بابتسامة خفيفة: لا يا جدو، هبقى كويسة. قاسم بابتسامة: ماشي يا حبيبتي، روحي. وهخلي الدادا تصحيكي بدري عشان فارس جاي ياخدك بكرة. هتجيبي فستان الفرح. ما عادش غير يومين على الفرح.

أميرة بصتله وابتسمت بحزن: حاضر يا جدو. تصبح على خير. خلصت كلامها وخدت بعضها ومشيت راحت أوضتها تنام. "تاني يوم" أميرة كانت نايمة. الدادا صحتها وأميرة قامت أخدت شاور ولبست هدومها، حطت ميك أب خفيف ونزلت. لقيتهم قاعدين على السفرة، وفارس قاعد هو وجاسر مع جدها. جاسر بضحك: أيوا وقامت مسلمة عليا بدل منه. قاسم بابتسامة: أميرة بتحب منه وبتخاف عليها أكتر من نفسها. أميرة راحت باست إيد جدها وست دماغو: صباح الخير.

قاسم بابتسامة: صباح النور يا حبيبتي. فارس مستنيكي من ساعتها. فارس بابتسامة: صباح الخير يا حبيبتي. أميرة في نفسها: حبك برص. أميرة ابتسمت بالعافية: صباح النور يا روحي. جاسر بهزار: عصافير الحب بتطير حوالينا. أميرة ابتسمت ابتسامة صفرا وبعدين بصت لفارس: يلا نمشي. فارس قرب منها ومسكها من خصرها.