رواية حبيبتي الصغيرة الفصل التاسع عشر 19 - بقلم الكاتبة الصغيرة

منه: ميرو أنا جيت. أميرة بزهق: تعالي يا لي مطلعة عيني. منه بضحك: معلش أعيش وأزهقك. أميرة: ها قوليلي جاسر شاف فارس طمنيني. منه بابتسامة: شوفتهولك بنفسي هو كويس بس مش فاكرني. أميرة بضحك: اقعدي بقا يعني هو فاكر مراتو عشان يفتكرك. منه بتفكير: تصدقي عندك حق. أميرة: وديني ليه أشوفو. منه: مينفعش أنتي تعبانة. أميرة باستغراب: بس ثواني هو باباه مجاش ليه وجدك برضو مجاش ليه. فارس: أميرة عاملة إيه يا جاسر. جاسر بتنهيدة: كويسة.

مد لو اللاب. جاسر بهدوء: تقدر تشوفها كمان. فارس بص لقى منه قاعدة معاها وبيتكلموا ويضحكوا. فارس باستغراب: أنتا هكرت كاميرات أوضتها. جاسر برفعة حاجب: وهو في كاميرات في الأوضة أصلاً أنا اللي حاطيط الكاميرا عشان حضرتك تشوفها. فارس بضحك: جدع تربيتي. وفاء: جدو مش هتروح تشوف أميرة وفارس. قاسم ببرود: لا مش هروح. وفاء: وأنت يا خالو مش هتروح. محمد بلا مبالاة: لا.

وفاء بزعيق: هو في إيه جدو دي أميرة واخد بالك إن اللي في المستشفى أميرة لو حصلها حاجة أنتا عارف إن الشركة هتقع وأنتا عارف إنها بتحبك روحلها شوفها واطمن عليها تحس إن حد جمبها. قاسم ببرود: خلصتي. وفاء: أيوة. قاسم قام سابهم وطلع. أميرة بتعب: منه. منه بقلق: إيه يا حبيبتي. أميرة بتعب: أسنديني عايزة أشوف فارس. منه بقلق: بس أنتي تعبانة وبعدين في أجهزة ومحلول محطوطين مينفعش يتشالوا دلوقتي.

أميرة بالحاح: معلش عشان خاطري أسنديني بدل ما أقوم أشيل كل حاجة وأروح برضو غصب عنك. لتنهض منه من مكانها وتسندها لتشيل أميرة كل الأجهزة من عليها. أميرة بالم: اه. قالتها عندما شالت المحلول من يدها بقوة. منه بقلق: براحة يا أميرة. لتستند أميرة على منه وتاخذها منه إلى غرفة فارس ليصلوا ويطرقوا الباب براحة ليفتح جاسر الباب. جاسر بابتسامة: إيه اللي جابك يا أميرة وأنتي تعبانة.

منه: قولها ونبي قعدت أقولها كتير بلاش أنتي تعبانة مرضيتش. أميرة بتعب: فارس نايم ولا صاحي. جاسر بابتسامة: لا نايم ادخلوا. لتدخل أميرة ومنه لتجلس أميرة على الكرسي بجانب سرير فارس لتمسك يده وتقبلها بحنان. جاسر بهمس: مالها أميرة. منه بهمس: معرفش بس مرضيتش تسكت غير لما جت شافتو. جاسر بهمس: طيب متخليهاش تطول عشان فارس مايشوفهاش. منه بهمس: متقلقش خمس دقايق بس وهاخدها أرجعها الأوضة. أميرة بهمس: وحشتني يا فارس.

أميرة بخنقة: يلا يا منه نرجع الأوضة أحسن. لتسندها منه وتذهب بها إلى غرفتها ليغلق جاسر باب الغرفة خلفهم. جاسر بهدوء: افتح عينك هما مشيوا. فارس بتنهيدة: كويس. جاسر بجدية: محتاج أقولك حاجة عن أبوك. فارس: قول يا جاسر. جاسر بجدية: أبوك هو اللي حاول يموتك وو.