رواية حبيبتي الصغيرة الفصل الثاني 2 - بقلم الكاتبة الصغيرة

كانت تجلس في غرفة الاجتماع. أميرة بزهق: شكلهم مش جايين يا منة. منة: استني بس زمانهم جايين اهدي. أميرة برفعة حاجب: يعني هيتأخر... لم تكمل كلامها لأن الباب قد انفتح. السكرتيرة باحترام: اتفضل يا مستر فارس، اتفضل يا مستر جاسر. أميرة ومنة وقفوا عشان يسلموا عليهم. فارس بهدوء مد إيده عشان يسلم على أميرة: أنا فارس صاحب شركة الفارس. أميرة ردت عليه السلام: وانا أميرة صاحبة شركة القاسم. وبعدين شاورت على منة:

ودي تبقى أختي وشريكتي في الشركة. فارس مد إيده سلم على منة: اتشرفت بيكي يا أستاذة منة. منة بلطف: الشرف لينا يا أستاذ فارس. جاسر سلم عليهم وبعدين قعدوا. أميرة بجدية: اتفضل يا مستر فارس، منة قالتلي إن حضرتك حابب تعمل معانا صفقة. فارس مد إيده ليها أدّاها الملف وقال بهدوء: ده ملف فيه كل حاجة تخص الصفقة اللي حابين نعملها معاكو. منة بلطف: مافيش مشكلة يا مستر فارس، إن شاء الله هنراجع الملف كويس وهنرد عليك في أقرب وقت.

جاسر بهزار: مافيش عشان نكلمكو. أميرة بحدة: كلمني أنا متكلماش. منة: اهدي يا أميرة، هو ما قالش حاجة غلط، هات تليفون حضرتك هكتبلك الرقم. منة أخدت التليفون من جاسر وجاسر ميل على فارس: دي فعلاً شكل التعامل معاها صعب. فارس بهدوء: بس معايا مش هيبقى صعب، وعد مني ليك هغيرها بس كده بالوقت. جاسر أخد تليفونه من منة ومشيوا. أميرة بهدوء: من غير ما نبص في حاجة أنا مش موافقة. منة بهدوء: لا يا حبيبتي مينفعش، ده كله لمصلحة الشركة.

أميرة بتنهيدة: مش عارفة. منة: أنا هرنّ على جاسر وأقوله إننا موافقين ونتقابل بكرة على العشا نتكلم في الشغل. أميرة قامت من مكانها: يلا بينا نروح، أنا تعبت في الشغل النهارده. أميرة مشيت ومنة قامت مشيت بعدها. في البيت. أميرة بحب: جدو حبيبي. قاسم فتح دراعه حضنها: إيه يا حبيبتي، اتأخرتي النهارده ليه؟ منة بغضب مصطنع: ربنا يخليكو لبعض، معلش يا منة أصل أنتي مالكيش مكان من الحب جانب. قاسم بضحك:

تعالي يا حبيبتي، هو أنا ليا غيركو يعني؟ أميرة بتنهد: جدو في شركة اسمها الفارس عايزة تعمل معانا صفقة. قاسم بغموض: وافقي من غير ما تراجعي أي حاجة. أميرة باستغراب: بس يا جد... لم تكمل كلامها لأن جدها قاطعها. قاسم: أميرة أنا قولت وافقي. أميرة بطاعة: حاضر يا جدي. وسابتهم وطلعت. منة بزعل: ليه عملت كده يا جدو؟ قاسم: عشان مصلحة الشركة ومصلحتها. منة عايز منك طلب. منة: اتفضل يا جدو. قاسم: حاولي تقرّبي أميرة لفارس و...