رواية حبيبي المجهول الفصل الأول 1 - بقلم زهرة الربيع

أنا خطيبة أخوك، إزاي قدرت تعمل كده وتجبرني على الجواز منك وتجبني كده قدام عيونه؟ عاجبك اللي حصل؟ بعد ما عرف إنت إزاي قاسي كده؟ صفر ببرود وهو بيطلع بدلته وقال: على فكرة، من أول ما دخلنا الأوضة وإنتي بتتكلمي في نفس الموضوع وبتعدي وتزيدي فيه. الظاهر إنك ناسيه إن الليلة ليلتك. يلا يا شاطرة ادخلي غيري والبسّي حاجة "قلعة" كده، خلينا نعمل فيها عرسان، وأمرنا لله. بصتله بغضب أكبر وقالت:

بقولك إيه، بطل سخافة ورد على أسئلتي زي الخلق. اتجوزتني ليه؟ وإزاي هان عليك أخوك يعمل فيك كده؟ عاجبك لما اغمى عليه ومش عارفين حالته عاملة إيه دلوقتي؟ قال بمنتهى البرود: عادي، زمانه قاعد في حضن أمه وبيغنيلو. الدنيا دارت والعروسة طارت. بصتله بذهول من بروده وقالت: أنا مش فاهمة، إنت جايب البرود ده منين؟ قال بسرعة وضيق: من على أول الشارع، هبقى أجيب لك معايا المرة الجاية. غمضت عيونها بغضب رهيب وقالت:

هنفضل كده لحد إمتى يعني؟ ومش راضي ترد على أي سؤال وعمال تستظرف وتستخف دمك اللي يجلط ده. مسكت طفاية قزاز كانت على الطاولة وحذفتها عليه بغضب وهي بتقول: أنا بكلمك، رد عليا، متجننيش! نزل راسه بسرعة في آخر لحظة، والطفاية خبطت في إزاز الشباك كسرته. بصلها بذهول وقال: إنتي هبلة يا بت؟ افرض كانت جت فيا، كنتي هتسلفيني دماغك؟ قالت بغضب رهيب: ياريتها كانت جت في نص دماغك وجابت أجلك. رد عليا، اتجوزتني ليه؟

أنا خطيبة أخوك، إزاي تعمل كده؟ قرب منها وشدها عليه بغضب شديد وقال بطريقة ترعب: أول حاجة، صوتك ميعلاش تاني. تاني حاجة، يا حلوة، لو قولتي "خطيبة أخوك" دي تاني، هقطع لسانك. إنتي خلاص يا أميرة هانم بقيتي على ذمة مراد الجابري، يعني حتى النفس بقى له حساب. سمعتي؟ أميرة كانت بتتألم من مسكته، وبصتله بغضب ودموع وقالت: أنا للأسف على ذمة أحقر راجل على الأرض ده، لو كنت راجل أصلاً. مراد غمض عينيه بغضب مكبوت، بس سابها بهدوء

وقال ببرود يحسد عليه: كان بودي أتعصب وأقولك إني أرجَل من اللي خلفوك، بس النهارده دخلتنا، وكلها ثواني وتعرفي لوحدك. الكلام ملوش لازمة. وصفر ببرود وراح على الحمام. أميرة قعدت على السرير بذهول وهي مش مصدقة اللي عمله وقلب حياتها في لمح البصر. بعد شوية، خرج من الحمام، لقاها قاعدة على السرير بضيق. بصلها وقال باستغراب: إيه ده، إنتي لسه مقلعتيش الفستان؟ يا بنتي ده صلاحيته انتهت من ساعة. أميرة بصتله بضيق

شديد وهو قرب منها وقال: إنتي مش مصدقاني ولا إيه؟ طب اسألي أي حد هيقولك إن فساتين الفرح ليها صلاحية. يعني فيه اللي بتنتهي من على السلم، وفيه اللي بتنتهي جوه الأوضة، وفيه اللي بتنتهي على السرير. وقرب منها جامد وقال بطريقة تخوف: وفستانك ده انتهت صلاحيته معايا دلوقتي. فاقلعيه لو حابة تحتفظي بيه سليم. وزعق وقال: اخلصيييي! أميرة انتفضت بخوف من صوته، ولسه هترد، بس اتصدمت لما اتكسر الباب ودخل شاب في العشرينات بغضب شديد وقال:

بس هي للأسف هتفضل بيه، لأنها هتتترمل حالا، وميبقاش عندها وقت تقلعه.