رواية حكاية الورد الفصل الأول 1 - بقلم اسراء علي

يا ورد اصحي يا غيبوبة. = منك لله ي شيخة، حد يصحّي حد كده؟ _ مش أنا عملت كده. ورد: أيوه. = يبقي فيه. ورد: بطلي رخامة بقا يا نور وسيبني خمسة بس والله. نور: ولا خمسة ولا ستة، يلا علشان الكلية. ورد: بقا فيه كده في الدنيا يا صحبة شمال. تعالوا بقا أعرفكوا بنفسي، أنا ورد في كلية طب وهتخرج السنادي، ودي صحبتي وأختي نور. معنديش أهل، أو بمعنى أصح، أنا كبرت ولقيت نفسي في ميتم اتربيت فيه لحد ما وصلت للسن اللي أطلع منه. وطلعت وعايشة لوحدي أنا ونور، وأهو بنعين نفسنا على الدنيا. ورد: يااه، محاضرة رخمة أوي يعني. يلا بقا علشان نأكل. نور: ماشي يا مفجوعة، يلا. ورد: نور، أنا نازلة المستشفى، عايزة حاجة؟ نور: لا ي قلبي، خلي بالك من نفسك. بعد شوية. نور: الوو. أيوه يا ورد، انتي لحقتي توصلي الشغل عشان ترني عليا؟ _ احم، أنا مش صاحب الموبايل. نور: أومال ورد فين؟ _ أنا لقيت حضرتك آخر واحدة مكلماها، فرنيت عليكي. صاحبة الموبايل عملت حادثة وهي في مستشفى. نور بخضة: إيه؟ طيب أنا جاية حالاً.