رواية حكاية الورد الفصل السادس 6 - بقلم اسراء علي

نور: انت بتقول إيه يا حج؟ انت بنت مين؟ عمر: اسكتي انتي بس. نور: يا أخ انت، هو أنا كلمتك؟ عمر: لا. نور: يبقى تخرس. وانت يا عمو، وضح لنا انت تقصد مين. عمر: ما انتي لو تسكتي هتكلم. ورد، انتي تبقي بنت عمتي. ورد: (مصدومة) نور بصدمة: يا شيخ قول كلام غير ده. عمر: أنا بتكلم جد. مش كده يا جدو؟ الجد: بصي يا ورد يا بنتي، أنا عارف إنك مش هتصدقي اللي بقوله، بس انتي تبقي حفيدتي فعلاً. نور: طيب، فهمنا.

الجد: بصي يا حبيبتي، انتي تبقي بنت بنتي اللي هي مامتك يعني. مامتك زمان طلعت عن طوعي وحبت واحد صعيدي وطفشت من البيت. أنا ما كنتش معترض على إنه صعيدي، بس أنا كنت معترض عليه هو. ما كانش هيسعدها وكان واضح عليه إنه نصاب ومش بيحبها وبيضحك عليها. وبعد 9 شهور بالظبط، لقيت أمك جاية وشايلة إنتي بين إيديها. أنا ما كنتش هسامحها، بس لما شيلتك بين إيديا نسيت كل الزعل اللي بينا. وعدت الأيام وعرفت منها إنه كان بيضحك عليها وعايز ياخد كل فلوسها. ولما عرف إني مش كاتب لها حاجة، قعد يضرب فيها. وهي قدرت تهرب منه تحت ع...

كنت عايشين كويسين وإنتي بتكبري قدام عنيا. ولما وصلتي 3 سنين، أبوكي جه وقعد يهددنا إنه هياخدك لو ما عملناش اللي هو عايزه. وكنت هديله كل حاجة، بس هو خطفك من بين إيدينا. وكنت ليل نهار بدور عليه وعليكي، بس ما لقيتكيش. وماما ماتت من قهرتها عليكي. وفضلت لوحدي لغاية ما عمر جه وعاش معايا. ولغاية ما خبطك، ولولا إنه خبطك ما كنتيش هترجعيلي تاني يا حبيبتي. والباقي انتي تعرفيه. ورد في صدمة: إزاي عرفت إني حفيدتك؟

عمر: إحنا عملنا تحليل DNA وشوفي عشان تتأكدي. الجد: ودي كمان صورة مامتك. ورد بعياط: أنا فعلاً بنتها. حبيبتي يا ماما وحشتيني أوي. (وفضلت تعيط) نور بعياط لصاحبتها: حبيبتي يا ورد، ما تزعليش. وادي عيلتك رجعت تاني، ما تزعليش. ورد: ربنا يديمك في حياتي يا نوري. الجد: وأنا ماليش حضن؟ ورد: أكبر حضن كبير لأحلى جد. الجد: حبيبتي، وحشتيني أوي. عمر: أنا كده هغير. الجد: امشِ يازفت من هنا. عمر: لا بقا كده ظلم. ورد: أحسن.

(وبعدين افتكرت حاجة) استني يا جدو، هوريك حاجة. نور: إيه ده يا ورد؟ ورد: بص يا جدو، دي سلسلة مامي. بس الصورة ما كانتش واضحة أوي عشان كده معرفتهاش. وكمان اسمها مكتوب تحت. الجد: أها، هي. أنا اللي كنت جايبها لها. نور بزعل: يعني كده هامشي وأسيبك؟ ورد: لا يا قلبي، مستحيل أسيبك وأمشي. الجد: انتوا هتيجوا معايا انتوا الاتنين. نور: لا، أنا هقعد هنا. ورد: خلاص، وأنا هقعد معاكي. عمر: لا، بقول إيه؟

إحنا مش هنخلص. انتوا هتيجوا انتوا الاتنين معانا. الجد: أيوه. يلا هاتوا حاجتكم من جوه ويللا. نور: يلاهي، كل دي فيلا؟ لا، فيلا إيه دي قصر. ورد: عندك حق. انت كنت بشوفه في المسلسلات التركي. نور: أيوه والله يا بت يا ورد. عمر: يلا ندخل، وبعدين ابقوا ارغوا. الجد: ها يا بنات، عجبكوا البيت؟ ورد ونور: جداً جداً، تحفة. الجد: يا صفية، انتي يا صفية. صفية: أيوه يا سعادة البيه. الجد: يا ورد ونور، وريهم أوضهم. صفية: حاضر يا بيه.

صفية: دي أوضتك يا ورد هانم. ورد: ما بلاش هانم دي. ومشيها ورد. وبعدين، انت ونور هنقعد مع بعض، مش متعودين نسيب بعض. صفية: العين متعلاش عن الحاجب يا هانم. ودي أوامر سعادة البيه إن لكل واحدة فيكم أوضة. ورد: أنا هبقى أكلمه. تاني يوم. عمر: أنا رايح الشركة بقا يا جدو. أهملتها كتير. الجد: طيب، افطر الأول. عمر: ماشي يا جدو. ورد ونور: صباح الخير يا جماعة. الجد وعمر: صباح النور. الجد: إيه اللي نزلك يا ورد؟ انتي لسه تعبانة؟

ورد: يا جدو، ما أنا خفيت. أنا مش بحب قعدة العيانين دي. الجد: ماشي يا حبيبتي. تعالي افطري بقا، وتعالي انتي كمان يا نور. عمر: هامشي أنا بقا يا جدو. الجد: ماشي يا عمر. خد بالك من نفسك. عمر: حاضر يا جدو. نور: تعرفي يا جدو، أنا حبيتك أوي. بعيداً عن الكائن الرخم اللي اسمه عمر ده. الجد بضحكة: لي بس، ده عمر شخص لطيف. نور: مش باين. البت ورد آخرت جوه أوي. الجد: أنا مش عارف بتعمل إيه في المطبخ. ما في طباخين.

نور: أصل لازم توجعلي بطني كل يوم. أنا قلت هخلص من أكلها والله. الجد: ربنا يعينا. ورد: أنا جيييت. إنما عملتلكوا حتة كيكة، إنما إيه؟ هتاكلوا صوابعكوا وراها. نور: أكيد لازقة زي كل مرة. ورد: غورري يبه. وفجأة دخل عمر وشخص تاني. عمر: إيه الريحة دي؟ الشخص: إيه القمر ده.