رواية حكاية الورد الفصل الثامن 8 - بقلم اسراء علي

نور: ورد. عمر: ورد، عارف لو ورد حصلها حاجة مش هيحصل كويس. العميد بخوف: متقلقش، أنا هنادي على الممرضة تشوفها. عمر: بسرعة، أنت مستني إيه. بعد شوية... الممرضة: هي كويسة، بس محتاجة راحة. وكمان اللي حصل مش سهل عليها، يا ريت تبعدوها عن أي ضغط. نور: شكراً ليكي جداً. عمر: احمد ربنا إن ورد بخير. وانت ي ننوس عينك أبوك هيتشرف معانا، وابقى وريني أبوك هيعملك إيه. آدم اتصرف معاه عقبال ما أجيلك.

عمر كان رائد في مكافحة المخدرات، هو وآدم، بس ساب شغله عشان بيشتغل في الشركة عشان مفيش حد يديرها غيره، بس آدم لسه زي ما هو. نرجع تاني... في العربية بتفوق ورد... ورد بعياط: نووور. نور: حبيبتي، خلاص متعيطيش، حصل خير. عمر: خلاص ي ورد، بطلي عياط، وأوعدك إنك مش هتشوفي شكله تاني في الكلية. ورد: شكراً ي عمر، مش عارفة من غيرك كنت عملت إيه. عمر: متقوليش كده، أنتِ بنت عمتي وحب.... ورد: وإيه؟ عمر: ولا حاجة. في البيت...

الجد: مش تقولي ي عمر على اللي حصل، أنتِ كويسة ي حبيبتي؟ ورد: الحمد لله بخير. عمر: أنت عرفت منين ي جدو؟ الجد: أنا برن عليك مش بترد، رحت رنيت على آدم، قعد يحور عليا في الكلام بس على مين، وراح قالي على كل حاجة في الآخر. عمر: إنما واد خرع بصحيح، بس لما أروح له. الجد: بس يلا، تعالي ي حبيبة جدو في حضني، أنتِ كويسة؟ ورد: أيوه ي جدو، بخير والله، متقلقش. الجد: طيب كويس، وانتِ ي نور كويسة؟ نور: الحمد لله.

عمر: طيب أنا رايح مشوار وهاجي بسرعة، سلام. عمر: ها ي آدم، عملت إيه؟ آدم: البيه طلع بيشرب وفي جسمه نسبة مخدرات كبيرة، وهو الحاج أبوه بيشتغلوا في المخدرات وعاملين عصابة. عمر: ده ليلة سودة هو وأبوه، هو فين؟ آدم: اهو متلقح عندك أهو. عمر بضحكة: يخربيتك ي آدم، ده مفيش في جسمه حتة سليمة، ده أنت خرشمت الواد على كده. آدم: يستاهل عشان ميجيش عندهم تاني. عمر: اها، قولتلي. وبعدين تعالي هنا، أنت بتقول لجدي ليه على اللي حصل؟

آدم: ي عم، اوعى كده، أنت عارف إن جدك مش بيسيب حد إلا لما يعرف كل اللي هو عايزه منه. عمر: ماشي، هعديهالك المرة دي. عمر وآدم رجعوا على البيت. عمر: أنا مش عارف ي أخي، أنت مش عندك بيت بتيجي معايا ليه؟ آدم: أصل انت حلوين وأنا بحبكم أوي. عمر: لم نفسك يلا. آدم: أصلي عايز أطمن على جدو. عمر: جدو عليا الكلام ده ي ولا. آدم: ي عم اسكت بقى. آدم بيبص لنور وبيقول: ازيك ي جدو، عامل إيه؟ الجد: والله كويس ي آدم.

آدم بيبص برضو على نور: طيب طمنتني. الجد: مالك يلا؟ عمر: أصله اتجنن من اللي حصل ي جدو، اعذره. الجد: طيب تعالوا انتوا الاتنين، عايزكوا في موضوع مهم، عقبال ما الأكل يجهز. عمر وآدم: خير. الجد: ........ عمر بصدمة: بتقول إيه ي جدو؟ آدم: ده إزاي حصل؟