رواية حكاية بنت الريف الفصل السابع عشر 17 - بقلم صباح عبد الله

شرين واقفه في المطبخ وفرحانة بالخطة الشريرة اللي هي عملتها علشان توقع دهب وتخلي مهند يكرهها. بتكلم نفسها بصوت واطي علشان ماحدش يسمعها. شرين: ربي أنا ما بقاش عندي صبر. أخيراً النهار طلع وخلص منك يا وش الفقر انتي. أم سعيد واقفه وخده بالها من شيرين وهي عمالها تكلم نفسها وتضحك زاي الهبلة. أم سعيد: أي يا بنتي اتهبلت ولا إيه؟ بتضحكي على إيه يا بنت يا شيرين؟ ضحكيني معاكي. شيرين تبص على أم سعيد وتجيب شفايفها على جنب.

شرين: وانتي مالك يا وليه يقرشانه انتي؟ ها تشاركيني حتى في الضحكة كمان؟ أم سعيد: يا لهوي عليكي. الواحد مش بيعرف يتكلم معكي كلمة على بعضها. إيه يا بنت انتي لسانك ده من إيه مبرد؟ تبص قدامها وتشوف هي كانت بتعمل إيه. شيرين تبص على أم سعيد بغضب وتبص على براد الشاي اللي على نار قدام أم سعد. شرين: والله انتي لازم تتربي يا عجوزة الكلب انتي.

تاخد براد الشاي من على النار وتعمل اللي هي بتشيله من على النار وتيجي موقعه على أم سعيد. أم سعيد بصوت عالي: اععععاااا منك الله. حسبي الله ونعم الوكيل فيكي يابعيدة. شرين بخبث وزعل مصطنع: يالههههوي يا أم سعيد. معليش والله غصب عني. مش عارفه وقع منى إزاي؟ سامحيني. الكل يجي من بره جري على صوت أم سعيد. سماح: إيه في إيه يا جماعة؟ مالك يا أم سعيد؟ أم سعيد بدموع ووجع وهي ومسكه رجلها: آه. مش قادرة منك لله يا بعيدة روح.

سماح تجري عند أم سعيد: مالك يا اختي؟ إيه اللي حصل؟ بتعيطي ليه كده؟ شرين بخبث ودموع تماسيح: والله من أنا غصب عني يا جماعة. أنا مش عارفه وقع منى إزاي؟ الحاج محمد باستغراب: هو إيه اللي وقع منك يا بنتي؟ أم سعيد بدموع: وقعت عليا الشاي مغلي. أنا عارفه والله يا حاج إن هي قصدها البنت دي. ميه من تحت تبن واني مش مسامحاها. شرين بدموع: الله يسامحك. أنا بقول والله من غصب عني.

مهند ودهب نازلين من على السلم ويشوف الكل واقف في المطبخ. دهب باستغراب: هو فين إيه؟ مهند: مش عارف. تعالي نروح نشوف في. مهند: خير. في إيه يا جماعة؟ وشوف أم سعيد قاعد على الأرض وعماله تعيط: إيه ده؟ مالك يا خالتي أم سعيد؟ بتعيطي ليه كده؟ دهب تجري وتقعد جنب أم سعيد وتقول بخوف: خير. مالك يا خالتي؟ سماح: ما تخافيش يا بنتي. أم سعيد كويسة. بس شيرين بتشيل براد الشاي من على البوتاجاز وقع عليها. دهب تبص على شيرين بصدمة

وترجع تبص على أم سعيد: يا لهوي. انتي كويسة يا خالتي أم سعيد؟ أم سعيد بوجع: مش قادرة يا بنتي. جسمي كله في نار. مش قادرة. شرين بدموع: والله غصب عني. والله من غصب عني يا دهب. مش قصدي. مهند يروح عند أم سعيد: مش وقته الكلام ده. تعالي يا خالتي أوديك المستشفى. الحاج محمد: أيوه يا ابني. معك حق. خدها وديها المستشفى بسرعة. مهند يشيل أم سعيد من على الأرض ويخده يحطها في العربية. ويبص يلاقي دهب واقفه جنبه.

يبص لها باستغراب: انتي رايحة فين يا دهب؟ دهب: هاجي معاك يا مهند. مش هسيبى خالتي أم سعيد لوحدها وهي في الحالة دي. أم سعيد بدموع: لله يكرمك يا بنت الأصول. سماح تركب العربية جنب أم سعيد. مهند يبص لدهب وهو بيقول. مهند: طيب خليكي انتي وأمي معاها. أهي. سماح: أيوه يا دهب يا بنتي خليكي انتي. وأنا هروح مع أم سعيد. ما تخافيش مش هسيبها لوحدها. دهب: لا. أنا عاوزة أجي علشان أطمئن على خالتي أم سعيد.

مهند بعصبية: دهب اسمعي الكلام وادخلي جوه. أنا مش عاوزك تروحي وما تعصبنيش عليكي. دهب: بس أنا عايزة أجي معاكم يا مهند. مهند يبص لها بغضب: سمعتي أنا بقول إيه. الحاج محمد: خلاص يا دهب. طالما مهند مش عاوز ياخدك. اسمعي الكلام وخليكي. ما تخافيش على أم سعيد. ولما تيجي بالسلامة ابقي طمنيني عليها. وما ينفعش انتي وسماح تسيبوا البيت. الناس زمانه جاية يقولوا إيه؟ لو ما لقوش حد يقابلهم.

مهند يبص عالي: دهب ادخلي جوه أحسن ليكي. وإما أرجع لينا كلام تاني. دهب بخوف: طيب. خلاص مش جايه. مهند يبتسم بخبث: أيوه كده شاطرة. اسمعي الكلام. ويروحوا يركب العربية وياخد أم سعيد على المستشفى. الحاج محمد يحط يدي على ضهر دهب اللي واقفه تبص للعربية. الحاج محمد: تعالي يا بنتي ندخل جوه علشان الناس اللي في البيت دي. دهب تبص على الحاج محمد: حاضر يا عم محمد. ويدخلوا مع بعض البيت.

دهب: بعد إذنك يا عم محمد. هاروح أشوف الجماعة بيعملوا إيه. أعمل معاهم حاجة. الحاج محمد: طيب روحي يا بنتي وخدي بالك من نفسك. دهب: حاضر يا رجل يا طيب. وتبص على شيرين اللي قاعدة ولكنها عملت حاجة. وتروح عندها وبصوت عالي بس مش أوي. دهب: ينفع اللي انت عملتيه في خالتي أم سعيد ده يا شيرين؟ شيرين بنفس الصوت: الله يا دهب. أنا باقول والله من غصب عني. إيه هو ما فيش حد بيعمل حاجة غصب عنه؟

أنا بشيل براد شاي من على البوتاجاز. إيدي فلتت. وقع مني وهي واقفة جنبي. أعمل إيه؟ دهب: وانتي خلاص يعني يا شيرين صغيرة؟ مش عارفة تشيلي براد شاي من على البوتاجاز؟ حرقتي الولية الغلبانة كده. شيرين بزهق: ما خلاص بقا يا دهب. حصل خير. قدر الله ما شاء فعل. نصبها بقا. أعمل لها إيه؟ دهب تبص على شيرين بفارغ الصبر: استغفر الله العظيم يارب. وتجي واخده بعضها وداخله على المطبخ. شيرين عينيها على دهب وهي ماشيه.

شرين: طب والله أنا نفسي أعملها فيكي انتي. بس اصبري عليا. المغرب وأنا هوريكي مين هي شيرين يا دهب. ما خليتك تطلعي مذلولة من البيت والعز ده كله. ما بقاش أنا شيرين. ما رجعتك لذل من أول وجديد. الصبر طيب يا ست دهب. إسلام يضرب شيرين على كتفها: بت يشرين. شيرين بغضب: آها. إيه يا عم انت؟ في إيه؟ إسلام: مالك؟ مالك يا بنت؟ انتي بقا لي ساعة بكلم فيكي ولا انتي هنا. شيرين: طيب انت عايز إيه دلوقتي مني؟ إسلام: وهعوز إيه منك يعني؟

أنا لقيتك واقفة مبحلقة زي التمثال. فكرت لبسك عفريت ولا حاجة. شيرين بغضب: عفريت لما ياخدك يا بعيد روح. غور من وشي. أنا مش فايقة لك دلوقتي يا إسلام. إسلام: استغفر الله العظيم يارب. والله انتي عليكي لسان عايز قطعه يا بنت. انتي وأنا أصلا اللي غلطان إني واقف بتكلم مع حيوانة زيك. ويجي سايبها وماشي.

شيرين بغضب: أووووف. مش ناقصني غيرك انت يا وش الفقر انت كمان. يلا لازم أروح أجهز نفسي عشان أنفذ اللي في رأسي. بس هعرف اللي اسمه عصام ده إزاي؟ أووووف بقا. مش أخلاص من حاجة تطلع لي مية حاجة. بعد شوية مهند يرجع من المستشفى. هو وسماح وأم سعيد. دهب طالعة من المطبخ تشوفهم. تجري عليهم وهي بتقول. دهب: حمدلله على السلامة. طمنيني عليكي يا خالتي أم سعيد. عاملة إيه دلوقتي؟

أم سعيد بوجع: لله يبارك فيكي يا بنتي. اطمني يا قلبي. أنا الحمد لله كويسة. سماح: تعالي ارتاحي ياحبيبتي. الدكتور قال لك ما تتحركيش كتير. سماح تاخد أم سعيد وتروح على الأوضة بتاعت أم سعيد. مهند: دهب. دهب بزعل: عايز إيه يا مهند؟ مهند بابتسامة: إيه ده. القمر زعلاني مني ولا إيه؟ دهب: انت في رايك إيه؟ مهند بمغازلة: طيب ما تيجي نطلع شقتنا ونتصالح مع بعض. دهب بابتسامة خجولة: لا يخويا مش عاوزة.

مهند: أيوه كده. عاوز الابتسامة الحلوة دي. ما تفرقش وشك الجميل ده يا جوهرتي. دهب بحب: طول ما انت موجود. إن شاء الله مش ها تفرق وشي أبداً. هاني نزل من على السلم. لبس بدلة سمرة ومم تشيك. كان جميل فيها أوي: إيه الحلوة دي يا مهند؟ بتعاكسها عين عينك كده؟ طيب خلي عندك شوية دم. وخد بالك أخوك لسه أعزب. دهب تتكسف جامد. مهند يبص لهاني بغضب: عايز إيه يا زفت انت؟ هاني: معلش. من حقك تزعل. بس إيه رأيك في بقا بذمتك؟

مش أحلى عريس في الدنيا؟ مهند يبص على هاني بقرف مصطنع: مين قال ده بذمة؟ ده شكل عريس. دهب بضحك: أخص عليك يا مهند. ده هاني عسل والله. ألف مبروك يا أجمل عريس في الدنيا. مهند بغيره: لا والله. هاني: تسلمي يا أحلى مرات أخ في العالم كله. مهند: طيب يخويا تعالى. يا دود عشان أجهز نفسي وأطلع أحلى من العريس. هاني: اهههي. احلم يا خويا. ده أنا ما فيش أحلى مني في الدنيا كلها.

دهب: طيب خلاص. انتوا الاتنين حلوين وما فيش فيكم واحد يزعل. هاني: أنا والله طول عمري باقول عليكي انتي اللي عقله يا ست العاقلين. مهند بغيظ في هاني: تعالي يا دهب يا حبيبتي عشان نطلع نجهز. عشان إن شاء الله أنا أكون أحلى من العريس. هاني: طب والله انت واحد رخم يا أخي. والله يسد نفسك. سديت نفسي في يوم حلو زي ده. مهند يضحك ويخد دهب ويطلع على شقتهم. مهند ودهب يدخلوا شقتهم. دهب: أخص عليك يا مهند. زعلت أخوك في يوم حلو زي ده.

مهند: انتي ومالكيش دعوة. أنا بعرف إزاي أصلحه. دهب: طيب يا خويا. ربنا يخليكم لبعض يارب. هدخل أجهز لك الحمام يا مهند وأطلع لك الهدوم بتاعتك. مهند: لا. اتدخلي اجهزي عشان ما بقاش في وقت. وأنا هدخل أجهز في أوضة تانية. دهب: طيب ماشي. اللي تشوفه. مهند ياخد هدومه ويخرج. وبعد وقت كان مهند جهز ولبس بدلة كحلي. كان جميل أوي.

دهب تخرج من الأوضة. لبسه فستانها الذهبي اللي سماح اختارته لها. ولبست على طارحة نبيتي غامق. وحطت مكياج خفيف. كانت جميلة أوي. مهند بصدمة: يالههههوي. إيه يا بت الحلوة دي كله؟ دهب يخجل: بجد حلوة يا مهند. مهند: حلوة إيه؟ ده انتي عسل. قمر. موز يا وزعتي. دهب بضحكة خجولة: وانت كمان حلو قوي. مهند يقرب منها ويمسكها من وسطها ويقربها منه جامد: إيه رأيك بلاش نروح الشبكة ونروح الجناح على طول؟ دهب بصدمة: مهند انت بتقول إيه؟

أنا عاوزة أشوف العروسة. مهند: طيب تعالي بس. مش عايزك تغيبي عن عيني لحظة واحدة. انتي فاهمة. دهب: وأنا هروح فين يعني؟ ما أنا هفضل معاك. مهند بحب: والله أنا خايفه لحد يحسدني عليكي. دهب بضحكة: مش لدرجتي يعني. مهند: أجمل ما فيكي إنك متواضعة يا قلبي. يلا بينا عشان ما نتأخرش. مهند نازل السلم وماسك دهب في إيدي. الكل يبص عليهم معجبين بجمالهم. هما الاتنين لايقين على بعض أوي. سماح بفرحة: الله وأكبر. إيه الجمال ده يا دهب؟

كنت عارف إن الفستان هيكون حلو عليكي. بس ما تخيلتش إنه هيكون بجمال ده كله. الحاج محمد: ربنا يحفظكم. إسلام: بجد طالعة زي الأميرة يا دهب. شيرين بغيظ: عادي يعني. مش لدرجتي. ما أنا كمان حلوة. يرضوا. الكل يبص على شيرين وما فيش حد يرد عليها. دهب بطيب خاطر: طبعاً انتي حلوة من غير حاجة. هاني: طبعاً انتي حلوة يا مدام شيرين. بس مش أحلى من دهب. شيرين تبص على هاني بغيظ وما تردش. مهند بمزح: أول مرة تقول حاجة تعجبني.

الحاج محمد: طيب يلا بقا عشان ما نتأخرش. في القاعة الكل قاعد منتظر دخول العرسان. إلا شيرين قاعدة ومستنية تشوف مين هو عصام. فجأة شاب يدخل القاعة ويروح عند مهند ودهب. عصام: إزيك يا مهند. دهب بصدمة: عصام؟ عصام بحزن: عاملة إيه يا دهب. مهند بغضب: عصام بتعمل إيه هنا؟ عصام بزعل: إيه؟ مش مبسوط إن أنا هنا؟ شيرين عينيها على عصام: يالههههوي. هو الشباب اللي هنا كلهم مزز كده؟

بس أنا لازم أنفذ اللي في دماغي. بس إزاي هخلي يشرب الدوه عشان يعمل اللي أنا عايزه؟ مهند يحس أنه زوده: مش قصدي يا عصام. أهلاً بيك يا صاحبي. وقومت وحضنت عصام. هو ممكن ما يكونش غلطان في حاجة. بس أنا من غيرتي على دهب وخوفي لحد تاني ياخدها مني. خلاني أتصرف معه بالطريقة دي. بس خلاص. دهب بقت ملكي أنا وبس. وأنا واثق إنه مش هتخون ثقتي فيها أبداً. عصام وعينيه على دهب: وحشتني قوي يا صاحبي. مهند: وانت كمان وحشتني قوي يا عصام.

عصام ينتبه هو كان قاصد دهب: وانت أكثر والله يا مهند. مهند: معلش يا عصام. أنا عارف إن انت زعلان مني. بس أنا آسف يا صاحبي. ما تفضلش زعلان مني. وانت عارف لو كان حد مكاني كان عمل اللي عملته. وأكتر. واللي حصل ما كانش سهل. عصام: عارف. ما تخافش. أنا مش زعلان منك والله. ومعاك حق في كل حاجة عملتها. ولو واحد غيرك كان عمل أكتر من كده. دهب: طيب كويس إنكم استصلحتم. ربنا يديم المحبة بينكم يا رب. مهند وعصام يبصوا على دهب.

والاتنين في صوت واحد: يارب. نور القاعة ينطفئ فجأة. وبقعة نور على باب القاعة يعلن بدخول العرسان. يدخل هاني وعروسته. نور كانت لبسه فستان سمني بلمع وعاملة ميكب ارتست وعاملة تسريحة جميلة. الكل عيني عليهم. واشتغلت أغاني رومانسية هادية. العرسان يروحوا ويسلموا على أهلهم. سماح بفرحة: ألف مبروك يا قلب أمك. مبروك يا نور يا حبيبتي. نور العروسة: الله يبارك فيكي يا طنط. سماح: عروستك قمر ما شاء الله عليها يا هاني.

هاني: وأنا يعني اللي مش قمر ولا إيه؟ سماح بضحك: لا أبداً. ما حدش شايفك قمر. نور بمرح: لا بقا يا طنط. الموز بتاعي قمر. هاني بمغازلة: ده انتي اللي موزة وقمر يا مزتي. الحاج محمد يضرب هاني على كفاه: احترام نفسك يا ض. هاني: إيه يا حاج؟ بقت مراتي خلاص. ويطلع قسيمة الجواز. أهو. والله مراتي. هم كتبوا كتب الكتاب بتاع هاني ونور. الحاج محمد ياخد هاني في حضنه: ألف مبروك يا قلب أبوك. عارف إن هي بقت مراتك.

هاني: يعني لازم تعملي الشاويش عطية الأول؟ الله يبارك في عمرك يا حاج. الكل بيضحك على كلام هاني. الحاج محمد: أنا الشاويش عطية طيب. خد عروستك وامشي من قدامي يا هاني أحسن لك. هاني يبص عليه بخوف. يمسك ايد نور ويجري من قدامه. هاني: تعالي يا نور نمشي بسرعة. لا هيقتلني باين عليه. وياخد عروسته ويطلع يجري على الكوشة زي الهبل. مهند بضحك: والله الواد ده مجنون. حتى ما سلمش عليا. دهب بضحكة: يالههههوي. شوفت جرى إزاي.

سماح باستغراب: بذمة ده منظر عريس. الحاج محمد: أنا بقول الواد ده مش ها يعقل. حتى لو بقى أب. مهند: تعالي يا دهب نروح نسلم على المجنون وعروسته. دهب بضحك: يالههههوي. مش قادرة. اصبر شوية. مهند يبص على دهب ويضحك على ضحكتها. الحاج محمد وسماح في صوت واحد: ربنا يدوم السعد عليكم. شيرين بغل: لا مش ها يدوم طول ما أنا موجودة. وتبص على عصام: لازم أروح أتعرف على الموز الجديد. وتروح عند عصام وبدلع. شيرين: هاي.

عصام يبص له بقرف: السلام عليكم. شيرين تمد إيديه عشان تسلم عليه: وعليكم السلام. أنا شيرين. عصام: آسف. مش بسلم على حريم. شيرين بدلع: أوبس. عادي. آسفة. وتقعد جنب عصام ومعها كوبيتين عصير: اتفضل العصير. عصام: شكراً. مش عاوز. شيرين بدلع وزعل مصطنع: معقولة؟ أنا جايباه عشانك مخصوص وأنت تكسفني كده. عصام يبصلها وياخد منها كوباية العصير ويشرب منها. شيرين تبص على عصام وتبتسم شر. هاني وعروسته يرقصوا سلو وعماليين يضحكوا مع بعض.

مهند: دهب ما تيجي نرقص. هاني مش أحسن مني في حاجة. دهب بضحكة: مهند. هو انت ها تغير من أخوك؟ مهند: ما لكيش دعوة. بس تعالي. دهب: مهند أنا مش بعرف أرقص. مهند: تعالي وأنا هعلمك. دهب يخجل. تبص على الناس: لا يا خويا. هتكسف من الناس دي كلها. مهند يبص على الناس: طيب إيه رأيك نروح الجناح. أهو شوفتي العروسة وكل حاجة خلصت. دهب بابتسامة: طيب. اللي انت عاوزه. مهند بحب: بموت فيكي يا بت. دهب تعض على شفايفها بخجل: وأنا كمان بموت فيك.

مهند: طيب تعالي يلا ونكمل هناك. هيكون شكلنا وحش قدام الناس لو تهورت وعملت حاجة. شيرين عيونها على دهب ومهند. شيرين: يلا يا شيرين. ده الوقت المناسب. وتبص على عصام: بين كدا. لسه مفعول الدوه ما عملش حاجة. تبص على مهند ودهب وهم طالعين من القاعة: أنا لازم أعمل حاجة. وطلع التليفون وتبعت رسالة على نفس الرقم. عصام قاعد والتليفون يعلن على وصول رسالة. يفتح التليفون ويقرأ الرسالة. عصام: انت فين؟ أنا مستنياك من بدري.

عصام يدور بعيني على دهب مش يشوفها في مكان. شيرين: بدور على حاجة. عصام: لا. بعد إذنك. أنا عندي مشوار مهما. شيرين بضحكة ودلع: خدني معاك. عصام باستغراب: نعم. شيرين: ها. ولا حاجة. هو إيه اللي بيحصل ده؟ عصام: مش فاهمه. هو إيه اللي بيحصل؟ على العموم مش مهما. بعد إذنك. مش فاضي. شيرين: استني بس. أنا جاية معاك. مهند: دهب انتي رايحة فين؟ دهب: الله. مش ده هو الجناح؟ مهند بابتسامة: مستعجلة.

دهب بخجل: لا. بس مش هو ده اللي انت قولت عليه. مهند: أيوه هو. بس أنا غيرت المكان. تعالي معايا. هخدك مكان أحسن. عصام يدخل على المكان اللي في العنوان ويبص ما يلاقيش أحد. فجأة الباب يتفتح ويتقفل تاني. عصام: آسف يا دهب. تأخرت عليكي. وفجأة يحس بدوخة ومش بقى شايف. تاني يوم في جناح في الفندق. مهند لوحده وقلقان على دهب. يتصل على الحاج محمد. الحاج محمد في التليفون: خير يا مهند. بتتصل بدري ليه كده؟

مهند: معلش يا حاج. بس هي دهب عندك؟ الحاج محمد باستغراب: إزاي؟ مش كانت معاك. مهند: مش عارف والله يا حاج. اختفت فجأة. الحاج محمد: اتلاقيها هنا ولا هنا. شوفها فين. مهند: ماشي يا حاج. هروح أدور عليها. أجيبها وجاي. مهند يقفل التليفون ويطلع عشان يدور على دهب. مهند ماشي في روق الفندق. فجأة يوقف قدام باب جناح. ويسمع صوت حد. ويفتح الباب. ويتصدم من المنظر اللي يشوفه. وبصوت عالي. مهند: دهب. عصام يفتح عيني يتصدم

من المنظر اللي يشوفه: يالهوي. إيه اللي حصل؟ يتبع….