رواية حكاية قمر الفصل الرابع والخمسون 54 - بقلم وردة في البستان

اسر: عايشين برا إيه يابني، بقولك مش لاقيين يأكلوا، وجايين يعيشوا عندنا في الفيلا. وليد: أومال فين أهلها؟ اسر: بتقول ماتوا. وليد: ياحبيبتي، تلقيها ناقصها حنان الأب. ماتشوفها كدا، أنت عندك حنان كتير، اديها شوية. اسر حدفه بكتاب في وشه: تصدق إني غلطان إني بحكيلك أصلاً. وليد بيضحك: أهدي خلاص، بهزار. عايز أخرجك من المود اللي أنت فيه ده. اسر: نقطني بسكاتك وأنا هكون كويس.

وليد: طيب أنا هسكت أهو، بس مفتكرش الاتنين اللي جايين دول هيسكتوا. اسر بيبص لقي صافي وسارة، وصافي بتشاورله من بعيد. اسر: مش ناقصها خاااالص. وليد: اتعامل عادي عشان متسألش. سارة: هاي يا شباب، عاملين إيه؟ وليد: تمام، كويسين. صافي: اسر عامل إيه، وحشتني. اسر: أنا كويس، وأنتي؟ صافي: كويسة طالما شفتك. وليد: أيوة ياسيدي، مين قدك. اسر بص له بغيظ وسكت. سارة: حد قابل ليل، خد منها المحاضرات؟ اسر بتسرع: لا، ومش عايز منها حاجة.

البنات استغربت طريقته. وليد خبطه في رجله وبصوت واطي: ركز، هتشككهم فيك. سارة: مش عايز حاجة منها ليه؟ صافي بغيظ: هي البت دي عملتلك حاجة يااسر؟ اسر: لا معملتش، بس مش عايز حد غريب يبقى صاحبنا، كفاية إحنا بس. وإن كان على المحاضرات، كل يوم واحد ييجي يكتبها ويديها للباقي. صافي بفرحة: أهو ده الكلام، أنا أساساً مكنتش مرتاحة للبت دي ولا حبيتها، بنت مستفزة.

سارة: أنا شايفة إن البنت لا مستفزة ولا وحشة. وبعدين إحنا اللي طلبنا منها، مش هي اللي جت قالت عايزة أصاحبكم. ومظنش يااسر إننا نعتمد علينا إن كل يوم واحد فينا ييجي. لو أنت جيت غيرك مش هييجي. وليد: بصراحة سارة عندها حق، أنا مش هاجي. ولو جيت مش هحضر. سارة: وأنتي ياصافي، بزمتك هتكتبي محاضرات؟ صافي: أه عادي، مكتبش ليه طالما اسر معايا، موافقة. سارة: لا ما هو هيكون يوم لوحدك، محدش معاك فيه.

صافي: لا طبعاً، اسر هيكون معايا، صح يااسر؟ اسر: لا، أنا أقصد كل واحد لوحده. سارة: قولتي إيه؟ صافي بتردد: موافقة. (رضيت بأي حل، المهم ليل تبعد عنها) اسر: خلاص، يبقى كدا مفيش غيرك أنتِ اللي معترضة ياسارة. سارة: تمام، همشي على كلامكم، بس أنا لو غبت يوم أو حد فيكم غاب، هاخد المحاضرات منها، ومحدش يزعل، طالما أنتو مضربين عنها كدا ومش حابينها. الكل: تمام، اتفقنا. *** نور: أهو ياستي، مارشميلو كتير أهو زي ماطلبتي.

تونة: طعمه حلو أوي، الشماليلو ده يانور. خدي حتة كدا. نور بتضحك: اسمه مارشميلو ياتونة، وبعدين أنا مش عايزة، أنا جايبة كل ده ليكي انتي لوحدك. بس هطلب منك طلب صغنن قد كدهو. تونة بقها مليان: قولولي براحتك. نور: بصي، بعد ما تخلصي المارشميلو، هتيجي معايا تاخدي شاور، وهلبسك فستان حلو أوي، وأظبطلك شعرك الحلو ده. بس كدا، عشان أونكل زين لما يشوفك يحبك. تونة برقت: أنتي عايزاني أعمل كووووول داهون عشان أبو طويلة ده يحبني؟

دا لا، ممكن أتخلى عن تسريحتي من أجله. نور: طب مش عشان خاطر زين، عشان خاطري أنا. وبعدين فين التسريحة دي يا تونة، بزمتك دي تسريحة؟ تونة برقت لها: تقصدي إيه يانور؟ نور بخوف: لا لا، مقصدش، متزعليش نفسك. أنا عايزة أكون حلوة. تونة: وهو أنا في حلاوتي؟ نور: أنا عايزة أكون حلوة أكتر وأكتر. تونة: خلاص، اديني وقت كدا أقلبها في دماغي. روحي انتي هاتيلي فستق وتعالي. نور: فستق! تونة: إيه، معندكوش فستق؟

أومال فيلا وسلم وانتو معكوش ٥ جنيه تجيبوا فستق بيهم؟ نور: لا، عندنا فستق وبنتق كمان. تونة: طب قومي هاتيلي يلا. نور: حاضر. تونة: استني، افتحيلي التلفزيون ده، عايزة أتفرج. نور: حاضر، اهو سندريلا شغال، اتفرجي عليه. تونة: تعالي هنا، إيه سندريلا ده؟ شايفني عيلة صغيرة ولا إيه؟ نور بصت لها باستغراب. تونة: عايزة فيلم محمد رمضان. أنتي هتفضلي متنحالي يللا! نور: حاضر أهو.

تونة بترقص: أيوه، عبده موتة، أيوه، غنو معايا، أيوه أيوه، قولوا ورايا، عبده موتة. نور متنح لها. تونة: يلا روحي هاتيلي الفستق والبنتق. نور: أنتي بتعامليني ليه كدا؟ تونة: عشان تبقي تتريقي على تسريحتي تاني. يلا روحي. نور: حاضر. *** قمر: ليل، إيه رجعك بدري كدا؟ ليل: مافيش حاجة. قمر مسكتها من إيدها: استني، أنتي مدريّة وشك ليه؟ ليل زقت إيدها: قولتلك مافيش بقى، سبيني. قمر: أنتي معيطة؟ فيه إيه؟ حد عملك حاجة؟

قوليلي وأنا أجيبلك حقك تالت ومتلت. مالك ياليل؟ ليل: قولتلك مافيش، لو سمحتي ابعدي عني، مش عايزة أتكلم مع حد. قمر: لا ماهو أنا مش هقف أتفرج عليكي وأنا شايفاكي كدا. قوليلي مالك. الواد ده عملك حاجة؟ انطقي. فين عنوانه وأنا أروح أطربقها على دماغه ودماغ أهله.