رواية حكاية قمر الفصل التاسع عشر 19 - بقلم وردة في البستان

ليل : فيلا الألفي آسر : إيه إيه ليل : إيه تعرفها آسر بإنكار : آه آه أعرفها طبعاً دي فيلا قريبة من فيلاتنا ليل بابتسامة : طب كويس آسر : مقلتليش بقا تشربي إيه ليل: لا مش وقته علشان منتأخرش ع المحاضرة آسر : طب روحي انتي وأنا هعمل مكالمة وجاي وراكي ليل : ماشي (آسر مستغرب إزاي بتقول ع أبوه عمها وهو مالهوش عمام أصلاً!! اتصل بزين آسر : زين عامل إيه زين : أهلاً أهلاً .. بالبيه اللي سايبنا ف القرف ومشي آسر قلق أكتر:

ليه حصل إيه زين : البيت اتجنن خلاص وبقى لا يطاق آسر: فاهمني طب حصل إيه زين : أبوك ونور جايبين ناس من الشارع تعيش معانا ف الفيلا .. انت لازم ترجع علشان نشوف حل للموضوع دا آسر : من الشارع إزاي .. أنا مش فاهم حاجة زين : هحكيلك *** نور بتخبط الباب : احم احم ممكن أدخل قمر : طبعاً يانور .. دا بيتك ياحبيبتي اتفضلي نور : عاملة إيه بقا .. مرتاحة ف المكان دا ولا تخليكي معانا .. جوا

قمر : بيني وبينك يانور أنا حاسة إني مش مرتاحة ف وجودي وحاسة إني تقيلة كدا .. انتو كتر خيركم والله إذا كان انتي ولا أستاذ أحمد ربنا يبارك ف عمره .. بس حاسة إن باقي البيت مش هيتحملونا .. متعودتش أكون تقيلة ع حد .. انتي فاهمني يانور نور : فاهماكي ياقمر بس صدقيني انتو مش مضايقنا خالص والله .. بالعكس أنا حاسة إن البيت هيكون ليه روح بوجودكم بعد ما بقى مطفي من وقت موت ماما

قمر : ربنا يرحمها ياحبيبتي .. بس أنا آسفة يعني ف اللي هقوله .. بس أخوكي شكله روحه ف مناخيره وحاسة مش طايقنا خالص نور بتضحك: زين فعلاً روحه ف مناخيره وعصبي دايماً .. بس طيب أوي والله .. هو بس علشان لسه متعاملش معاكم لو اتعامل هيحبكم زي ما أنا اتعاملت معاكم وحقيقي.. انتو ناس جميلة أوي قمر : دا من ذوقك ياحبيبتي والله .. الأ صحيح كنت عايزة أسألك ع حاجة نور : اتفضلي

قمر : أنا من ساعة ماجيت وأنا شايفة أخوكي الصغير قاعد لوحده مش بيتكلم مع حد نور بصت ع كريم بزعل: لا كريم مبيتكلمش أصلاً قمر : ياحبيبي آخرس ربنا يشيل عنه نور : لا مش آخرس بس هو منع الكلام عن نفسه من وقت موت ماما قمر : ياحبيبي يظهر كان متعلق بيها أوي .. طب مودتوهوش لدكتور نور : راح لدكاترة كتير أوي وكلهم اجمعوا ع إن النطق متوقف عليه هو .. لما من نفسه يحب يتكلم هيتكلم قمر: طب هو أنا لو قعدت معاه وكدا عادي

نور : هو عادي بس هو مش هيرد عليكي مهما عملتي قمر: نجرب مش هنخسر حاجة نور : ياريت والله ياقمر دا بابا هيفرح أوي لو كريم رجع اتكلم قمر: بإذن الله يانور قولي يارب نور : يارب *** ليل : كل دا بتتكلم آسر : آه في حاجة ليل : لا مفيش آسر : ماشي ليل : هو انت عندك أخوات آسر كان هيقول افتكر اللي هيعملوا : لا معنديش ليل : عايش مع مامتك وباباك بس آسر : مامتي متوفية ليل اتضايقت : أنا آسفة فكرتك بيها

آسر بعصبية : ومين قالك إني نسيها أصلاً ليل : مش قصدي كدا .. أنا أقصد آسر : مش عايز أفهم قصدك إيه .. ركزي الدكتور جه ليل بصت باستغراب إيه يخليه يقلب فجأة !! *** تونة : أنا زهقت .. عايزة أنزل بالبسين قمر : اقعدي هنا متحركيش من جنبي كفاية المصيبة اللي عملتيها الصبح الله يباركلك تونة : ماليش دعوة عايزة أنزل بالبسين قمر : مفيش نزول يعني مفيش نزول فاهمة ولا لأ تونة حطت إيدها ف وسطها ونفخت : طااايب هتشوفي ***

هدي : خير يا صافي بتلبسي وراحة فين صافي : راحة أقابل آسر ياماما عاوزة حاجة هدي: انتو اتصالحته صافي : إحنا من امتى بنتخاصم أصلاً .. آسر مبيعرفش يزعل مني هدي : ياسلام أومال كنتي متجننة علينا ليه امبارح .. وابعدوو عني محدش يدخل الأوضة.. كان علشان إيه الجنان دا كله هدي : طيب ياحبيبتي ربنا يهديكم صافي: يارب ياماما .. أسيبك أنا بقا علشان متأخرش عليه .. بااااي هدي : باي يامجنونة *** ليل : ممكن أعرف إيه سبب تغيرك فجأة دا

آسر: ولا حاجة بس المكالمة ضايقتني شوية