رواية حكاية ملاك الفصل السابع 7 - بقلم روفيدا وائل

ملاك: انتي! نهي: اي، متوقعتيش توفيني هنا. ملاك: لا، منورة الكلية ووحشتيني جداً يا نونا. وقربت تحضنها. نهي: ورجعت لورا خطوة. متأكدة إن يومي هيبوظ بعد ما شفتك النهارده. ملاك: وبصت لها بحزن. عن إذنك، صحبتي مستنياني. ملاك: أسفة يا جودي، اتاخرت. جودي: مين اللي سيادتك كنتي واقفة معاها دي؟ ملاك: دي نهي. جودي: بلا نهي بلا قرف. إنتي صحبتي أنا وبس. لو فكرة هتدخلي الكلية وتتصاحبي ناس، هقتلك.

ملاك: والله إنتي اللي في القلب، بس وبعدين أنا وهي مبنقبلش بعض أصلاً. جودي: طيب يلا يا أختي، اتأخرنا على المحاضرة. ملاك: يلا. ودخلوا المحاضرة. الدكتور: وبدأ يعرف بنفسه. بعد ما بدأ شرح بشوية. نهي: لو سمحت يا دكتور، الاتنين اللي ورايا عمالين يتكلموا ومش عارفة أركز. ملاك: وبصت لها بصدمة. لا والله يا دكتور، إحنا مش بنتكلم. الدكتور: اتفضلي بره يا آنسة. جودي: بس هي متكلمتش يا دكتور، والبت دي كدابة. الدكتور: عاوزين تتكلموا؟

اتفضلوا بره. جودي: بس. ملاك: وقطعت كلامها. بس يا جودي، إحنا مش هنتحايل عليه علشان نحضر المحاضرة. وخدت شنطتها وخرجت. جودي: وبصت على نهي بغيظ. وخدت شنطتها وخرجت معاها. في الكافتيريا. جودي: مالها البت دي؟ منافسة منك ليه؟ ملاك: ما تركزيش معاها، سيبك منها. جودي: تعرفيها منين؟ ملاك: دي تكون أختي من أبويا. جودي: أختك! إزاي؟ اللي أعرفه إن طنط معندهاش غيرك.

ملاك: دي قصة طويلة يا جودي، وأنا مش عاوزة أحكيها. المهم إن أنا ملاك صحبتك وبس. جودي: وإنتي أهم عندي من أي حد يا روحي. والبت دي، سبيها عليا بقى. ملاك: هتعملي إيه بس؟ جودي: هتشوفي، اتفرجي. ملاك: أنا خايفة منك يا صاحبي. جودي: متخافيش، هقرص ودنها علشان تتعلم الأدب بس. وفجأة جودي فردت رجلها. نهي: ووقعت على الأرض. آآآه! وإيه اللي عملتيه ده؟ إنتي متخلفة! جودي: أنا متخلفة! يا اللي مشفتيش تربية. طب تعالي.

وجبتها من شعرها وضلت تضرب فيها. ملاك: عمالة تضحك ومش قادرة من منظرهم. بعد فترة اتلموا عليهم وفصلوهم عن بعض. ملاك بضحك: إيه اللي عملتيه ده؟ حرام عليكي. جودي بنظرة شر: هو أنا لسه عملت فيها حاجة؟ دا أنا لسه هربيهالك، اصبري، التقيل جاي. ملاك: وضحكت على منظرها. ربنا يكون في عونها. بس بجد أنا فرحت لما خلتنا نخرج من المحاضرة دي، كانت محاضرة رخمة ودكتور شايف نفسه ومتخلف. وبعدين إيه ده، طويل شبه الزرافة. جودي: زرافة!

ملاك: آه، وصوته شبه ديك البرابر. وبنبرة تريقة: اطلعي بره يا آنسة. جودي بخوف: كفاية يا ملاك. ملاك: مالك يا بت؟ في إيه؟ جودي بخوف: بصي وراكي، وهتعرفي. ملاك: وبتلف. يالهوي!