رواية حكايتي مع صعيدي الفصل الثامن 8 - بقلم أمل زكي

عدى الوقت وسط تساؤلات من الجميع، ولكن صقر مكنش بيرد. نزلهم كلهم تحت وفضل جمب نسمة لحد ما بدأت تفوق. كانت الصدمة لما لقت صقر ماسك إيدها بيبوسها وعنيه بتدمع. نسمة بصدمة وهمست: صقر. صقر وهو يرفع وشه بسرعة: نسمة، انتي فوقتي. نسمة وهي تشد إيدها بغضب بعد ما افتكرت كل حاجة: أيوه فوقت. صقر بدموع: معلش، حقك عليا والله. انتي عارفة الفرق بينا كام سنة؟

13 سنة. ورغم ذلك حبيتك والله من أول مرة اتشديت ليكي. بس صعب، مكنتش أعرف إنك بتحبيني أصلاً، ولا عارف إزاي. كل اللي كنت عايزه إني أكرهك فيا. نسمة بدموع: أقولك إزاي؟ أقولك إنه حبيتك من قبل ما أشوفك. حبيتك من كلام البنات عنك ومن كلام الكل عنك. وفي أكتر من حد بيحبك. حبيتك مش بإيدي للأسف يعني. وفرق إيه اللي بتتكلم فيه؟

الحب اللي بجد مش بيراعي سن ولا وقت ولا حتى بالكلام. وفي ناس كتيرة الفرق بينا 20 سنة والـ 15 سنة. أنا كنت عايزاك أب ليا، وأخ، وزوج، وحبيب. بس طلعت غلطانة. شكراً جداً، وبعد إذنك طلقني طالما كارهني. صقر بغضب صعيدي: وه، أطلقك؟ انتي اتجننتي ياك؟ واي، كارهك دي؟ نسمة بزعل: متجننتش. أنا مبحبش أكون عالة على حد. دي الحقيقة، انت بتكرهني. صقر بهدوء مزيف وخبث: طب تعالي بس أفرجك على الجنينة بتاعتي، زارعها بإيدي.

نسمة بزعل: وبعدين هتطلقني؟ صقر بخبث: أه طبعاً. يلا. وبالفعل قامت نسمة بزعل. عدى الوقت ووصلوا الجنينة، وشال صقر النقاب من على وشها: محدش بيجي هنا غيري. وقفوا تحت شجرة مانجا. بصت ليها نسمة بحب. عرف صقر نظرتها وجاب لها مانجاية بسبب فرق الطول. وهي فرحت وكلتها من غير أي شكليات. صقر بخبث: تحبي أثبت لك إني بحبك؟ نسمة بعبوس: لا، مش عاوزة حاجة منك. صقر بخبث: بس أنا عاوز بقى. وزقها تحت شجرة. نسمة بخجل: انت مجنون والله.

صقر بعشق: مجنون بيكي.