تحميل رواية حكايتي بقلم هاجر العفيفي pdf

أنا أتقدملي عريس وأنا الصراحة موافقة.

قالتها نيرمين بتوتر وخوف من ردة فعله.

زين بصدمة: انتي بتهزري صح؟ طب وأنا؟

نيرمين ببرود: زين، انت عارف إني مش بحبك. وإن كانت أيام طيش، لكن دلوقتي أهلي مصممين وأنا مقدرش أكسر كلامهم. عن إذنك بقى عشان مبقاش ينفع قعدتنا دي.

سابته ومشيت، وهو كان في صدمة من كلامها.

زين بغضب وهو بيكسر كل حاجة قدامه بعصبية: طلعت كدابة وبتخدعني بعد لما حبيتها؟ سابتني بعد لما اتعلقت بيها؟

والدته بدموع: اهدى يا ابني مش كده. بكرة أجوزك ست ستها، بس متزعلش نفسك على واحدة زيها.

زين بدموع وضعف: حبيتها، كنت مستعد أعمل كل حاجة عشانها والله عشان تحبني.

والدته: طب إيه اللي خلاها تتغير كده؟

زين بعصبية: عشان خاااااينة.

والدته قالت: انت قوي يا حبيبي، لازم تعرف إنها متستاهلكش.

زين قام وقف وقال ببرود: أنا هخليها تندم على اليوم اللي عرفتني فيه بجد.

تاني يوم.

زين كان نازل من على السلم وخبط في بنت وهو طالع.

البنت بغضب: إيه؟ مش تفتح؟

زين بعصبية: والله شووفي نفسك الأول.

البنت: يعني غلطان وكمان بجح؟

زين بغضب أكتر: بت انتي ابعدي عن طريقي، أنا مش ناقصك.

زقها وفجأة لقاها اختل توازنها ووقعت من على السلم.

زين بخضة: يانهار أبيض، روحت في داهية.