تحميل رواية حكم مسبق بقلم دنيا ثروت pdf

أنتي فاهمة اللي بتقوليه؟

بابا لو عرف إنك لسه بنت هيقت..

ششش متقولهوش ولا تقولي لحد، لو عرفو هروح فيها.

مش ده اللي كنتي هتموتي تتجوزيه؟ اديكي بتشربي المُر.

انتي كدا بتواسيني!

نارين مسكتها من دراعها بحنية: خلاص اتطلقي وأنا جنبك.

روح: هتطلق ويتفلق.

صابرين حماتها بتدخل عليها: هتطلقي إيه.. ضحكتيني والله. نارين اطلعي بره.

نارين: اطلعي برا.

صابرين قربت عليها مسكت بوقها: بقولك إيه يابت انتي، ولا هتطلقي ولا زفت. ولو الدنيا ضاقت واخليه يتجوز عليكي هخليه.

روح بتزق ايديها بعصبية: عالجيه ياستي عالجيه! أي ذنبي أنا؟ أي؟ أنا زي أي بنت بتتصبر.

صابرين بتبص عليها وبتنزل.

روح بتقعد على السرير بتعيط: عايزة أي دي النتائج الأخيرة.. أنا لازم أتعالج.

الدكتور بأسف: رحيم بيه صدقني مش في إيدي حاجة، بس هنكمل في العلاج.

رحيم: أنا ملمستش مراتي حتى الآن. حرام، حرام.

سليم: متعترضش على قضاء ربنا يارحيم.. وبعدين هي لو عرفت مش هتسيبك.

رحيم: لو عرفت هتسيبني وهتمشي.. أنا مستحيل أظلمها معايا أكتر من كدا.

في القصر…

صابرين: هي البت دي مالها مبتطلعش؟

محسن جوزها: خلاص بقا ياصابرين.. بعدين العيب من ابنك لما يرجع اقعدي معاه.

قفلت على نفسها الأوضة مكنتش بتخرج لحد ما جه من السفر.

دخل عليها الأوضة اتعامل كأنه مش شايفها.

قربت عليه: عايزة أطلق.

رحيم ببرود: حلو، هطلبلك دليفري طلاق وهيجي بعد ساعة.

بتشده من دراعه بالقوة: بقولك زفت، عايزة أطلق ياسيدي أنا مش عايزة جواز ولا عايزة أعيش معاك. طلقني، طلقنييي.

رحيم قرب عليها وهمس في ودنها: أنتي طالق ياروحي.

حست قلبها اتكسر وافتكرت كل حياتها كانت معاه ازاي.

لمت هدومها نزلت.

حماتها مسابتهاش في حالها ونزلت فيها خناق.

نارين جريت عليها على باب البيت: روح انتي رايحة فين؟

روح بدموع: طلقني.

نارين: روح متسيبهوش، روح عشان خاطري متسيبهوش.. رحيم عنده الإيدز…!!!!