رواية حلال الأسد الفصل الخامس عشر 15 - بقلم أسماء حبيب

ريم،،، في إيه؟ انتي مش شفتي الرسالة ولا إيه؟ سراج بغضب شديد والناس اتلمت بسبب غضب سراج الشديد، وكان اللي عمله خلى ريم بقت خلاص تتمنى إنها ما كانتش اتكلمت من الأساس. سراج أخد الورد ورماه على الأرض وبعصبية شديدة، انتييي إيه؟ معندكيش دم؟ معندكيش أخلاق؟ جايبالي ورد والمفروض بقى إني آخدك بالحضن؟

يا شيخة اتقي الله في نفسك، انتي رامية نفسك كده بدل ما تحافظي عليها للي يستاهلها. أنا تعبت من تصرفاتك يا دكتورة يا محترمة، شوية تشيلي الألقاب وشوية أفهمك حاجة انتي مفروض تكوني فاهماها، وشوية تدخليلي المكتب من غير إذن وأنا بكشف على المريضة. وتبعتيلي رسالة وتقولي فروض عايزة إيه مني؟ ريم بصت حواليها وكانت مصدومة من كمية الناس اللي اتلمت حواليها، تهرب من الموضوع، تـ تـما، خلاص يا دكتور سراج.

مشيت ريم بسرعة وسراج دخل المكتب بضيق وقعد على الكرسي ومسك الموبايل. سراج،،، السلام عليكم. حلا،،، وعليكم السلام يا صاصا. خيراً يا أخي؟ هههه بس اوعي تتخانق معايا بقولك أهو. سراج بزهق،،، معلش يا حلا كلمي آيات علشان مش هعرف أجيب رقم والدها. وبلااش كلام كتير ماشي. حلا بخبث،،، اممم طيب يا صاصا. سراج،،، مااا بلاش صاصا دي يا حلااا الله. حلا،،، يا ساتر خلاص يا صاصا مش هقولك صاصا إلا لما تكون رايق. سلام يا صاصا.

سراج،،، مستفزة. حلا،،، أنا لسه مقفلتش وسمعتك يا صاصا. سراج قفل الخط. أما عند حلا اللي اتصلت بآيات. آيات،،، وعليكم السلام. إيه يا حلا خير؟ حلا،،، جايبالك عريس. حزر فزر مين؟ آيات بدهشة،،، عريس مين يا حلا؟ حلا،،، مش هقولك إنه سراج علشان مش عايزني ألمح ويعملها مفاجأة. بس هو عايز رقم والدك علشان يكلمه النهارده بس. آيات حسّت بفرحة وقلق،،، سراج بجد؟ بس هو بيحبني؟ حلا،،، مين جاب سيرة سراج؟ يوه هاتي الرقم.

آيات،،، هههههه خدي يا ستي ....... حلا،،، تمام أوي. سلام بقى يا عروسة يا مرات صاصا المستقبلية. أشوفك غداً. سولام. آيات قفلت وكانت قاعدة على سريرها وبتفكر، يا ترى كان سراج بيحبني بجد؟ يوووه اسكتي بقى يا آيات، بكرة هتفهمي كل حاجة. كانت حلا بعتت لسراج الرقم وكلمت والد آيات واتفقوا مع والدها إنه جايلهم بكرة. وكان والد آيات مبسوط لأنه يعرف عيلة سراج وأخلاقهم كويس. أما عند آيه وزياد في الشاليه.

آيه صحيت على صوت زياد وهو بيصحيها،،، يا آيااااه يا بت قومي. آيه بنعاس،،، أييي عايز إيه؟ زياد وهو بيقعد جنبها،،، قومي علشان أنا عاملك الفطار بنفسي علشان تتغذي يا عروسة. آيه فاقت بسرعة،،، ينهار أسود زي بعضه منك لله يا زياد. كدا تعمل كدا؟ زياد حط أكل بسرعة في بؤها،،، كووولي كوووولي، أصل انتي شكلك تعبانة. آيه وبلعت الأكل،،، على فكرة بقى انتي عايز تضرب.

زياد ساب الأكل بزهق،،، على فكرة بقى أنا مكنتش أعرف إنك نكدية كده. أنا ماشي. آيه بسرعة،،، رااايح فين؟ لو مشيت هقوووول لطنط زينة وتتصرف معاك. وهههههه على فكرة كانت قالتلي بعد موضوع سرقتك لبطة الجيران إيه اللي حصل لما كنت جاي تنط من على السور ههههههههه. زياد بإحراج،،، بسسس خلاص خلاص. كان يوم كده مش مظبوط من أوله. آيه،،، زياد. زياد،،، بتنهيدة،،، نعم. آيه،،، انتي بتحب رودي؟ زياد،،، اممم نص ونص كده. آيه،،، زيااااااد.

زياد،،، إيه يا آيه؟ في إيه؟ خلاص هقولك. بما إنك خلاص بقيتي مراتي حببشي هحكيلك. آيه،،، أيوه يا خويه. اتمحلسس اتمحلسس. زياد،،، احم. ندخل في الموضوع. أنا أول ما بدأت شغل في الشركة كانت رودي بتشتغل في الشركة المنافسة ليا هي وشيماء. وأنا كنت أعرف والدها معرفة سطحية. المهم حصلت مواقف وتقابلنا كتير أوي. وبصراحة كانت طيبة جداً وقلبها عليا. أيييه يسلام. آيه ضربت زياد في كتفه بإيديها فوقته (يستاهل) ،،، لااااا يا شيخ. وبعدين.

زياد،،، حاااضر هكمل. المهم رودي أصلاً كانت متجوزة قبل كده وطلقها. ده كان متجوزها علشان أملاكها. ولما عرف إن أبوها وزع أملاكه ويختبر حبه لرودي لأنها أصلاً مش بتخلف عندها مشاكل. فزي ما اتوقع كان جوازه مصلحة وطلقها. ورودي تعبت جامد بصراحة. بقي صعبت عليا. مني عل قلبي رهيف يا يويو يا حببتي. آيه بغيظ،،،، يااا سلام على الحنان اللي بيدلدق على الأرض.

زياد،،، المهم أنا فاتحت والد رودي وقولتله على اللي حكيتهولك امبارح وإني عايز أوقع ناس وأنا عايز أتجوز بنته بس في السر. وكانت رودي واقفة جنبي خطوة بخطوة وعمرها ما فكرت تأذيني. آيه،،، يعني انتي اتجوزتها شفقة ولا ولا حب؟ زياد،،، بصراحة مش عارف. بس هو أكيد حاجة بين البينين كده. آيه،،، يا غلستك يا أخي. زياد،،، إيه؟ عايزاني أكدب؟ آيه،،، وأنا بقى هدني بقى الزوجة التانية مش كده؟

زياد،،، يا آيه افهمي. أنا بحبك بجد. يمكن حصلت بينا مشاكل صغننة و. آيه،،، زيااااد. زياد،،، خلاص خلاص. مشاكل مدهولة خلتك تاخدي عني موقف وحش نوعاً ما. اممم بس اللي انتي متعرفيهوش أصلاً إني لو مكنتش حبيتك مكنتش اتجوزتك يا عبيطة هانم من الأساس. آيه بدهشة،،، تقصد إنك أصلاً ك. زياد،،، أيووون. دخلتي دماغي بصراحة. قولت اتجوز بنت محترمة مش صيعه. وكمان أربيكي على كلامك اللي قولتييه. بس كده؟

آيه،،، يا أخي نص كلامك حلو ونص التاني دبش. قووم قووم. زياد،،، على فكرة فكرت كويس وأنا بطبخ البيض في كلامك امبارح عن بيع الشركة. آيه،،، بجاااد يا زياد؟ بجد؟ زياد،،، ايووون. آيه،،، اممم يعني مش هترجع في كلااامك؟ زياد،،، زياااد القاسم مبرجعش في كلامه أبداً على فكرة. آيه،،،، حلووو أوي. زياد،،، بس سؤال صغنون قد كدهون. آيه،،، قول. زياد،،، هناكل منين؟ آيه،،، ناكل عند امييي.

زياد،،، فيها الخير والله. أنا هعلن بيع الشركة وناكل عند أمك. آيه بزعيق،،،، زياد، قووم من جمبااااااي. زياد،،، على فكرة انتي بتعلي صوتك (إن أنكر الأصوات لصوت الحمير) . شفتي ربنا قال في كتابه إيه. آيه،،، زياد ياااا حبيبي ربنا يقوي إيمانك. بس لو عايز نكمل مع بعض الأفضل ليك إنك تطلع بره الأوضة دلوقتي. ممكن؟ زياد،،، يا قلبي بتحبيني والله بتحبيني. آيه بنفاذ صبر،،، ما تقووووم يااااااه. زياد،،، أهو ألاخ جعفر طلع.

في شقة في عمارة غريبة. أشرقت بقلق،،، يا جاد بصراحة هو إن... جاد،،، في إيه يا أشرقت؟ ما تتكلمي! أشرقت بخوف،،، بصراحة يا جاد أنا حامل بقى. ولازم تتقدملي رسمي. مش ينفع كده! جاد وبيبرق ليها،،، بتقولي إيه؟ حاااامل؟ هو انتي مش كنتي بتاخدي حبوب منع الحمل؟ أشرقت،،، معرفش إزاي بقى يا جاد. المهم انتَ لازم تلاقي حل بسرعة وتتقدملي. جاد،،، دييي مصيبة يا أشرقت. طيب بصي يومين بسسس وهكلمك بخصوص الموضوع ده وهرد عليكي بسرعة.

أشرقت،،، بالله عليك يا جاااد. أنا ممكن أروح في داهية. ممكن ماما تروح فيها. انتي عارف إن بحبك أوي. مش تتأخر يا جاد. جاد بيهديها،،، حاضر يا حببتي حاضر. جاد نزل مع أشرقت اللي كانت هتموت من القلق وركبها العربية بتاعتها،،، يومين بس يا أشرقت. يومين. أشرقت وهي بتاخد نفسها،،، طيب يا جاد. سلااام. جاد بعد ما مشيت رفع الموبايل بتاعه،،، كله تمام والفضيحة هتكون أكبر. مش طلعت حامل ههههه.

شيماء بضحك،،،، هههه لا راجل بصحيح. حلو أوي. امشي زي ما اتفقنا. عايزة أحرق قلبه على أخته زي ما حرق قلبيييي كده. جاد،،، لا متخفيش. أنا مجهز كل حاجة. اطمني خالص. شيماء،،، تمام. قابلني في الكافيه بالليل علشان تستلم باقي المبلغ ههههه. مرت الساعات وكان سراج روح وأسد وسيف عندهم في البيت. أسد،،، يشرفني يا دكتور عبد الكريم تطلب إيد بنتك الأستاذة حلا.

الدكتور عبد الكريم بفرحة وابتسامة جميلة،،،، دا يشرفني يا ابني طبعاً إنك تكون جوز بنتي. بس الرأي رأيها في الآخر. نجوى،،، وبصراحة كده يا دكتور ك. سيف،،، بعد إذنك يا ماما. دا بقى طلبي أنااا. انتي قلتي ليا اللي أنا عايزه هتعملهولي صح؟ الدكتور عبد الكريم بضحك،،،، هههه صح. سيف،،، أنا كنت عايز أتچوز سلمي. سلمى اللي كانت بتسمع الحوار من المطبخ اتصدمت. كانت مش عارفة تفرح ولا تزعل ولا تعمل إيه. كانت متلخبطة.

مرت ثواني صمت على الكل. قطع الصمت الدكتور عبد الكريم،،،، سيف أنا ممكن ألبي لك أي طلب. بس سلمى أنا آسف مقدرش يا ابني. سيف بسرعة،،، لي بس والله يا عمي. لو متشلهاش الأرض أشيلها أنا على راسي. عمري ما هقصر معاها في حاجة ولا هتحس إنها أقل من أي حد. أنا فاهم إنت رافض لي. بس حاول تشوف رأيها. ولو مش وافقت خلاص ولا كأني اتكلمت من الأساس.

أسد،،، يا عمي سيف هيشيل سلمي في عينيه ومش هنخسر حاجة. يقعدوا مع بعض يتكلموا وأنا ونشوف اللي ربنا ريده هيكون. سراج،،، أسد معاه حق يا بابا. وسلمى فعلاً مش أقل من أي بنت وحقها تفرح. الدكتور عبد الكريم بهدوء،،، تمام. اقعد معاها وربنا يقدم اللي فيه الخير. كان أسد قاعد مع حلا ومعتصم محشور في النص ههههه أخو حلا بقى. وكان سراج بعيد شوية علشان سيف وسلمى ياخدوا راحتهم. سيف بهدوء وابتسامة،،، ازيك يا سلمي؟ أخبار صحتك إيه؟

سلمى بكسوف ومش بتبصله،،، الحمد الله على كل حال. سيف،،، شوفي يا سلمي أنا ميفرقش معايا تعبك لأن ده بتاع ربنا. وبصراحة مش هلاقي واحدة زيك أبداً وشايفها أم لولادي كمان. سلمى بجدية وحسن إن كسوفها تبخر،،،، إزاي يا دكتور سيف؟ وأنا عجزة إني أقوم وأتحرك. أنا هكون عالة عليك. انتي عارف إن الجواز ده مسؤولية وأنا مش هقدر. وكمان أنا لسه بتعلم و.

سيف،،، صدقيني يا سلمي أنا عمري ما هحسسك إنك عجزة أبداً وهقف جنبك لحد لما تقفي على رجلك. وهساعدك في الدراسة وكون العكاز اللي تتسندي عليه طول عمرك ومش يخليكي تقعي أبداً. سلمى،،، بس يا دكتور سيف أنا شيفاك أستاذي و. سيف،،، وأنا شيفك إنك تبقي أحسن زوجة ليا. لأني. احم بعد كتب الكتاب بقى. لأن بصراحة أخاف من ربنا. وكمان ممكن أخوكي يعلقني هههه. عند أسد وحلا. حلا،،، اممم عندي شوية أسئلة كده يا أستاذ أسد ولازم تجاوبني.

أسد،،،، هههه آه. لاختبار عارف. قولي وأنا هجاوب. حلا بنص عين 😑،،، السؤال الأول: انت بتصلي كل الفروض في مواعيدها. أسد بابتسامة،،، الحمد الله. حلا،،، السؤال التاني: لما تقابل ستات في شغلك بتتعامل معاهم إزاي؟ أسد،،، برسمية. اااه وكمان مش ببصلهم إلا للضرورة. أيوه فاهم قصدك غض البصر. حلا،،، أيوه فعلاً هو. السؤال التالت: لما تتجوز ويكون عندك أولاد مين هيربيهم؟ أنا ولا انتَ؟

أسد،،، هههه مش سهلة بس هجاوبك. إحنا الاتنين علشان مش ينفع واحد يهتم والتاني لأ. لازم نشارك بعض في كل حاجة. حلا،،، صح. طيب في سؤال كده لازم أسأله و و وووو متفهمش غلط. ماشي وتجاوبني بصراحة. أسد،،، أكيد. حلا،،، انت حبيت قبل كده يا أسد؟ أسد بهدوء،،،، بصراحة أيوه. حبيت قبل كده.