رواية حلم غير حياتي الفصل الحادي عشر 11 - بقلم زهرة البستان

الدكتور بخبث: مش فارق موتها المهم ناخد اللي عايزينه. مني صوتت جامد وحاولت تقوم وتزق اللي بيمسكها. لحد لما دخل شخص أوضة العمليات. الدكتور بزعيق: انت بتعمل إيه هنا؟ اتفضل اخرج برا. شخص: مش أنا اللي أخرج، أنت واللي أمثالك تغوروا. مش عيب واحد واخد شهادة زيك يشتغل في تجارة أعضاء؟ دا أنت هتروح في ستين داهية ومحدش هيلبسها غيرك من اللي بتشتغل معاهم. الدكتور بخوف: انت بتقول إيه؟

الشرطة دخلت وقتها وقبضوا على الدكتور واللي معاه. الشخص دا قرب مني وقال بهدوء: عملولك حاجة؟ مني بعياط: لا لا، أنا عايزة أمشي ارجوك مشيني من هنا. شخص: طيب اهدي، خدي الهدوم دي البسيها وأنا هوديكي لعند بيتكم. مني بعياط: هروح ازاي؟ دا أنا بعيدة أوي عنهم. أنا مش عارف إيه اللي جابني هنا وازاي كلكو بتتكلمو عربي عادي كدا؟ أنا مش فاهمة حاجة. شخص: تقصدي إيه؟ ما انتي بتتكلمي عربي.

مني بدموع: ما أنا مش عارفة إيه اللي جابني هنا. هما قالولي إننا في ألمانيا. أنا مش عايزة أفضل هنا. شخص: إحنا في مصر. مين اللي فهمك إننا في ألمانيا؟ مني بصدمة وفرح: إحنا في إيه؟ قامت بسرعة وكانت خارجة لبرا وهي بتجري. *** شمس بتبجح: بص يبابا أنا عايزة أشتغل. هتقولي لا هتشوف وش تاني مني مفهوم؟ حسن بص لها بغضب وقال: انتي بتتكلمي كدا ليه يبت انتي؟

انتي متسويش حاجة هنا وأنا اللي أقول أشغل مين ومين اللي ميستاهلش يشتغل هنا، فاهمة؟ طريقة كلامك دي تحسسني إنك... عشان رحمة أمي لو لقيت الطريقة دي منك تاني موجهة ليا هفرصك. شمس بضحك: فيه إيه يباشا؟ دا أنا بهزر معاك. حسن بنفاذ صبر: لا حول ولا قوة إلا بالله يشيخة منك لله. أنا إيه اللي لبسني فيكي؟ كان يوم أسود. شمس بتذمر: يوم أسود ليه؟ هو انت كنت تطول تشوفني؟

حسن ببرود: أموت وأعرف جايبة الثقة دي منين. غوري من وشي يلا برا. تيجي بكرة الساعة ٨ لو اتأخرتي اعتبري نفسك استقلتي من قبل ما تشتغلي، مفهوم؟ شمس بهدوء: حاضر. سلام يباشا. *** وليد بصوت عالي: حساااان، عملك مفاجأة. انت فين؟ حسن بزعيق: انت بهيمة يبني، إيه الصوت ده؟ إحنا في مكان شغل، يامنتخلف! ومفاجأة إيه؟ أكيد زي وشكم. مني دخلت جري وهي بتضحك وراحت حضنت حسن. حسن سكت شوية وبعدين قال بغضب لوليد: أنا مش قولتلك متجيش هنا؟

ده مكان شغل مش لعب يا أستاذ. وانتي أي داهية الأستاذ بيوديكي فيها بتروحي وراه؟ مني عينها اتملت دموع وقامت جاريه على برا وهي بتعيط. حسن بجمود: اتفضل اخرج انت كمان. هتفضل بصصلي كدا؟ وليد بحزن: أنا مش مسامحك على اللي بتعمله فيها ده. ولا مني لو كانت موجودة كانت هتسامحك. وخليك كرهها فيك، هترجع تندم يصحبي.