رواية حلم غير حياتي الفصل الثاني 2 - بقلم زهرة البستان

بنات كتيره حواليها ووشوشهم مش واضحه بيقولو: أنا حامل من جوزك. أنا حامل من جوزك. قمت مفزوعة، لقيته قاعد جمبي. كوابيس مش سيباني من ساعة ما جت وقالتلي: "أنا حامل من جوزك". ده للمرة التانية تحصل. طب ليه بيخونوني؟ ليه؟ أنا تعبت. مش زعلي إني معناه كنت بحبه، لا زعلانه على نفسي وإني الكل بيخوني. قمت بصتله بضيق ودخلت بلم هدومي. وليد: انتي بتعملي أي يمني؟

يمني بغضب: انت متتكلمشي خالص فاهم. ورقة طلاقي توصلني ومتفكرشي إنك تحاول ترجعني. وليد بهدوء: طيب اهدي يحبيبتي. يمني بزعيق: حبيبت أييه! قلتلك اسكت. اتفضل برا لعند لما اخلص. مش طايقة أشوف وشك. وليد: متبوظيش اليوم يسهيله. دي ليلة دخلتنا يحبيبتي. مينفعشي كدا. والبت اللي ايجت دي كدابة. حبت توقعنا في بعض. يمني: ولييد اتقي شري دلوقتي واخرج. ومتفكرشي إني هفضل هنا ثانية. وليد: طب ينفع تخرجي في الوقت ده؟

وكمان ليلة دخلتنا. الناس تقول إيه؟ طب وأهلك ترضي تحرقي قلبهم؟ تعالي يمني وبكرا نتكلم سوا في الموضوع ده. يمني بضيق فكرت شوية وشافت إنها لو راحت لأهلها هتبقى مصيبة، خاصة إنهم مكنوش عايزينها تبقى في البيت معاهم وشايفينها عالة عليهم. _تاني يوم الصبح قامت مني على خبط الباب والزغاريط. وليد دخلها وقته. يمني: مين اللي برا ومين اللي سمحلك تدخل أوضتي كدا؟

وليد بهدوء: هدي صوتك. أهلي وأهلك برا. اجهزي واخرجي. ويا ريت تبيني إننا عادي. مني بصتله بضيق وقامت دخلت الحمام. _ليلي: عملتي اللي قلتلك عليه؟ ... : أه يمدام. أغمي عليها ووليد طردني وقتها. بس أكيد صدقت. وقريب هتلاقيهم اتطلقوا. ليلي بخبث: ماشي. لما أروح أشوف أختي حبيبتي. دا النهارده ليلة صباحيتها. مينفعشي مشوفهاش. ... : هي أختك يمدام؟

ليلي بزعيق: مليكيش فيه. روحي. وادي بقيت فلوسك. معاش عايزة أشوف وشك دلوقتي. وقت لما أحتاجك هبعتلك. ... : حاضر يمدام. _عند سهيلة كانو قاعدين ووليد بيحاول يقرب منها وهي بتحاول تبعد عنه من غير ما حد يلاحظ. جرس الباب ضرب. قامت سهيلة فتحت. ليلي بتمثيل الفرح: لولولولي! ألف مبروك يا عروسة. سهيلة حضنتها وراحوا قعدوا تاني. ليلي بخبث: ما تقومي توريني الشقة يسهيلة. ليلي: ها مالك؟ حساكي مش على بعضك كدا. سهيلة

وهي بتحاول تخفي توترها: مفيش. تعبانة بس شوية. ليلي بخبث: كنت عايزة أقولك حاجة بس متزعليش. أنا هقولك عشان انتي أختي وبس. سهيلة بتوتر: ليكون حد عرف؟ ماله جوزي؟ ليلي: وليد هو اللي قتل حسن.