رواية حمواتي الثلاثه الفصل الخامس 5 - بقلم هويدا زغلول

ابراهيم انتي بتقولي إيه يا روحية، إزاي يعني؟ وبعدين انتي ليه كنتي بتقولي المشكلة من عندك وخليتيني أتزوج عليكي اتنين؟ روحية علشان بحبك، علشان مش عايزة أشوفك مجروح. كنت بتقطعي بس عمري ما كنت أتمنى إن أشوفك مضايق. ابراهيم طيب يوسف ده ابن مين؟ معقول انشراح كانت بتخوني؟ روحية لا والله ما كانت بتخونك، عمري ما كنت هقبل بكده. ابراهيم و انتي عرفتي منين يا روحية إن مش ابنها؟ فهمني.

بدأت روحية تقول له على الكلام اللي سمعته بين أم انشراح وابتسام. *** ابتسام حرام عليكي، أنا هاموت وأشوف ابني، خليني مرة أطمئن عليه، والله ما هقول لانشراح حاجة. الأم وأنا قلت لا يعني لا، مش هتشوفيه. وامشي ابتسام من هنا بقى. ابتسام هو انتي ليه بتعملي في كده؟ أنا تبت لربنا والله وندمت على اللي أنا عملته، وقلت لك أنا مش هقول لها حاجة بس عايزة أشوف ابني. الأم

أنا خلصت كلامي وقولت لك، لو فكرتي تدخلي تقولي لها حاجة متعرفيش أنا هعمل إيه. امشي من هنا بقى. كانت روحية واقفة على باب الشقة وسمعت الكلام، وبعدين دخلت. روحية إزيك يا طنط، عاملة إيه؟ أمال انشراح فين؟ الأم جوا يا حبيبتي، اتفضلي. روحية لا خليها تجهز نفسها، وأنا هجيب تاكسي وأجي، لأن المهم قال لازم تروح النهارده. الأم وهو مجاش ياخدها ليه يا حبيبتي؟ معلش، مش هاين عليه يجي ياخد مراته. روحية والله ورا شغل. أنا نازلة.

وفعلاً نزلت وفضلت واقفة قدام شقة ابتسام لحد ما نزلت. ابتسام خير، مالك، فيه إيه؟ واقفة كده ليه؟ روحية إزاي يهون عليكي ابنك تعملي فيه إيه؟ والله مش قادرة أصدق. ابتسام انصدمت من كلامها وقالت: ابتسام إيه؟ ابني؟ ابني مين؟ أنا عيالي جوا. روحية أنا سمعت كل حاجة، وبجد مش مصدقة. غيرك بيتمنى عيل، انتي تعملي كده؟ ابتسام ارجوكي، وطي صوتك وتعالي جوا نتكلم. وفعلاً دخلوا هما الاتنين. روحية

أنا سمعت الكلام اللي حصل بينك وبين أم انشراح، بس مش قادرة أصدق اللي حصل. ابتسام أنا غلطت، بعد ما جوزي مات وحاولت أنزل العيل معرفتش. ومرات عمي عرفت. وقالت لي إنها هتاخد العيل. ارجوكي لو حماتي عرفت هتاخد عيالي. روحية اهدي، ومحدش هيعرف، وأنا هطمنك على ابنك أول بأول. ابتسام يعني انتي مش ناوي تقولي لجوزك؟ معقول؟ روحية لا. متعرفيش، هو نفسه يكون أب إزاي، وأنا نفسي أشوفه فرحان. وفعلاً روحية فضلت ساكتة ومش قالت لحد. ***

ابراهيم مش قادر أصدق اللي بسمعه ده. الولد اللي ربيته في الآخر يطلع مش ابني. معقول؟ أنا حاسس إن هيحصل لي حاجة. والله. روحية سامحني يا ابراهيم. والله أنا كان نفسي أشوفك فرحان، وكمان يوسف واخد حنية قلبك. ابراهيم اخرجي برا انتي دلوقتي، وبعدين، وإياك تقولي حاجة لحد. وفعلاً خرجت. ويوسف راح بيت ابتسام. ابتسام مين يوسف حبيبي؟ تعالي يا ضنايا. هي انشراح رجعت تاني ولا إيه؟ يوسف

لا، أنا جاي علشانك انتي. مش عارف إيه الإحساس اللي من ناحيتك ده. بحس إن فرحان جداً لما بشوفك والله، وحاسس براحة أوي ليكي. ابتسام حبيبي، يا معقول الكلام ده؟ ممكن أطلب منك طلب؟ عايزة أحضنك، نفسي أوي في كده. وبعدها فعلاً حضنته. يوسف اللي أعرفه إن عندك عيال صبيان وبنات. يعني مش محرومة من الخلفه، ليه بقي انتي كده؟ ابتسام والله يا بني، أنا لو قلت لك الحقيقة، عارفة إنك عمرك ما هتسامحني. يوسف أسامحك؟

وهو انتي غلطتي في حقي علشان تطلبي مني السماح؟ ابتسام أنا هقول لك على كل حاجة. وفعلاً بدأت تقول ليوسف على كل حاجة، وهو ما كانش مصدق خالص اللي بيسمعه. يوسف معقول انتي أمي؟ وإزاي تعملي فيا كده؟ إزاي أقدر أهون عليكي؟ تصدقي إن عمري ما لاحظت إن انشراح أمي؟ عمرها ما كانت بتعاملني كابنها. ابتسام سامحني يا حبيبي. والله أنا عندي استعداد دلوقتي أطلق من جوزي التاني، بس ترجع لي تاني. يوسف بسهولة كده؟ وحياتي أنا أعمل فيها إيه؟

مراتي أقولها إيه؟ فاهمة يعني إيه إنك تظهري في حياتي كده؟ أنا هكون اتدمرت. وسابها ومشي. وأول ما دخل الشقة. انشراح هتاكل يا حبيبي؟ أعمل لك الأكل؟ يوسف مش عايز منك حاجة. مش عايز أشوفك أصلاً. انتي فاهمة ولا لأ؟ انشراح آه، مهي مراتك حامل، ليك حق تعمل كده. هي فاكرة إن بالعيل ده هتكون فاكرة إنها هتتحكم في البيت ولا إيه؟ يوسف اخرسي. مش عايز أسمع اسم مراتي على لسانك. انتي فاهمة ولا لأ؟

وفي الوقت ده، الكل كان مصدوم من اللي سمعه. وخرج ابراهيم. ابراهيم كل واحدة على أوضتها. عايز يوسف لوحده. انشراح بس أنا عايزة حقي يا حاج. انت شوفت ابنك بيعمل في أمه إيه؟ أكيد الهانم السبب. ابراهيم أمه؟ ههههه. طيب ادخلي. ادخلي دلوقتي. وفعلاً الكل دخل. ابراهيم إيه يا يوسف يا ابني؟ مالك؟ يوسف أكتر حاجة وجعتني هو انت. إزاي يعني؟ أنا مش قادر أصدق. معقول انت مش أبويا؟ هي مش فارقة معايا والله، بس كل همي هو انت. ابراهيم

هو انت عرفت منين؟ يوسف عرفت إيه؟ هو انت عارف؟ طيب إزاي؟ أنا عمري ما حسيت إنها أمي. وكنت متأكد إن فيه حاجة غلط. بس النهارده شفت أمي واتكلمت معاها. ومش قادر أصدق. ابراهيم تعرف إن طول اليوم عامل أفكر أعمل معاها إيه. وأكتر حاجة وجعاني هو انت يابني. انت بقيت سندي في الحياة والله. ومتعرفش من غيرك أنا هكون عامل إزاي. يوسف أنا مش فاهم. دي بجد إنسانة إزاي؟

بجد. اوعي تفكر تعمل فيها حاجة. إحنا منقدرش نعيش من غيرك. ده يعني لو تسمح لي إن أنا أبقى آجي أشوفك. ابراهيم هو انت فاكر إن ممكن أسيبك تروح مني؟ وفي الوقت ده دخلت انشراح. انشراح هو انت يا حاج واقف تتكلم معاه بعد ما سمعت عمل في إيه؟ أنا عايزة حقي منه دلوقتي. ابراهيم اللي رحمك من اللي أنا هعمله فيكي يا انشراح هو يوسف. انتي طالق وامشي من هنا ومش عايز أشوف وشك تاني. انشراح انت بتطلقني يا حاج؟

يهون عليك العشرة واللي الأيام اللي كانت بينا؟ معقول؟ ابراهيم امشي من هنا، لأنك متعرفيش أنا نفسي أعمل فيكي إيه. انشراح همشي يا حاج. وطالما خسرت كل حاجة، أحب أعرفك إن يوسف مش ابنك. وعايز تتأكد؟ سهلة. أكد لك. ابراهيم خرجها برا يا يوسف. أنا مش عايز أسمع صوتها. وفعلاً مشيت من البيت ورجعت بيت أمها. ابتسام رجعتي ليه تاني؟ انشراح طلقني. اللي بعت الدنيا كلها علشانه طلقني. وكمان أخد ابني مني. ابتسام

ابنك يوسف ده ابني أنا. واللي أمك عملته زمان اترد ليكي دلوقتي. شوفتي ربنا؟ انشراح وانتي فاكراني ندمانة؟ بكرة أتجوز اللي أحسن منه. أه، أنا برضه شكلي صغير. ابتسام عمرك ما هتتغيري والله. وعمرك ما بتغلطي. نفسك براحتك. ربنا يهديكي. وبعدها مشيت. وأنا فضلت عايشة في البيت. وفي يوم دخلت حسنية لإبراهيم. حسينة بقولك إيه يا ابراهيم؟ أنا عايزة يوسف يمشي من البيت خالص. عايزة هو ليه؟ وهو مش ابنك. ابراهيم

هو انتي عرفتي الكلام ده منين؟