رواية همس الزين الفصل الثامن 8 - بقلم منة يوسف

زين قرب من همس. "همس، بتستعبطي؟ إحنا انهارده فرحنا." همس بكسوف: "اتلم يا زين ومش هتقربلي. إحنا متعرفناش على بعض بما فيه الكفاية ولازم نتكلم ونحط النقط على الحروف." زين: "اممم، نحط النقط على الحروف؟ وبدأنا أول ليلة في حياتنا بالكلام ده. طيب وأهلي هقولهم إيه؟ همس بلا مبالاة: "شوف أنت يا زينو بقى هتقولهم إيه، مش مشكلتي." راحت نامت على السرير وقالت: "ولغاية ما ناخد على بعض، زي الشاطر تنام على الكنبة."

زين وهو شايط منها وحب يغيظها، قرب على السرير ونام جنبها وقال: "وده سرير ودي أوضتي." وكمل ببرود: "ولو مش عاجبك، قومي نامي انتِ على الكنبة." وبص عشان يشوف رد فعلها، اتفاجأ إنها نامت. بص عليها وابتسم ونام جنبه. تاني يوم الصبح، صحي زين وفضل يبص على همس. قرب منها وباسها على خدها. زين وهو ماسك خصلة من شعرها: "ملاك، ملاك وأنتِ نايمة. لكن بتصحي وتقلبي، أعوذ بالله." همس وهي بتتقلب على السرير.

زين عمل نفسه نايم وأخدها في حضنه عشان يشوف رد فعلها. همس وهي بتفتح عينها وحاسة إنه فيه حد مكتفها، اتصدمت وبرقت لما لقته زين اللي نايم جنبها وحاضنها. همس بفزع وصرخ: "انت انت اصحي، بقولك اصحييي." زين: "نامي يا حببتي، مفيش عروسة بتصحى تعمل كدا." همس بصدمة: "زين ونبي قوم، انت انت عملت حاجة؟ زين براءة: "أنا؟ أبداً، دانا حتى سمعت كلامك ونمت على الكنبة." ولعب في شعره وقال: "بس انتِ يعني اللي عملتي." همس بصدمة: "أنا؟

أنا عملت إيه؟ زين براءة: "جيتي جنبي وفضلتي تقولي بحبك يا زين وكلام كتير، وشدِتيني وخلِيتيني أنام جمبك، وحصل اللي حصل." همس بصدمة: "حصل حصل إيه؟ انطق! زين وهو بيقرب من وشها أوي وهمس: "حصل كدا." وباسها. وفجأة سمعوا صوت صريخ قمر تحت.