رواية حور العين الفصل الثامن 8 - بقلم ملك محمد

حور: إحنا موافقين. حياة: إيه اللي موافقين؟ أنا مش موافقة. حور: انتي بتقولي إيه؟ انتي مش شفتيش اللي حصل؟ غيث: أنا هخرج عقبال ما تخلصوا كلامكم. حياة: طب إيه اللي يخلينا نروح نعيش في بيت شاب لوحدنا؟ إحنا إيه عرفنا إذا كان كويس ولا لأ؟ حور: عندك حل تاني؟ حياة: خلاص نروح بيتنا، هيكون أحسن. حور: تمام. خلاص هيروحوا بيتهم. وكان كل يوم رعد يكلم حياة. رعد: زوجتي العزيزة، اتأخرتي ليه؟ حياة: زوجة في عينك! أنا استحالة آجي.

رعد: خلاص أنا هجيبك. حياة: خلاص هاجي، بس ممكن أعرف انت عايز إيه مني؟ رعد: مليكيش دعوة، خليكي في حالك. عدى أسبوع ورعد كل يوم يكلم حياة. وحياة خايفة من كلامه، وكل شوية تتحجج علشان تمشي وخلاص. جه الوقت اللي هتمشي فيه. حياة: حور، أنا لازم أمشي. حور: هتمشي تروحي فين؟ ما أنا عملت اللي انتي عايزاه ومرحتش مع غيث. حياة: لا والله الحكاية مش كده. حور: أمال إيه الحكاية؟

حياة: بصراحة، خالتي تعبانة ولازم أروح لها، وهبقى أكلمك كل يوم. حور: هتطولي؟ حياة: معرفش لسه والله. حور: بس بليز كلميني كل يوم. حياة: أكيد. حياة ودعت حور. ورعد بعت لها عنوان بيته علشان تروح. حياة وصلت، بس كان قصر مهجور. حياة رنت على رعد. رعد: أهلاً زوجتي الغالية. حياة: قولتك 100 مرة متقوليش كده. رعد: ليه بس يا زوجتي الغالية؟ حياة: غالية في عينك! بقولك القصر ده مهجور ومفهوش حد. رعد: ما هو ده البيت بتاعنا.

حياة: بس ده مهجور. رعد: عارف، ما انتي اللي هتنظفيه. حياة: ليه حضرتك شايفني خدامة؟ رعد: آه، وغير كده ده من واجبك كزوجة. حياة: خدامة مين يا حيوان؟ رعد اتضايق ووشه احمر. رعد: مين ده اللي حيوان؟ صدقيني لو جيت ملقتش القصر فلة، هيكون ليا كلام تاني، فاهمة؟ حياة اترعبت من الصوت وقفلت ودخلت القصر. أول ما دخلت حياة، فجأة لقت خفاش. حياة صرخت. حياة بدأت شغل في البيت. بعد حوالي 6 ساعات، القصر خلص. وحياة قعدت ترتاح.

وفجأة سمعت صوت عربية.