رواية حور الاسر الفصل الحادي عشر 11 - بقلم اية جميل

حور بعصبية: أنت بتعمل إيه؟ أنت مين سمحلك تمسك تليفوني؟ أسر: خدي كلمي أخوكي، وأنا عاوزك بعد ما تخلصي. حور: عاوز إيه؟ أسر: اسمها "نعم". ولما تخلصي هاعرف أنا عاوز إيه. حور: متقول واخلص. أسر بعصبية: حوووور ردي على أخوكي. حور: حاضر. الو يا ياسر. ياسر: إيه يا حور؟ أنتِ بتكلمي مديرك كده ليه؟ أنتِ كده هتترفضي. حور: أنا عاوزة أترفد أصلاً. ياسر: إيه؟ حور: عشان ده طلع رخـم. أسر: على فكرة سمعتك، وأنا أعرفك، مين اللي رخـم؟

حور: هتعمل إيه؟ هترفدني؟ ارفدني، في مليون شركة تانية تتمناني. أسر: ماشي، خلصي بس كلامك مع أخوكي. حور: أيوه يا ياسر، عاوز حاجة؟ أنا لازم أقفل. ياسر: تمام، سلام. وكلمي مديرك عدل. حور: حاضر، سلام. ياسر: سلام. حور لأسر: نعم. أسر: حور، ممكن لو سمحت تكلميني عدل الشهر ده، لو سمحت. حور: .... أسر: والله كنت مجبور، وفي يوم هأقولك على اللي حصل. حور: تمام، خلاص. أنا هأروح أقعد أذاكر، عاوز حاجة؟ أسر: لا، شكراً. حور: عن إذنك.

وتركته وجلست على المكتب، وكان أسر يقلب في الأوراق بملل وهو يتابع حور من بعيد. عند فاطمة... فاطمة: ها يا ياسر، أختك عملت إيه في الشغل؟ ياسر: اتقبلت يا نبع الحنان، بس بنتك دي مجنونة. فاطمة: ليه؟ ياسر: دي بتكلم مديرها وحش عشان رخـم، وهي مالها بيه؟ لأ وكمان عاوزاه يرفدها من الشركة دي! شغالة في أكبر شركة. فاطمة: معلش، هي لسه صغيرة، يارب تعقل. ياسر: يارب. عند أسر وحور... بعد فترة، ذهب أسر وجلس على مكتب حور.

أسر: حور، بتعملي إيه؟ حور: بذاكر، عاوز حاجة؟ أسر: لا، كنت زهقان فقولت أجى أقعد معاكي. حور: ماشي. أسر: ما تيجي أذاكرلك. حور: لا، اسكت بقا خليني أذاكر. أسر: أخذ الكرسي وجلس بجانبها. حور: أنت بتعمل إيه؟ أسر: بشوفك بتذاكري إيه. حور: أحياء، يلا بقا امشِ. أسر: ماشي، لو قولتي إيه ده؟ وشاور على رسمة في الكتاب. حور: وأنا أُعرف منين؟ مش عندي في المنهج. أسر: خلاص، خليني أذاكرلك. حور بنفاذ صبر: ماشي، خلاص. أسر: يلا.

وبدأ يشرح لحور، وبعد فترة. حور: الله يا أسر، شرحك حلو أوي. أنت عرفت ده كله إزاي؟ أسر: عشان أنا في كلية الطب يا حور. حور: آه، صح. ده أنت اللي كنت هتعمل ليا العملية. بس يارب أبقى دكتورة زيك. أسر: يارب يا حوري، بس بلاش نتكلم في الموضوع ده تاني عشان أنا بتدايق من نفسي لما بفتكر اللي كنت هعمله. حور: ماشي، بس دي الحقيقة. وبعدين إيه "حوري" دي؟ أنا مش بحب الكلمة دي. أسر: ليه؟

حور: عشان المستر بتاعي بيقولهالي، وهو رخـم، وأنا زعقتله المرة اللي فاتت. أسر: نعم؟ عملتي إيه؟ حور: كسفته وأحرجته قدام أصحابي. أسر: دا إزاي دا؟ حور: بيقولي ركزي يا حوري، رديت عليه قولتله حاضر، بس أنا اسمي حور، مش حورييي. أسر بضحك: قولتيها "حورييي". حور: آه، هو رخـم أوي أصلاً. أسر بضحك: خلاص، هأقولك "يا حوريتي" أو "حوريه"، بس كان نفسي أقولك "حوري" أوي، أصلاً هي أحلى. حور: اممممممم، ماشي، موافقة. قولي أي حاجة.

أسر: طب المدرس ده اسمه إيه؟ حور: اسمه مارد. وسلام بقا عشان أنا لازم أروح. أسر: طب يلا أروحك. حور: لا، عشان ياسر جاي ياخدني. أسر: ليه؟ حور: من ساعة ما أنت خطفتني وهو بيوديني ويجيبني. أسر: ماشي. حور: ياسر بيرن، يبقى جه. يلا سلام. أسر: ماشي، سلام. وبسها من خدها. حور بصدمة: أنت عملت إيه؟ والله... وقاطعها اتصال ياسر مرة أخرى. حور: أنا ماشية، وكلامي معاك بعدين، وأنا منسيتش المرة اللي فاتت.

أسر بضحك: ماشي، وخذي بالك من نفسك. وتركته حور ومشيت. زين وأسد: امسك، إحنا منعرفش إنك جامد أوي كده. زين: هي بتتكلم على إني مرة؟ أسد: أنت عملت فيها إيه المرة اللي بتقول عليها؟ أسر: بس بقا أنت وهو، وانتوا واقفين تتصنتوا علينا؟ مش عيب عليكوا وانتوا كبار كده. زين وأسد: ماشي يا عم الرومانسي. أسد: طب قولي بقا، كنت خاطفها إزاي؟ أسر: ..... (حكى كل اللي حصل) أسد: يبقى دا كله حصل وانتوا مقولتوليش.

أسر: أهو حصل وخلاص بقا يا أسد، ويلا كل واحد فيكوا على مكتبه. وانت يا زين، عاوزك تحضرلي كل المعلومات عن المدرس اللي اسمه مارد. زين: ليه؟ أسر: كدا. وتركهم وذهب أسر لمكتبه، وظل يفكر في حور. عند حور.... ياسر: إيه يا بنتي؟ اتأخرت كده ليه؟ حور: كنت بسأل المدير لو عاوز حاجة قبل ما أمشي. ياسر: ماشي، وبعد كده كلميه عدل. حور: ماشي. ياسر: على العموم، ألف مبروك يا قلبي. حور: الله يبارك فيك. ورجعوا البيت.

حور: يا نبع الحنان، عملتي أكل إيه؟ فاطمة: الأكلة اللي بتحبيها (مكرونة بالبشاميل) حور: الله عليكي يا نبع الحنان، ياريتني كنت انخطفت من زمان. ياسر: بتقولي كده ليه يا حور؟ حور: أصل انتوا بتدللوني من ساعة ما انخطفت. ياسر: إحنا كنا بنعمل كده عشان خايفين عليكي، ومن النهارده ورايح هتلاقي الدلع وبس. حور: ربنا يخليكوا ليا يارب. فاطمة: يلا عشان تتغدوا. حور: بسرعة يا ياسر. وجلسوا يتناولون الطعام، والضحك والهزار مستمر بينهم.

وبعد فترة، ذهبت حور إلى غرفتها. حور لنفسها: أنا كده لقيت شغل، يعني شهر على ما آخد المرتب وأمشي. وذهبت حور حتى تنام، ولكن ظلت تفكر في أسر حتى نامت. عند أسر، رجع البيت. خديجة (والدته) : إزيك يا أسر؟ تعالي، عاوزة أتكلم معاك في موضوع. أسر: موضوع إيه يا ماما؟ محمود (والده) : موضوع كل يوم. أسر: أكيد جايبة عروسة، صح؟ خديجة: آه يا أسر، عاوزة أفرح فيك قبل ما أموت. أسر: بعد الشر عليكي. خديجة: خلاص، تعالي شوف العروسة.

أسر: لأ يا ماما، وقريب أوي هتفرحي. خديجة: يعني إيه يا أسر؟ محمود: يعني ابنك حاطط واحدة في دماغه. خديجة: بجد يا أسر؟ أسر: بجد يا روحي. خديجة: لولولولولولولي. ياسمين (أخت أسر) : مين دي؟ واسمها إيه؟ وعندها كام سنة؟ أسر: مليكيش دعوة انتي، ويلا بقا أنا طالع أنام. خديجة: مش هتتعشى؟ أسر: اتعشيت في الشغل. خديجة: ماشي يا أسر. وذهب أسر لغرفته، وظل يفكر في حور. أسر لنفسه: أنتِ عملتي فيا إيه يا حوري؟

ويا ترى هتعملي إيه أكتر من كده؟