رواية حور الصقر الفصل الخامس عشر 15 - بقلم دنيا ثروت

حور بانهيار: طلقني، اعتبره طلبي الوحيد. طلقني. صقر بجدية: حور، ارجعي لعقلك ومتنطقيش الكلمة دي تاني. أنا عارف إن اللي عملته كله غلط، وأنا بطلب منك تسامحيني. وصدقيني، أنا هَتغير. حور بتلف وشها للجهة التانية: أسامحك على إيه؟ أسامحك على إيه يا صقر؟ هو أنت شكيتني بدبوس؟ أنت عملت كل حاجة الشيطان ممكن يعملها. أنت مفرقتش عنه بحاجة. دخل صفوان في الوقت ده واتكلم بكل جدية: أديك سمعت اللي عايزاه حور.. نفذه وامشي يا صقر.

صقر اتعصب وبص على حور: بصي، أنا طلاق مش هطلق. ولو عايزة تكملي معايا بإرادتك كملي، مش عايزة هضطر أمشيها بالغصب. أنا لما صدقت لقيتك ومش مستعد أخسرك تاني. مش مستعد أعيش من غيرك في يوم. ومشي ووصل البيت ودخل الأوضة وقفل على نفسه وهو بيفكر في كل حاجة عملها. بيفكر إزاي أذاها، بيفكر إزاي مرت الأيام وهي كانت مستحملة كل ده. بيفكر إنه خسر ابنه بسبب كل أفعاله. تحت في المكتب.

صفوان وهو ماسك البرواز: صدقيني يا شهيرة، مكنش بإيدي. مكنش بإيدي إن يحصل كل ده. والله ما كنت عارف إن أبوها هو اللي أنا قتلته بإيدي.. مكنتش أعرف إن عشان آخدك معايا وتبقي ملكي كان لازم أقتل. سامحيني. سامحيني عشان خاطري. على باب المكتب. ثريا كانت سمعت كل حاجة: يلهوي! صفوان بيه بذاته طلع قاتل! جريت على طول على غرفتها واتجهت لهمام اللي كان قاعد وبينفخ في السيجارة: ليك عندي خبر بمليون جنيه. همام بتشوق: قولي أي.

ثريا بفرح: أخوك طلع قاتل. ومش أب قاتل، ده طلع قاتل كبير. همام بصدمة: انتي بتقولي إيه؟ مستنتش ونزلت تحت بسرعة وقابلت صفوان. اتكلمت بصوت عالي: قتلت مين يا خوي؟ صفوان بعصبية: انت بتخرف تقول إيه. همام: لو مقلتش أنا هقول لأصقر وأخليه هو اللي يسألك المرة اللي جاية. صفوان: يعني إيه.. انت جبت الكلام ده منين؟ همام بصوت عالي: انت مش محتاج تخبي. ثريا سمعت كل حاجة يا صفواااان. واتقدم ليه، مسكه من

رقبته واتكلم بصوت عصبية: اتكلم. اتكلم. أنطق يا خوييي. صفوان: أيوه. أيوه. أنا قتلت. قتلت ناصر أبو حور بإيدي. بإيدي الاتنين. سكت عشان تسمعه. سمعته ولا أقول تااااني؟ سمعوا كلهم، ولكن يوجد من سمع على السلم ومن سمع وهو يدخل القصر.