رواية حور الصقر الفصل السابع عشر 17 - بقلم دنيا ثروت

حور وهي بتحاول تشد ايديها: هترجعلي ابني ياصقر؟ صقر بص عليها: لا.. بس صدقيني هعوضك. أول خطوة عملتها، سقف بإيديه واتفتح الباب. دخلوا كل الممرضات وهما في إيديهم هدايا وبدأت الأغنية بتاعت إليسا المشهورة: من أول دقيقة. بدأت عينيهم هما الاتنين تدمع. حور بكل دموع وحب: عملت كل ده امتى؟ صقر وهو بيشيلها بين ذراعيه عشان رجليها: أنا أعمل أي حاجة في الدنيا بس عشان تسامحيني.

وكمل بحب: وعشان أشوف الابتسامة الجميلة دي على وشك الجميل. حور ابتسمت واتدفنت في حضنه وهو فهم إنها اتكسفت. وكمل طريقه وسلم على الممرضين ومشوا. وصلوا قدام بيت جميل نزل وشالها. حور باستغراب: صقر. صقر بحب: يا عيون صقر. حور بكسوف: ده مش القصر. صقر بدأ يتقدم بيها للبيت وهو شايلها ودخل البيت وقعدها في الصالون.

تكلم بكل جدية: كفاية اللي حصلك هناك ياحور.. أنا مش عايزك تفتكري أو يتكرر أي حاجة تزعجك.. عشان كدا هنكمل حياتنا هنا أنا وانتي وحياتنا كلها هتبقى بعيد عنهم. حور: طب وبابا ياصقر؟ صقر: إن شاء الله نبقى نزوره في أقرب وقت. حور: طب ماتجيبه يعيش معانا.. أنا مشوفتش منه حاجة وحشة ياصقر. صقر بتنفاذ صبر وعصبية: خلاص بقا اقفلي على الموضوع. حور خافت من صوته العالي وانكمشت وبدأت عيونها تدمع بصمت. صقر لف وشه ناحيتها ولاقاها بتعيط

قرب منها ومسك إيديها: بصيلي. حور مكنتش راضية تبصله. صقر بحب حرك راسها ناحيته: متزعليش مني.. أنا بس عايز أبعدك عن أي حاجة تفكرك.. وياستي بعد ما تتحسني هبقى أجيبلك اللي انتي عايزاها. وقام قرب من ودانها واتكلم بتملك: بعدين متحلميش إني أخلي في البيت راجل تاني غيري عشان انتي حور الصقر وبس فهمتي. حور ابتسمت: احم احم.. عايزة أطلع أغير هدومي.

صقر أخدها للأوضة وساعدها باحترام وحاول ميلمسهاش لأنه مش عايز يلمسها غير وهي قابلة كدا. في القصر. همام بقوة: زي ماسمعت كدا. اكتب نص الميراث باسمي أو أبلغ الشرطة عليك. صفوان: انت مجنون مستحيل ده يحصل. همام وهو بيقوم وبيمسك الموبايل: بضغطة زرار هتكون في الحبس ياخوي. صفوان قرب منه ورما الموبايل كسره: إياك ياخوي إيااااك. همام بيزقه على الأرض وبيرجع يمسك الموبايل. صفوان بيروح

المكتب وبيسحب المسدس: ولو مو'تك مش هيدخلني السجن هق'تلك ياخوي.