رواية حور الصقر الفصل السادس 6 - بقلم دنيا ثروت

صقر كان لسه هيمشي من القصر سمع الخدامة بتصرخ: = يلهوي يلهوووي قمر هانم. صقر طلع على الأوضة لاقى حور مغمي عليها. الخدامة جنبها بتصوت. قرب منها وشالها حطها على السرير ورش عليها شوية ميه عشان تفوق. حور وهي بتفتح عينيها وتمسك دماغها: = اه اه. إيه اللي حصل. صقر وهو بيبص للخدامة: = اخرجي انتي دلوقتي. صقر قفل الباب وراح لحور واتكلم بحذر: = أنا هقول قواعد هتمشي عليها في البيت ده زي الألف. أول قاعدة:

= اياكي تنزلي بشعرك أو بلبس يبين تفاصيل جسمك. تاني قاعدة: = قبل ما تفكري إن نفسيتك تبقي وحشة أو متأكليش أو تزعلي افتكري إني عايز ابني بأحسن صحة، والا مش هتشوفي أمك طول حياتك. تالت قاعدة: = مش هتخرجي من البيت غير معايا، حتى لو أبويا نفسه مش هتخرجي غير معايا. رابع قاعدة: وبدأ يقرب منها ويزيح شعرها: = عايزك تتقبليني لأن حقي الشرعي مسيري آخده، حتى ولو بالغصب. حور بصتله بقرف ولفت وشها الناحية التانية.

صقر مسك وشها ولفه ليه: = خامس قاعدة ودي الأهم، اياكي ثم اياكي تلفي وشك وأنا بكلمك. وسابها ونزل. صقر: = متخافش يا صفوان بيه، مرات ابنك الخدامة كويسة. وضحك ضحكة سخرية ومشي من القصر. حميدة وهي بتضربها على كتفها: = مش قولتلك مش قولتلك تعملي العملة وكان زمانك مراته دلوقتي. ماريهان بعياط: = انتي بتقولي إيه؟ انتي بتقولي إيه؟ انتي كنتي عايزاني أبيع شرفي؟ انتي مستوعبة اللي بتقوليه؟ ثريا وهي بتدخل: = إيه في إيه؟

صوتكم عالي كده ليه؟ صفوان لو سمعكم هيطردنا كلنا. ماريهان: = تعالي شوفي مرات عمي بتقول إيه يا ماما واحكمي. حميدة: = أنا مقولتش حاجة يا خيتي، أنا كنت بنصحها وهي مسمعتش النصيحة، وأهو على عينك يا تاجر صقر راح منها واتجوز خدامة. ثريا وهي بتقرب لبنتها وتاخدها في حضنها: = ما يتجوز ولا يتزفت، إحنا أهم حاجة عندنا كل الفلوس دي والأملاك. ماريهان بعياط: = ماما انتي بتقولي إيه؟ أنا مستحيل كنت اتجوز صقر عشان كده، أنا بحبه. ثريا:

= حب إيه ياختي، محدش أخد من الحب حاجة، كل اللي أخدناه الذل كله. همام من برا: = ثريااااا. ثريا بصمت وجمود: = لازم أمشي. ومشت. ثريا دخلت الأوضة وهمام كان محاوطها. بدأ يزيح كل قطعة من هدومها وهي بتنزل من عينها دموع بصمت وحاسة بقرف كل ما يلمسها. بعد وقت. همام وهو بيقوم: = جرى إيه يا مرة؟ انتي مالك كده؟ ثريا: = وانت ليه مستغرب؟ وهي بتشد اللبس وبتلبس. وبتقوم: = بتبيع وتشتري في مراتك؟ عايز منها ردة فعل إيه؟ همام مسكها من

إيديها ومسك وشها بعصبية: = انتي ليه مش ناوية تنسي؟ ليييييي؟