رواية حور ياسين الفصل الحادي والعشرون 21 - بقلم مي

منال: هنعمل إيه يا حنان؟ ياسين ممكن بجد يرفض. أسماء بعصبية وزعيق: خلاص بقى! هو فيه أم كدا؟ هتفضلي ترمينا عليهم لحد إمتى؟ أنا كرهت عمايلك إنتي وبنتك ومش هبقى معاكم من النهاردة. أنا برا اللعبة دي. منال ضربتها بالقلم: عشان تحترمي نفسك وإنتي بتكلميني. امشي غوري من وشي. أسماء طلعت وهي بتعيط وخبطت في حور وملك وهما نازلين. حور: أسماء إنتي بتعيطي؟ أسماء: لا. ملك بسخرية: ومن إمتى يا حور العقارب بتعيط؟

أسماء عياطها زاد وراحت أوضتها. حور: إيه يا ملك؟ مينفعش كدا. ملك: يووو بقى يا حور. حور: تعالي نروح نشوفها. حرام. ملك: تعالي يا حور. بس صدقيني دول عقارب. حور: ملك خلاص يلا. وراحوا أوضتها واتصدموا. ملك وحور بصدمة: أسمااااء. لقوا أسماء بتعيط. حور قربت منها: مالك بتعيطي ليه؟ أسماء: حور بجد أنا آسفة. أنا عارفة إني كنت بضايقك كتير. بس والله ده كان طلب من أمي وإيمان. وأنا كنت بحسب إنهم فعلًا على حق. أنا آسفة.

حور بطيبة: خلاص اعتبري مفيش حاجة حصلت. ونبقى صحاب. رأيك إيه يا سوما؟ أسماء: أكيد طبعًا. حاجة تشرفني. وحضنت حور. حور: ملك كمان صحبتك. ملك: أنا مالي أنا. أسماء: خلاص سبيها يا حور براحتها. حور: ملك. ملك: أوووف خلاص صحاب يابا. قطع كلامهم دخول إيمان. إيمان: وأنا أقول الأوضة منورة ليه؟ ملك: أكيد مش نورك. ده نور اللمض يا حبيبتي. حور: أنا رايحة أوضتي.

ملك: استني يا أوختش. خديني معاكي. تعالي يا بت يا أسماء بدل ما أعديكي تاني. إحنا مصدقنا إن ربنا هداكي. يلا. أسماء قامت وراحت معاهم. إيمان بغيظ: يعني بقى كدا. ماشي. أنا هوريكم بس استنوا. ونزلت تحت تاني. عند ياسين خرج من المكتب وخرج برا الفيلا. وبعد خمس دقايق رجع تاني وكان معاه شنطتين. منال: إيه دول يا ياسين؟ ياسين: شنط. منال: أيوه. فيهم إيه يعني؟ ياسين: ميخصش حد. وسابهم وطلع. طلع عند أوضة حور وخبط. ملك: ادخل يا سيف.

ياسين دخل واتفاجأ بأسماء معاهم. ياسين: هو ليه مفيش مرة أدخل يا ياسين؟ ملك: يمكن عشان إنت مبتدخلش هنا أصلًا. ياسين: صح. طيب خدي يا حور. خدي يا ملك. ملك: إيه دا؟ ياسين: شوفي وإنتي هتعرفي. ملك خدت شنطة. ياسين: إيه يا حور؟ مش هتاخدي الشنطة تشوفي فيها إيه؟ حور: مش هيفرق. اللي فيها معايا. ياسين: حوووور. حور قربت وخدت الشنطة منه. ملك: فون بدل اللي اتكسر. بجد شكرًا. ياسين: شكرًا بس يا هبلة. حور فتحت الشنطة لقت فون جديد.

حور: شكرًا. ياسين: العفو. تعالي عايزك في أوضتي دقيقة. حور: ها. ليه؟ ياسين: هقولك على حاجة يا حور. يلا. وخرج من الأوضة وراحت وراه حور. دخل ياسين أوضته. ياسين بتحذير: حور. هقولها للمرة التانية عشان غضبي ميطولكيش. ملكيش دعوة بـ"أسر" و"هناء". إنتي فاهمة؟ حور: طب أسر وعرفت ليه؟ أما ماما مينفعش مكلمهاش يا ياسين. وبذات إنها مريضة. ولا أنت نسيت؟ ياسين: حور أنا قولت اللي عندي وخلاص. وإنتي حرة.

حور: ياسين. صدقني هكلم ماما. بس أنا أسر لا. ياسين بغضب: وللمرة التانية بتحطي اسمه على لسانك يا حور. المرة الجاية إنتي حرة. سامعة؟ حور بعياط: حاضر. وخرجت من أوضته وراحت أوضتها. ملك: مالك بتعيطي ليه؟ حور: مفيش. أسماء: أنا ممكن أخرج وتتكلموا براحتكم. حور: إيه الهبل ده؟ لا. بس ياسين منعني إني أكلم ماما نهائي. وحاولت أتكلم معاه بس مقتنعش. ملك: معلش يا حور. أسماء: خلاص يا حور. لما يهدا حاولي تكلمي تاني. حور: بإذن الله.

ملك: بقولكم إيه؟ أنا جعانة. تعالي يا أسماء معايا نعمل سندوتشات لينا إحنا التلاتة. أسماء: يلا. وخرجت أسماء وملك سوا. نزلو تحت. حور بعياط بعد ما خرجوا: يااااارب. تعبت أوي. خدني عندك. أنا تعبت. ومسحت دموعها وخرجت البلكونة. عند ملك وأسماء عملوا السندوتشات وكانوا طالعين بيهم فوق. حنان: ملك رايحة فين بالأكل دا؟ ملك: هناكل فوق. حنان: ماشي يا حبيبتي. طلعت ملك وأسماء خبطوا ومحدش رد. دخلت ملك وأسماء. ملك: حور يا حور.

دوروا عليها في الأوضة ملقوهاش. أسماء راحت تشوفها في البلكونة: حوووووور. حور كانت قاعدة على سور البلكونة وباصة للسما وسرحانة. وكأنها في عالم تاني خالص. وفقت على صوت أسماء اتفزعت. وكانت هتقع بس. ياسين بعد ما حور سابته قعد يحاول يهدي نفسه شوية. وبعد ربع ساعة سمع صوت أسماء وهي بتصوت باسم حور. خاف عليها. جري بسرعة على أوضتها. وكانت هتقع بس هو لحقها في آخر لحظة.

ملك وأسماء وسيف كان رجع البيت تاني. كان الثلاثة واقفين. وياسين كان خايف على حور أوي. ياسين: حور. إنتي كويسة؟ فيكي حاجة؟ حور: أنا كويسة. ملك حضنتها: كدا يا حور؟ تخوفينا عليكي. حور: خوفتوا ليه؟ ما أنا وإنتي على طول بنقعد كدا. ملك: أيوه بس المرة دي كنتي هتقعي. سيف: مينفعش تقعدوا كدا تاني. ياسين بعصبية: مينفعش ليه؟ ما هي دي حور. هو إنت فاكرة نفسك طفلة صغيرة؟ دا حتى الأطفال مبيعملوش كدا زيك. الجنان ده. ملك: خلاص يا أبيه.

ياسين: ياريت تاخدي بالك من أفعالك يا حور. إنتي مش صغيرة. وسابها وخرج. سيف: صراحة ياسين المرة دي معاه حق. وسابهم وخرج. حور عيطت. ملك وأسماء حاولوا يهدوها. حور: ممكن تسبوني أنام شوية؟ ملك: بس. حور: ملك لو سمحت عايزة أنام. ملك وأسماء: حاضر. وخرجوا. وحور فضلت تعيط لحد ما نامت. ملك: أنا خايفة عليها. أسماء: طب هنعمل إيه؟ ملك: مش عارفة لسه. والمشكلة إننا لازم ننزل الجامعة بكرة عشان الإجازة اللي كنا واخدينها خلصت.

أسماء: وإيه؟ ياسين هيوافق إن حور تنزل بكرة؟ ملك: مش عارفة. بفكر أروح أقوله. أسماء: كيب. روحي. وأنا هروح أوضتي. ملك: تمام. وراحت على أوضة ياسين وخبطت. ياسين: ادخل. ملك دخلت. ملك: أبيه. ممكن أقولك على حاجة؟ ياسين: قولي يا ملك. ملك: بكرة هننزل الجامعة. ياسين: قصدك تنزلي الجامعة؟ ملك: أبيه. طب وحور مش هينفع متنزلش؟ ياسين: ملك. ملكيش دعوة بـ"حور". خليكي في نفسك. ملك: يا أبيه بس. ياسين: ملللك. أنا قولت إيه؟

مليكيش دعوة بـ"حور". ملك: حاضر يا أبيه. وخرجت برا ودخلت أوضتها. واليوم عدى وحور مخرجتش من أوضتها. وملك راحت عندها مرتين وبس. تاني يوم الكل صحي ونزلوا كلهم. ياسين: ملك. اطلعي اندهي حور. ملك: حاضر. وطلعت ودخلت أوضتها. ملك: حور. يلا عشان نفطر. حور بنوم: مش عايزة أفطر. ملك: مينفعش. يلا عشان نفطر. حور بزهق: حاضر. وقامت جهزت ونزلوا سوا. ولما نزلوا قعدوا. سيف: صباح الخير يا حور. حور: صباح النور.

وبدأوا في الأكل. وبعد وقت قاموا. ملك: أنا همشي بقى عشان متأخرش على الجامعة. منال بخبث: وحور مش هتروح معاكي؟ ملك: لا. حور تعبانة ومش هتقدر تروح. حنان: حبيبتي. روحي إنتي يلا وخلي بالك من نفسك. حور قامت وخرجت الجنينة. وسيف خرج وراها. سيف: مالك يا حور؟ حور بسخرية: ولا أي حاجة. بعد إذنك. سيف: هو إيه اللي بعد إذنك وإنتي بتكلميني كدا ليه أصلًا يا حور؟ حور: يعني إنت مش شايف تحكم ياسين فيا؟

حتى الجامعة مانعني إني أروح. ومانعني إني أطمن على ماما. ومانعني من الخروج. وأنا خلاص زهقت. دا كأنه حبسني. بجد أنا كرهته. وبتمنا لو يبعد عني نهائي. ومشفهوش في حياتي تاني. ليها حق ماما توافق على "أسر" و.