رواية حور ياسين الفصل الحادي والثلاثون 31 - بقلم مي

یاسین بعصبية وغضب ضرب إيده في الحيط جامد. "بقى كل ده وأنا معرفش؟ وهو كان أقرب حد ليكي يا حور؟ لأ، وكنتوا بتتكلموا بعض؟ انتي اتجننتي؟ ماشي يا حور، والله لأوريكي." حور بشجاعة مصطنعة: "انت إيه بقى؟ كل شوية تزعقلي وتهزقني؟ كفاااية يا ياسين، أنا تعبت." یاسین: "هو انتي لسه شفتي حاجة، يا حور؟ والله لهندمك يا حور وهتشوفي." حور بشجاعة مصطنعة: "مبقتش أندم يا ياسين بيه. ولو عندك دم، طلقني وسيبني أمشي من هنا." یاسین بغضب: "طلاق؟

اه، عشان ترجعي لحبيب القلب من تاني؟ يا حور." حور: "قولت أنا مش بحبه، ولا كنت بحبه. انت مبتفهمش." یاسین: "للأسف، كنت بفهم لما فكرتك بتحبيني." حور: "تعرف، أنا فعلًا غلطانة إني حبيتك رغم قسوتك عليا وعصبيتك وزعيقك الدايم ليا، وأنا مش بتكلم." یاسین: "لا، وبتعلي صوتك عليا كمان." حور: "صوتي علي عشان تعبت. كفاية بقى لحد كدا." وكانت هتسيبه وتخرج. یاسین شدها من إيدها. یاسین: "تعالي هنا، انتي رايحة فين؟ حور: "وانت مالك؟

وأه، صح، أنا همشي من الأقصر كلها." یاسین: "اه، عشان تروحي لحبيب القلب؟ صح؟ حور بصوت عالي: "قولت أنا مش بحبه، ولا كنت بحبه يا ياسين. أنا لما حبيت، حبيت واحد ميستهالش." یاسین وقد جن جنونه: "حور، اخرسي بقى عشان متغباش عليكي. وصوتك يوطى وأنتي بتكلميني. واه، اعملي حسابك إنك مش هتخرجي من الأوضة دي، انتي فاهمة؟ وسابها وخرج. حور وقعت على الأرض وعيطت. حنان أول ما شافت یاسین خرج، ملك وأسماء دخلوا لي حور. وحنان بتكلم یاسین.

حنان: "یاسین، انت عملت لي حور إيه؟ یاسین: "ولا حاجة. بس وديني لو خرجت من الأوضة دي، هي حرة. والله يا أمي، لهتزعل. حور من النهاردة هتفضل في الأوضة معايا." وسابها ومشي. عند حور، كانت بتعيط. مسحت دموعها وقامت. حور لنفسها: "والله لهتندم يا ياسين. وبكرة تشوف." دخلت ملك وأسماء. ملك: "حور، انتي كويسة؟ حور: "أيوه." ملك: "ياترى مين اللي بعت الصور دي لي یاسین؟

حور: "معرفش، بس اللي بعت كان عايز يحصل مشاكل بيني أنا ویاسین، وده اللي حصل." أسماء: "على فكرة، والله مش أنا. ولا أعرف حاجة عن الموضوع ده أساسًا." حور: "مين قال إنك انتي؟ دلوقتي، المهم يلا نخرج من الأوضة دي، أنا مش طايقاها." حنان دخلت: "لا يا حور، انتي هتفضلي هنا في الأوضة دي زي ما یاسین قال. اتقي الشر يا حور." حور: "وأنا مش خايفة يا ماما."

حنان: "وأنا مش بقولك خايفة، بس لازم حد فيكم يهدي شوية. يا حور، انتي عارفة إن یاسین عصبي." حور: "لا، بقا أنا مش هفضل في الأقصر أصلًا." حنان: "حور، ممكن تهدي شوية؟ وبعدين انتي عارفة ومتأكدة إن یاسین مش هيخليكي تخرجي برا الأوضة أصلًا، فاهدي وفهمي براحة يا حور." حور: "حاولت ومعرفتش. ابنك خد إني أهزقه وأضربه وأتحكم فيا، وأنا أسكت ومتكلمش." حنان: "حور، قولت أهدي بقى وفهمي براحة يا بنتي، مش كل شوية زعق وخناق سوا."

حور: "حاولت أفهمه براحة، بس هو زي ما أنتي شفتي. بس خلاص، حور اللي كانت بتسكت ماتت، وهيشوف." ملك: "حور، اسمعي كلام ماما واهدي شوية." أسماء: "أيوه، بالظبط." حور: "أنا عايزة أروح أوضتي." عند یاسین، خرج من الأقصر ولف بالعربية شوية ورجع تاني الأقصر وطلع أوضته. سمع حور وهي بتقول: حور: "أنا عايزة أروح أوضتي." یاسین: "ماهي دي بقت أوضتك، ولا إيه؟ حور: "لا، أنا مستحيل أفضل معاك هنا. انت اتجننت؟

یاسین بغضب: "لسانك طول وأنا ساكت يا حور. لمي لسانك أحسنلك." حنان: "یاسین، اهدي شوية. وانتي يا حور، اسكتي بقى." یاسین: "ماما، لو سمحت خدي البنات واخرجوا برا." حنان: "حاضر يا یاسین، بس بلاش تتعصب." یاسین: "حاضر." خرجت حنان وملك وأسماء. یاسین خد هدوم ودخل ياخد دش. وحور قعدت. إيمان: "الو... ... : "ها، حصل إيه؟ إيمان: "يبقى انت اللي بعت لي یاسین الصور؟ ... : "عندك شك؟ ولسة... إيمان: "هههه، لعبتها صح يا فهد."

فهد: "لسة هتشوف." فهد: "هتعرفي بكرة، بس استني."